Read William Morgan Bible 1588 original edition Ieremi 43 Bible Online

Ieremi 43 - William Morgan Bible 1588 original edition bible

Ieremi 43

¹Iohanan yn myned a’r bobl i’r Aipht. 8 Ieremi yn prophwydo dinistr yr Aipht. A phan ddarfu i Ieremi lefaru holl eiriau yr Arglwydd eu Duw hwynt wrth yr holl bobl, y rhai’r anfonase yr Arglwydd eu Duw ef atynt: [îe] yr holl eiriau hynny,

²Yna y llefarodd Azariah mab Osaiah, ac Iohanan mab Careah, a’r holl ddynnion beilchion gan ddywedyd wrth Ieremi, celwydd yr ydwyt ti yn ei ddywedyd, ni anfonodd yr Arglwydd ein Duw ni mo honot ti i ddywedyd, nac ewch i’r Aipht i ymdeithio yno:

³Eithr Baruc mab Neriah a’th annogodd di i’n herbyn ni, i gael ein rhoddi ni yn llaw y Caldeaid, ac i’n lladd, ac i’n caeth-gludo i Babilon.

⁴Ond ni wrandawodd Iohanan mab Careah na holl dywysogion y llu, na’r holl bobl ar lais yr Arglwydd i drigo yn nhîr Iuda:

⁵Eithr Iohanan mab Careah a holl dywysogion y llu a ddygasant ymmaith holl weddill Iuda y rhai a ddychwelasent oddi wrth yr holl genhedloedd (lle y bwriasid hwynt) i aros yng-wlad Iuda,

⁶Yn wŷr a gwragedd a phlant, a merched y brenin, a phob [perchen] enaid a’r a adawse Nabuzaradan pennaeth y mil-wŷr gyd â Gedaliah mab Ahicam fab Saphan, y prophwyd Ieremi hefyd, a Baruc fab Neriah [a gymmerasant hwy ymmaith.]

⁷Felly hwynt a ddaethant i wlâd yr Aipht, canys ni wrandawsant ar lais yr Arglwydd: yna y daethant i Thaphnis.

⁸A gair yr Arglwydd a ddaeth at Ieremi yn Thaphnis gan ddywedyd:

⁹Cymmer di yn dy law gerrig mawrion, a chuddia di hwynt yn yr odyn briddfaen yr hon [sydd] yn nrws tŷ Pharao yn Thaphnis, yng-olwg gwŷr Iuda:

¹⁰A dywet wrthynt, fel hyn y dywed Arglwydd y lluoedd Duw Israel; wele mi a anfonaf, ac a ddygaf Nabuchodonosor frenin Babilon fyng-wâs, ac mi a osodaf ei frenhin-faingc ef ar y cerrig hyn, y rhai a guddiais, ac efe a dana babell arnynt.

¹¹A phan ddelo efe, efe a deru wlâd yr Aipht rhai ag angeu, a rhai â chaethiwed, a rhai a’r cleddyf.

¹²Ac mi a gynneuaf dân yn nhai duwiau yr Aipht, ac efe ai llysc hwynt, ac ai caethiwa hwynt, ac efe â ymwisca â gwlad yr Aipht fel y gwisco bugail ei ddillad: ac efe a aiff allan oddi yno mewn heddwch.

¹³Ac efe a dyrr ddelwau tŷ yr haul yr hwn [sydd] yng-wlâd yr Aipht, ac efe a lysc dai duwiau yr Aipht â thân.