Read William Morgan Bible 1588 original edition Ieremi 49 Bible Online

Ieremi 49 - William Morgan Bible 1588 original edition bible

Ieremi 49

¹Prophwydoliaeth yn erbyn yr Ammoniaid, 7 A’r Edomiaid, 23 Damascus, 28 Cedar, 34 Ac Elam. Am feibion Ammon fel hyn y dywed yr Arglwydd, onid oes feibion i Israel? onid oes etifedd iddo ef? pa ham y mae eu brenin hwynt yn etifeddu Gad? ai bobl yn aros yn ei ddinasoedd ef?

²Am hynny wele y dyddiau yn dyfod medd yr Arglwydd pan wnelwyf glywed trwst rhyfel wrth Rabbath meibion Ammon, ac hi a fydd yn garnedd anghyfanneddol, ai phen-trefydd hi a loscir â thân, ac Israel a orescyn ei orescynwyr medd yr Arglwydd.

³Uda di Hesbon am anrheithio Ai, gwaeddwch chwi pentre-fydd Rabbath, ymwregyswch mewn sach-liain, alaethwch a gwibiwch o amgylch y muroedd, o blegit eu brenin a aiff mewn caethiwed, ei offeiriaid, ai bennaethiaid hefyd.

⁴Pa ham yr ymffrosti di yn y dyffrynnoedd? llifodd dy ddyffryn di ymmaith ô ferch wrthnysig, ymddyried y mae hi yn ei thryssorau [gan ddywedyd:] pwy a ddaw attafi?

⁵Wele myfi a ddygaf arswyd arnat ti (medd Arglwydd Dduw y lluoedd) o’th holl amgylchoedd: a chwi a wascerir bob vn oi flaen, ac ni [bydd] a gasclo y gwascaredic.

⁶Ac wedi hynny myfi a ddychwelaf gaethiwed meibion Ammon medd yr Arglwydd.

⁷Fel hyn y dywed Arglwydd y lluoedd am Edom: onid [oes] doethineb mwy yn Theman, a fethodd cyngor gan y rhai deallgar? a lygrwyd eu doethineb hwynt?

⁸Ffoiwch, troiwch eich cefnau, ewch yn isel i drigo presswyl-wŷr Dedan: canys mi a ddygaf ddinistr Edom arno ef, [ac] amser ei ofwy.

⁹Pe deue y cynhaiaf-wŷr gwin attat ti, oni weddillent hwy ganghennau grawn? pe [deue] lladron liw nôs, oni lygrent eu digon?

¹⁰Ond myfi a ddinoethais Esau, [ac] a ddadcuddiais ei guddfeudd ef, fel na allo lechu: ei hâd ef a ddifethwyd, ai frodyr ai gymmydogion, ac ni bydd efe [i ddywedyd:]

¹¹Gat ti dy ymddifaid, myfi ai cadwaf hwynt yn fyw: ac ymddyrieded dy weddwon i mi.

¹²Canys fel hyn y dywed yr Arglwydd, wele y rhai nid oedd gymmwys iddynt yfed o’r phiol, gan yfed a yfasant, a ddiengi dithe debygi di? na ddiengi: eithr tithe a yfi hefyd.

¹³Canys i mi fy hun y tyngais medd yr Arglwydd, mai yn anghyfannedd-le, yn warth, yn anialwch, ac yn felldith y bydd Bozrah: ai holl ddinasoedd hi a fyddant yn ddiffaethwch tragywyddol.

¹⁴Myfi a glywais chwedl oddi wrth yr Arglwydd, sef bod cennad ym mysc y cenhedloedd [yn dywedyd,] ymgesclwch chwi, a deuwch yn ei herbyn hi, a chyfodwch i’r rhyfel.

¹⁵O herwydd wele myfi a’th roddaf di yn fychan ym mysc y cenhedloedd, ac yn wael ym mhlith y dynion.

¹⁶Dy ryfyg a’th dwyllodd, a balchder dy galon, ti yr hon ydwyt yn aros yng-hromlechydd y graig, ac yn meddiannu vchelder y brynn: er i ti osod dy nŷth cynn vched â’r eryr, myfi a wnaf i ti ddescyn oddi yno medd yr Arglwydd.

¹⁷Edom hefyd a fydd yn anghyfannedd, pawb a’r a elo heibio iddi a synnant, ac a ryfeddant am ei holl ddialeddau hi.

¹⁸Fel dinistr Sodoma, a Gomorra ai chymydogesau [y bydd] hi medd yr Arglwydd: ni phresswylia neb yno, ac nid erys mab dyn ynddi.

¹⁹Wele fel llew y daw [yr anrheithiwr] i fynu oddi wrth dderchafiad yr Iorddonen i’r drigfa gadarn, eithr mi a wnaf iddo ef redeg yn ddisymmwth oddi wrthi hi, a’r neb a ddewiswyd a osodafi arni hi: canys pwy [sydd] fel mau fi? a phwy a esid i mi amser? a phwy [yw] y bugail hwnnw a saif o’m blaen i?

²⁰Am hynny gwrandewch chwi gyngor yr Arglwydd yr hwn a ymgynghorodd efe yn erbyn Edom, ai fwriadau y rhai a fwriadodd efe yn erbyn presswyl-wŷr Theman: [celwyddoc ydwyf] onid y rhai lleiaf o’r praidd ai lluscant hwynt, [ac] oni wna efe yn anghyfannedd eu trig-leoedd gyd â hwynt.

²¹Gan lef eu cwymp hwynt y cryn y ddaiar, llais eu gwaedd hwynt a glywir yn y môr côch.

²²Wele fel eryr y daw [y gelyn] i fynu, ac efe a eheda, ac a leda ei adenydd ar Bozrah: yna y bydd calon cedyrn Edom y dydd hwnnw fel calon gwraig wrth escor.

²³Ar Ddamascus, Hemath, ac Arphad y daw gwarth, o herwydd hwynt a glywsant chwedl drwg, llesmeiriasant [fel vn] ofnus ar y môr heb fedru gorphywys.

²⁴Damascus a lesceiddia, ac a ymdry i ffoi, ond dychryn ai goddiwedd [hi,] gwascfa a phoenau ai deil hi fel gwraig yn escor.

²⁵Paham na adewir [yn llonydd] y ddinas glodfawr, caer fy llawenydd?

²⁶Am hynny ei gwyr ieuaingc a syrthiant yn ei heolydd: a’r holl ryfel-wŷr a ddifethir y dydd hwnnw medd Arglwydd y lluoedd.

²⁷Ac mi a gynneuaf dân ym muroedd Damascus: ac efe a ddifa lysoedd Benhadad.

²⁸Am * Cedar, ac am deyrnas Hazer y rhai a ddinistriodd Nabuchodonosor brenin Babilon, fel hyn y dywed yr Arglwydd: cyfodwch, ac ewch chwi i fynu yn erbyn Cedar, a difethwch feibion y dwyrain.

²⁹Eu lluestai ai defaid a gymmerant ymmaith, eu llenni, ai holl lestri, ai camelod a ddygant gyd â hwynt, a hwynt a floeddiant arnynt [gan ddywedyd,] ofn [sydd] o amgylch.

³⁰Ffoiwch, ciliwch chwi ym mhell, ewch yn isel i drigo presswyl-wŷr Hazor medd yr Arglwydd: o herwydd Nabuchodonosor brenin Babilon a gymmerodd gyngor, ac a fwriadodd fwriad yn eich erbyn chwi.

³¹Cyfodwch chwi, ac ewch i fynn at y genhedlaeth oludog yr hon sydd yn trigo yn ddifraw medd yr Arglwydd heb ddorau na barrau iddi, eu hunain y maent yn trigo.

³²Ai camelod a fyddant yn anrhaith, ai minteioedd o anifeiliaid yn yspail, ac mi ai gwascaraf hwynt tua phob gwynt, ac i’r conglau eithaf: ac myfi a ddygaf o bob ystlys iddo eu dinistr hwynt medd yr Arglwydd.

³³Hazor hefyd fydd yn drigfa dreigiau, [ac] yn anghyfannedd byth: ni presswylia neb yno, ac nid erys mab dŷn ynddi.

³⁴[Dymma] air yr Arglwydd yr hwn a ddaeth at Ieremi y prophwyd am Elam yn nechreuad teyrnasiad Sedecia brenin Iuda, gan ddywedyd,

³⁵Fel hynn y dywed Arglwydd y lluoedd, wele fi yn torri bŵa Elam eu cadernid pennaf hwynt.

³⁶Ac mi a ddygaf ar Elam bedwar gwynt o bedwar eithafoedd y nefoedd, ac mi ai gwascaraf hwynt gyd a’r holl wyntoedd hynn: ac ni bydd cenhedlaeth, at yr hon ni ddelo [rhai] o gyrwydraid Elam.

³⁷Canys mi a yrraf ar Elam ofn eu gelynnion, a’r rhai a geisiant eu henioes, ac myfi a ddygaf arnynt aflwydd, sef angerdd fy nigofaint medd yr Arglwydd, ac mi a anfonaf y cleddyf ar eu hôl hwynt, nes i mi eu difetha hwynt.

³⁸Ac mi a osodaf fy nheyrn-gader yn Elam, ac mi a ddifethaf oddi yno y brenin a’r tywysogion medd yr Arglwydd.

³⁹Ac o’r diwedd myfi a ddychwelaf gaethiwed Elam medd yr Arglwydd.