Read William Morgan Bible 1588 original edition Ieremi 52 Bible Online

Ieremi 52 - William Morgan Bible 1588 original edition bible

Ieremi 52

¹Daliad Sedecia, ac ennill Ierusalem. 10 Lladd meibion Sedecia, a thynnu ei lygaid. 13 Anrheithio y ddinas a’r Deml. 31 Iehoacim yn cael dyfod allan o garchar. Mab vn mlwydd ar hugain [oedd] Sedecia pan ddechreuodd efe deyrnasu, ac vn mlynedd ar ddêc y teyrnasodd efe yn Ierusalem, ac enw ei fam ef oedd Hamutal, merch Ieremi o Libna.

²Ac efe a wnaeth yr hyn oedd ddrwg yngolwg yr Arglwydd, yn ôl yr hyn oll a’r a wnaethe Iehoacim.

³O herwydd [bod] digofaint yr Arglwydd ar Ierusalem, ac ar Iuda, hyd oni fwriodd efe hwynt allan oi olwg ef, y gwrthryfelodd Sedecia yn erbyn brenin Babilon.

⁴Ond yn y nawfed flwyddyn oi deyrnasiad ef, yn y decfed mîs, ar y decfed [dydd] o’r mîs y daeth Nabuchodonosor brenin Babilon, efe ai holl lu yn erbyn Ierusalem, ac a warchauâsant arni hi: ac a adailadâsant gyferbyn â hi amddeffynfa o amgylch.

⁵Felly y ddinas a drigodd yng-warche hyd yr vnfed flwyddyn ar ddêc i’r brenin Sedecia.

⁶Y pedwerydd mis, ar y nawfed [dydd] o’r mîs newyn a orchfygodd y ddinas, fel nad oedd bara i bobl y wlâd.

⁷Yna y torrwyd y ddinas, a’r holl ryfel-wŷr a ffoasant, ac a aethant allan o’r ddinas liw nôs, i ffordd y porth rhwng y ddau tûr yr hwn [oedd] wrth ardd y brenin, (a’r Caldeaid [oeddynt] wrth y ddinas o amgylch) a hwynt a aethant tua’r rhôs.

⁸Ond llû y Caldeaid a ymlidiasant ar ôl y brenin, ac a oddiweddasant Sedecia yn rhossydd Iericho, ai holl lu ef a wascarasant oddi wrtho ef.

⁹Yna hwynt a ddaliasant y brenin, ac ai dygasant ef at frenin Babilon yn Riblah yng-wlad Hemath, ac efe a roddodd farn arno.

¹⁰A brenin Babilon a laddodd feibion Sedecia yng-ŵydd ei lygaid ef: efe a laddodd hefyd holl dy wysogion Iuda yn Riblah.

¹¹Yna efe a dynnodd lygaid Sedecia, ac ai rhwymodd ef â chadwyni, a brenin Babilon ai harweiniodd ef i Babilon, ac ai rhoddodd ef mewn carchar-dŷ hyd ddydd ei farwolaeth.

¹²Ac yn y pummed mîs, ar y decfedd [dydd] o’r mîs, (hon [oedd] y bedwaredd flwyddyn ar bymthec i’r brenin Nabuchodonosor [sef] brenin Babilon) y daeth Nabuzaradan pennaeth y milwŷr (yr hwn a safe ger bron brenin Babilon) i Ierusalem,

¹³Ac efe loscodd dŷ yr Arglwydd, a thŷ yr brenin, a holl dai Ierusalem: a phob tŷ mawr a loscodd efe â thân.

¹⁴A holl lu y Caldeaid y rhai [oeddynt] gyd â phennaeth y mil-wŷr a ddestruwiasant holl furoedd Ierusalem o amgylch.

¹⁵Yna Nabuzaradan pennaeth y mil-wŷr a gaeth-gludodd [rai] o’r bobl waelaf, a’r gweddill o’r bobl y rhai a adawsid yn y ddinas, a’r ffoaduriaid y rhai a giliasent at frenin Babilon sef y gweddill o’r bobl.

¹⁶Ond Nabuzaradan pennaeth y mil-wŷr a adawodd [rhai] o dlodion y wlâd yn winllanwyr, ac yn ardd-wŷr.

¹⁷A’r Caldeaid a ddrylliasant y colofnau prês y rhai [oeddynt] yn nhŷ’r Arglwydd, a’r stolion, a’r gerwyn brês yr hon [oedd] yn nhŷ’r Arglwydd: a hwynt a ddugasant eu holl brês hwynt i Babilon.

¹⁸A hwynt a ddugasant ymmaith y crochânau, a’r rhawiau, ar psaltringau, a’r cawgiau, a’r thusserau, a’r holl lestri prês y rhai yr oeddyd yn gwasanaethu â hwynt.

¹⁹A’r phiolau, a’r pedill tân, a’r cawgiau, a’r crochânau, a’r canhwyll brennau, a’r thusserau, a’r cwppanau y rhai [oeddynt] yn aur, ac yn arian a gymmerodd pennaeth y mil-wŷr ymmaith.

²⁰Y ddwy golofn, vn gerwyn, a deu-ddec o ŷchen prês y rhai [oedynt] tann yr stolion, y rhai a wnaethe y brenin Salomon yn nhŷ’r Arglwydd: nid oedd pwys ar brês yr holl lestri hyn.

²¹Am y colofnau, deu naw cufydd [oedd] vchter pôb colofn, a llinin o ddeuddec cufydd oedd yn ei hamgylchu: ai phraffter yn bedair modfedd, ac yn gau.

²²A chnap prês [oedd] arni, a phump cufydd [oedd] vchter vn cnap, a rhwyd-waith, a phomgranâdau [oeddynt] ar y cnap o amgylch yn brês ei gyd: ac fel hynn yr oedd yr ail golofn ai phomgrânadau.

²³A’r pomgranadau oeddynt onid pedwar cant ar ystlys: yr holl bomgranadau ar y rhwyd-waith o amgylch oeddynt gant.

²⁴A phennaeth y mil-wŷr a gymmerodd Seraiah yr arch-offeiriad, a Sephaniah yr ail offeiriad; a’r tri oeddynt yn cadw y drws.

²⁵Ac efe a gymmerodd o’r ddinas vn stafellydd yr hwn oedd swyddog ar y rhyfel-wŷr, a seith-wŷr o weision pennaf y brenin y rhai a gafwyd yn y ddinas: a Sopher tywysog y llû, yr hwn a fydde yn byddino pobl y wlâd [honno,] a thri vgein-ŵr o bobl y wlâd y rhai a gafwyd yng-hanol y ddinas.

²⁶Felly Nabuzaradan pennaeth y milwŷr ai cymmerodd hwynt ymmaith, ac a aeth â hwynt i Riblah at frenin Babilon.

²⁷A brenin Babilon ai tarawodd hwynt, ac ai lladdodd hwynt yn Riblah yng-wlad Hemath: fel hyn y caeth-gludwyd Iuda oi ŵlad ei hun.

²⁸Dymma y bobl y rhai a gaeth-gludodd Nabuchodonosor: yn y seithfed flwyddyn [oi deyrnasiad] efe a gaeth-gludodd o’r Iddewon dair mil, a thrî ar hugain.

²⁹Yn y ddeu-nawfed flwyddyn i Nabuchodonosor ef a gaeth-gludodd o Ierusalem wyth gant a deuddec ar hugain o ddynnion.

³⁰Yn y drydedd flwyddyn ar hugain i Nabuchodonosor, Nabuzaradan pennaeth y milwŷr a gaeth-gludodd saith gant, a phump a deugain o Iddewon: yr holl ddynnion hyn [oeddynt] bedair mîl, a chwe chant.

³¹Ac yn yr ail flwyddyn ar bympthec ar hugain wedi caeth-gludo Iehoacim frenin Iuda y deuddecfed mîs, ar y pummed [dydd] ar hugain o’r mîs, Efilmerodach brenin Babilon (yn y flwyddyn [gyntaf] oi deyrnasiad ef) a dderchafodd benn Iehoacim brenin Iuda, ac ai dug ef allan o’r carchar-dŷ,

³²Ac a ddywedodd yn dêg wrtho, ac a osododd ei frenhin-faingc ef vwch law meingeiau y brenhinoedd y rhai [oeddynt] gyd ag ef yn Babilon.

³³Ac efe a newidiodd ei garchar-wisc ef: yntef a fwytâodd fwyd ger ei fron ef yn oestad holl ddyddiau ei enioes.

³⁴Ai lynniaeth ef [sef] llynniaeth gwastadol a roddwyd iddo ef oddi wrth frenin Babilon, dogn dydd yn ei ddydd, hyd ddydd ei farwolaeth: [sef] holl ddyddiau ei enioes ef. Terfyn llyfr Ieremi.