Read William Morgan Bible 1588 original edition Ieremi 47 Bible Online

Ieremi 47 - William Morgan Bible 1588 original edition bible

Ieremi 47

¹Prophwydoliaeth yn erbyn y Philistiaid. Gair yr Arglwydd yr hwn a ddaeth at Ieremi y prophwyd yn erbyn y Philistiaid cynn i Pharao ddinistrio Azah.

²Fel hynn y dywedodd yr Arglwydd, wele dyfroedd a gyfodant i fynu o’r gogledd, ac a fyddant fel afon lifeirioc, a hwynt a lifant tros y wlad, a’r hynn sydd ynddi, [tros] y ddinas a’r rhai sy yn aros ynddi: yna y dynion a waeddant, a holl bresswyl-wŷr y wlâd a vdant.

³Rac sŵn twrwf carnau [y meirch] cryfion, rhac trwst ei gerbydau, [a] thrwst ei olwynion ef: y tadau nid edrychant ar y plant gan wendid dwylo.

⁴Ar y dydd y delo efe i ddestruwio yr holl Philistiaid [y daw efe] i ddinistrio o Tyrus a Sidon a phob cynorthwy arall [iddynt:] o blegit yr Arglwydd a ddinistria y Philistiaid gweddill ynys Caphtor.

⁵Moelni a ddaeth ar Azah, gostegwyd Ascalon gyd a’r rhan arall oi dyffrynnoedd hwynt: pa hŷd yr ymrwygi di?

⁶O cleddyf yr Arglwydd, pa hyd ni lonyddi? dychwel i’th wain, gorphywys di, a thaw di a sôn.

⁷Pa fodd y llonydda efe, gan i’r Arglwydd ei orchymyn ef, ai osod ef yno yn erbyn Ascalon, ac yn erbyn glann y môr?