Read William Morgan Bible 1588 original edition Ieremi 50 Bible Online

Ieremi 50 - William Morgan Bible 1588 original edition bible

Ieremi 50

¹Dinistr Babilon: a rhydd-did Israel. Y Gair yr hwn a lefarodd yr Arglwydd trwy law Ieremi y prophwyd am Babilon [ac] am wlâd y Caldeaid.

²Mynegwch ym mysc y cenhedloedd, a chyhoeddwch chwi, a chodwch arwydd, cyhoeddwch, na chelwch, dywedwch, gorescynnwyd Babilon, gwradwyddwyd Bel, drylliwyd Merodach, ei heulynnod a gywilyddiwyd ai delwau a ddrylliwyd.

³Canys o’r gogledd y daw cenhedlaeth yn ei herbyn hi yr hon a esid ei gwlâd hi yn anghyfannedd, fel na byddo presswylydd ynddi: yn ddyn ac yn anifail y mudant, ac y ciliant ymmaith.

⁴Yn y dyddiau hynny, ac yn yr amser hwnnw medd yr Arglwydd, meibion Israel a ddeuant, hwynt a meibion Iuda yng-hyd, dann gerdded ac ŵylo yr ânt, ac y ceisiant yr Arglwydd eu Duw.

⁵Hwynt a ofynnant y ffordd i Sion, tu ag yno [y bydd] eu hwynebau hwynt: deuwch [meddant,] a glynwch chwi wrth yr Arglwydd [drwy] gyfammod tragywyddol, [yr hwn] nid anghofiir.

⁶Fy mhobl a fuant [fel] praidd colledic, eu bugeiliaid ai gyrrasant hwynt ar gyfeiliorn, i’r mynyddoedd y trosasant hwynt, o’r mynydd yr aethant i’r brynn, [felly] yr anghofiasant eu gorweddfa.

⁷Pawb a’r ai cawsant hwynt ai difasant, ai gelynnion a ddywedasant, ni wnaethom ni ar fai, canys hwynt a bechâsant yn erbyn yr Arglwydd, [yr hwn sydd] drigle cyfiawnder, sef Arglwydd gobaith eu tadau.

⁸Ciliwch chwi o ganol Babilon, ac ewch allan o wlâd y Caldeaid: a byddwch chwi fel hyrddod o flaen y praidd.

⁹O herwydd wele myfi a ddeffroaf, ac a ddygaf i fynu yn erbyn Babilon gynnulleidfa y cenhedloedd mawrion o dir y gogledd: hwynt a ymdaclant yn ei herbyn, oddi yno y gorrescynnir hi, eu saethau fel [saethau] cadarn cyfarwydd ni ddychwelant yn ofer.

¹⁰A Chaldea fydd yn yspail, pawb a’r ai yspeiliant hi a ddigonir medd yr Arglwydd.

¹¹Er i chwi fod yn llawen, ac yn hyfryd wrth sathru fy etifeddiaeth, er i chwi frashâu fel llô [mewn] glas-wellt, a beichio fel teirw,

¹²Eich mam a gywilyddir yn ddirfawr, a’r hon a’ch ymddug a wradwyddir: wele yr eithaf o’r cenhedloedd yn anialwch cras-le, ac yn rhosdir.

¹³O herwydd digofaint yr Arglwydd ni’s presswylir hi, eithr hi a fydd ei gyd yn anghyfannedd: pawb a’r a elo heibio i Babilon a synna, ac a ryfedda am ei holl ddialeddau hi.

¹⁴Ymdeclwch yn erbyn Babilon o amgylch, holl berchen bwâu saethwch atti, nac arbedwch y saethau, o blegit hi a bechodd yn erbyn yr Arglwydd.

¹⁵Bloeddiwch chwi arni hi o amgylch, hi a ymrydd, ei sylfeini hi a syrthiant, ei muroedd a ddinistrir, o herwydd dial yr Arglwydd [yw] hynn: dielwch chwi arni, fel y gwnaeth hi gwnewch iddi.

¹⁶Torrwch chwi ymmaith yr hau-wr oddi wrth Babilon, a’r hwn a ddalio grymman ar amser cynhaiaf: rhag cleddyf y gorthrym-wr y troant bob vn at ei bobl ei hun, ac y ffoant bob vn iw wlâd.

¹⁷Praidd ar gyfrgoll [yw] Israel, llewod ai gwascarasant [hwynt:] brenin Assyria yn gyntaf ai hyssodd hwynt, a’r Nabuchodonosor ymma brenin Babilon yn olaf ai diescyrnodd hwynt.

¹⁸Am hynny fel hynn y dywed Arglwydd y lluoedd Duw Israel: wele myfi a ymwelaf â brenin Babilon, ac ai wlâd ef, fel yr ymwelais â brenin Assyria.

¹⁹Ac mi a ddychwelaf Israel iw drigfa, ac efe a bawr [ar] Carmel, a Basan, ac ar fynydd Ephraim a Gilead y digonir ei enaid ef.

²⁰Yn y dyddiau hynny, ac yn yr amser hwnnw medd yr Arglwydd y ceisir anwiredd Israel, ac ni’s [gwelir] ef, a phechodau Iuda ond nis ceir hwynt: canys myfi a faddeuaf i’r hwn a weddillwyf.

²¹Dos di i fynu yn erbyn gwlad y gwrthryfel-wŷr, [ie] yn ei herbyn hi, ac ymwel di ai thrigolion: anrheithia di a difroda ar eu hôl hwynt medd yr Arglwydd, a gwna di yn ôl yr hynn oll a orchymynnais i ti.

²²Trwst rhyfel [sydd] yn y wlad: a dinistr mawr.

²³Pa fodd y drylliwyd, ac y torrwyd gordd yr holl dîr? pa fodd yr aeth Babilon yn ddiffaethwch ym mysc y cenhedloedd?

²⁴Myfi a osodais fagl i ti, a thithe Babilon a ddaliwyd, ac heb ŵybod o honot, ti a gafwyd, ac a ddaliwyd, o herwydd yn erbyn yr Arglwydd yr ymrysonaist.

²⁵Yr Arglwydd a agorodd ei dryssor, ac a ddug allan arfau ei ddigofamt: canys gwaith Arglwydd Dduw y lluoedd [yw] hynn yngwlâd y Caldeaid.

²⁶Deuwch chwi yn ei herbyn o’r cwrr eithaf, agorwch ei yscuborau hi, dyrnwch hi fel dâs [ŷd,] a dinistriwch hi, na fydded gweddill iddi.

²⁷Lleddwch ei holl gedyrn hi, descynnant hwy i’r lladdfa, gwae hwynt, canys eu dydd hwynt a ddaeth [ac] amser eu hymwelediad.

²⁸Llef y rhai a ffoant, ac a ddiangant o wlâd Babilon [a glywir,] i ddangos yn Sion ddial yr Arglwydd ein Duw ni, [a] dial ei Deml ef.

²⁹Gelwch chwi laweroedd yn erbyn Babilon, y perchen bwâu oll gwerssyllwch chwi wrthi hi o amgylch, na chaffed neb ddiangc o honi, telwch iddi hi yn ôl ei gweithredoedd, ac yn ôl yr hynn oll a’r a wnaeth hi gwnewch iddi: o herwydd hi a falchiodd yn erbyn yr Arglwydd, [sef] yn erbyn Sanct Israel.

³⁰Am hynny ei gwyr ieuaingc a syrthiant yn ei heolydd hi: ai holl ryfel-wŷr a ddifethir y dydd hwnnw medd yr Arglwydd.

³¹Wele fi [yn dyfod] attat ti ô falch medd Arglwydd Dduw y lluoedd, o herwydd dy ddydd a ddaw [sef] yr amser yr ymwelwyf â thi,

³²A’r balch a dramgwydda, ac a syrth, ac ni [bydd] ai cyfodo: ac mi a gynneuaf dân yn ei ddinasoedd, ac efe a ddifa ei holl amgylchoedd ef.

³³Fel hynn y dywed Arglwydd y lluoedd, meibion Israel, a meibion Iuda a orthrymmwyd yng-hyd, a phawb a’r ai caethiwodd hwynt ai daliâsant, ac a wrthodâsant eu gollwng hwynt ymmaith.

³⁴Eu rhyddhau-wr [sydd] gryf, Arglwydd y lluoedd [yw] ei enw, efe a ddyru farn ar eu ymryson hwynt i beri llonydd i’r wlâd, a dychryn i bresswyl-wŷr Babilon.

³⁵Cleddyf [a ddaw] ar y Caldeaid, medd yr Arglwydd, ac ar drigolion Babilon, ac ar ei thywysogion, ac ar ei doethion.

³⁶Cleddyf [a ddaw] ar y dewiniaid fel yr ynfydant: a’r cleddyf [a ddaw] ar ei chedyrn fel y dychrynant.

³⁷Cleddyf [a ddaw] ar ei meirch, ac ar ei cherbydau, ac ar yr holl weryn y rhai ydynt yn ei chanol, fel y byddant fel y gwragedd, cleddyf [a ddaw] ar ei thryssorau, a hwynt a yspeilir.

³⁸Sychder a ddaw ar ei dyfroedd hi fel y sychant: o herwydd gwlâd [yn addoli] delwau [yw] hi, ac mewn eulynnod y maent yn ymlawenychu.

³⁹Am hynny anifeiliaid gwylltion, a chathod a arhosant, a chywion yr estrys a drigant ynddi, at ni phresswylir hi mwyach byth, ac ni’s cyfanneddir hi o genhedlaeth i genhedlaeth.

⁴⁰Fel yr ymchwelodd Duw Sodoma, a Gomorra ai chymydogesau medd yr Arglwydd, [felly] ni presswylia neb yno, ac ni erys mab dyn ynddi.

⁴¹Wele bobl yn dyfod o’r gogledd, a chenhedlaeth fawr, a brenhinoedd lawer a godir o eithafoedd y ddaiar.

⁴²Bŵa a tharian a ddaliant, creulon ydynt ac ni thosturiant, eu llef fel môr a rûa, ac ar feirch y marchogant yn daclus i’th erbyn di merch Babilon fel rhyfel-wŷr.

⁴³Brenin Babilon a glywodd sôn am danynt, ai ddwylo ef a lescauâsant: gwascfa ai daliodd ef, [a] gwewyr fel gwraig wrth escor.

⁴⁴Wele fel llew y daw [yr anrheithi-wr] i fynu oddi wrth dderchafiad yr Iorddonen i’r drigfa gadarn: eithr mi a wnaf iddo ef redeg yn ddisymmwth oddi wrthi hi, a’r neb a ddewiswyd a osodafi arni hi: canys pwy [sydd] fel mau fi? a phwy a esid i mi amser? a phwy [yw] y bugail hwnnw a saif o’m blaen i?

⁴⁵Am hynny gwrandewch chwi gyngor yr Arglwydd yr hwn a ymgynghorodd efe yn erbyn Babilon, ai fwriadau y rhai a fwriadodd efe yn erbyn gwlâd y Caldeaid [celwyddoc ydwyf] onid y rhai lleiaf o’r praidd ai lluscant hwynt, [ac] oni wna efe yn anghyfannedd eu trigleoedd gyd â hwynt.

⁴⁶Gan drwst gorescynniad Babilon y cryn y ddaiar, ac y clywir gwaedd ym mysc y cenhedloedd.