Read William Morgan Bible 1588 original edition Ieremi 48 Bible Online

Ieremi 48 - William Morgan Bible 1588 original edition bible

Ieremi 48

¹Prophwydolîaeth yn erbyn y Moabiaid, 26 Am eu balchder, ai creulondeb. Fel hynn y dywed Arglwydd y lluoedd Duw Israel yn erbyn Moab: gwae Nebo, canys hi a wnaed yn anghyfannedd [ac] a wradwyddwyd, Ciriathaim a ennillwyd, Misgab a wradwyddwyd, ac a ddychrynnwyd.

²Nid ymfrostia Moab mwy o Hesbon, hwynt a ddychymmygasant ddrwg iw herbyn hi [gan ddywedyd:] deuwch, dinistriwn hi i lawr, fel na byddo yn genhedlaeth, tithe ô Madmena a dorrir i lawr, [a’r] cleddyf a’th erlid ti.

³Llef yn gweiddi [a glywir] o Horonaim: anrhaith, a dinistr mawr [a ddaw arnynt.]

⁴Moab a ddestruwiwyd, gwaeddodd ei rhai bychain hi.

⁵Canys wrth riw Luith y galarus a aiff i fynu mewn ŵylofain, ac yng-oriwared Horonaim y gelynnion a glywsant waedd dinistr.

⁶Ffoiwch chwi ymmaith, achubwch eich enioes: a byddwch chwi fel y grug yn yr anialwch.

⁷O herwydd i ti ymddyried yn dy weithredoedd a’th dryssorau dy hun, tithe a ddelir: Chamos hefyd a aiff allan mewn caethiwed, ai offeiriaid, yng-hyd ai dywysogion.

⁸A’r anrheithiwr a ddaw i bob dinas, ac ni ddiangc dinas, eithr derfydd am y dyffrynn, a’r gwastad a ddifwynir: megis y dywedodd yr Arglwydd.

⁹Rhoddwch adenydd i Moab, canys gan ehedec yr eheda hi: ai dinasoedd hi a fyddant anghyfannedd heb bresswylydd ynddynt.

¹⁰Melldigedic yw yr hwn a wnelo waith yr Arglwydd yn dwyllodrus, a melldigedic yw yr hwn a attalio ei gleddyf oddi wrth waed.

¹¹Moab a fu esmwyth arni er ei hieuengtid, ac hi a orphywysodd ar ei gwaddod, ac ni thywalltwyd hi o lestr i lestr, sef nid aeth hi mewn caethiwed: am hynny y safodd ei blas hi arni, ac ni newidiodd ei harogl.

¹²Am hynny wele y dyddiau yn dyfod medd yr Arglwydd pan anfonwyf fud-wŷr, y rhai ai mudant hi, ac a waghânt ei llestri hi, ac a ddrylliant ei chostrêlau.

¹³Yna y cywilyddia Moab o blegit Chamos, fel y cywilyddiodd tŷ Israel o blegit Bethel eu hyder hwynt.

¹⁴Pa ham y dywedwch chwi? cedyrn ydym ni, a rhyfel-wŷr nerthol?

¹⁵Moab a anrheithiwyd, ai dinasoedd hi a dderchafasant [yn fflam,] ai dewisol wŷr ieuaingc a ddescynnasant i’r lladdfa, medd y Brenin ai enw yn Arglwydd y lluoedd.

¹⁶Agos yw dinistr Moab i ddyfod: ai dialedd hi sydd yn bryssio yn ffêst.

¹⁷Alaethwch chwi drosti hi y rhai ydych oi hamgylch, a phawb a’r a edwyn ei henw hi dywedwch, pa fodd y drylliwyd y ffonn grêf, a’r wialen hardd?

¹⁸O bresswyl-ferch Dibon, descyn di o’th ogoniant, ac eistedd mewn syched: canys anrheithi-wr Moab a ddaw i’th th erbyn, ac a ddinistria dy amddeffynfeudd.

¹⁹Presfwyl-ferch Aroer, saf di ar y ffordd, a gwilia, gofyn di i’r hwn a fyddo yn ffoi, a dywet wrth yr hon a ddiango, beth a ddarfu [i’th dinasoedd?]

²⁰Gwr dwyddwyd Moab, canys hi a ddinistriwyd: vdwch a gwaeddwch, yspyswch chwi yn Arnon anrheithio Moab.

²¹A barn a ddaw ar y tîr gwastad, ar Holon, ac Iahaza, ac ar Mephaath,

²²Ar Dibon hefyd, ac ar Nebo, ac ar Beth Diblathaim,

²³Ac ar Ciriathaim, ac ar Beth-gamul, ac ar Beth Maon,

²⁴Ac ar Carioth, ac ar Bozra, ac ar holl ddinasoedd gwlad Moab ym mhell, ac yn agos.

²⁵Corn Moab a dorrwyd, ai braich hi a ddrylliwyd medd yr Arglwydd.

²⁶Meddwwch hi o blegit hi a ymfawrygodd yn erbyn yr Arglwydd, ie Moab a ymdrybaeddodd yn ei chwdredd, am hynny y bydd hi hefyd yn watwargerdd.

²⁷Ac oni bu Israel yn watwargerdd i ti, fel pes cawsid ef ym mysc lladron? canys pan sonniech di am dano yr ymgyffroi.

²⁸Trigolion Moab gadewch y dinasoedd, ac arhoswch chwi yn y graig, a byddwch megis colomen yr hon â nytha ac fin eithaf y twll.

²⁹Nym a glywsom falchder Moab [y mae hi] yn falch iawn: ei balchder ai thraha, ai hymchwydd, ac vchder ei chalon [a glywsom.]

³⁰Myfi a adwen ei llid hi medd yr Arglwydd, ac nid yw iniawn: ei chelwyddau hi ni wnaethant iniondeb.

³¹Am hynny yr vdafi dros Moab, ac y gwaeddaf tros Moab ei gyd: [fyng-halon] a riddfana dros wyr Cir-hares.

³²Myfi a ŵylaf drosot ti gwin-wydden Sabamah fel yr wylwyd dros Iezer, dy gangau a aethant dros y môr, hyd fôr Iazer y daethant: yr anrheithi-wr a ruthrodd ar dy ffrwythydd haf, ac ar dy gynhaiaf gwîn.

³³Yna y dygir ymmaith y llawenydd, a’r digrifwch o’r dolydd, ac o wlad Moab, ac mi a wnaf i’r gwin ddarfod o’r cafnau, ni sethrir [y grawn-win] drwy floddest, eu bloddest ni bydd mwy.

³⁴O herwydd y floedd [yr hon a glywir] o Helbon hyd Gleale, y llefant hyd Iahaz, [ac] o Zoar hyd Horonaim [fel] anner dair blwydd: canys dyfroed a Nimrim fyddant diyspydd.

³⁵Mi a wnaf hefyd medd yr Arglwydd i Moab beidio a phoeth offrymmu mewn vchelfeudd, ac ag arogl-darthu iw duwiau.

³⁶Am hynny y lleisia fyng-halon am Moab fel pibellau, ac am wŷr Cir-hares y lleisia fyng-halon fel pibellau: canys y golud yr hwn a gasclasant a ddinistrir.

³⁷O blegit pob penn a eillir, a phob barf a gwttogir, ar bod llaw [y bydd] rhwygiadau, ac am y lwynau sach-liain.

³⁸Ar holl bennau tai Moab ai heolydd oll [y bydd] alaeth: o blegit myfi a dorraf Moab fel llestr heb hoffter iddo, medd yr Arglwydd.

³⁹Hwynt a vdant [gan ddywedyd,] pa fodd y dinistriwyd hi? pa fodd y trôdd Moab [ei] gwarr, hi a gywilyddiwyd: felly Moab a fydd yn watwargerdd, ac yn ddychryn i bawb oi hamgylch.

⁴⁰Canys fel hyn y dywed yr Arglwydd, wele [y gelyn] a eheda fel eryr, ac a leda ei adenydd dros Moab.

⁴¹Y dinasoedd a orescynnir, a’r amddeffynfeudd a ennillir, a chalon cedyrn Moab fydd y dydd hwnnw fel calon gwraig wrth escor.

⁴²A Moab a ddifethir o fod yn bobl, am iddi hi ymfawrygu yn erbyn yr Arglwydd.

⁴³Braw, a ffôs, a magl [a ddeuant] arnat ti trigiannol Moab medd yr Arglwydd.

⁴⁴Y neb a ffy rhag y braw a syrth yn y ffôs, a’r hwn a gyfyd o’r ffôs a ddelir yn y fagl, canys myfi a ddygaf arni [sef] ar Moab flwyddyn eu ymwelediad hwynt medd yr Arglwydd.

⁴⁵Yng-hyscod Hesbon y saif y rhai a ffoant rhac cadernid, canys tân a aiff allan o Hesbon, a fflam o ganol Sion, ac a yssa ystlys Moab, a choryn y meibion terfyscar.

⁴⁶Gwae di Moab, darfu am bobl Chamos, canys cymmerwyd ymmaith dy feibion mewn alltudaeth, a’th ferched mewn caethiwed.

⁴⁷Etto myfi a ddychwelaf gaethiwed Moab yn y dyddiau diwethaf medd yr Arglwydd: Hyd ymma [y traethwyd am] farn Moab.