Read William Morgan Bible 1588 original edition Ieremi 8 Bible Online

Ieremi 8 - William Morgan Bible 1588 original edition bible

Ieremi 8

¹Dinistr yr Iddewon, a’r pechodau y rhai oeddynt yn peru hynny. Yn yr amser hwnnw medd yr Arglwydd y dygant hwy escyrn brenhinoedd Iuda, ac escyrn ei thywysogion, ac escyrn yr offeiriaid, ac escyrn y prophwydi, ac escyrn trigolion Ierusalem allan oi beddau,

²Ac ai tanant o flaen yr haul, ac o flaen y lleuad, a holl lu y nefoedd y rhai a garâsant, a’r rhai a wasanaethasant, a’r rhai a rodiasant ar eu hôl, a’r rhai a geisiâsant, a’r rhai a addolâsant: ni chesclir hwynt, ac ni’s cleddir, yn domen ar wyneb y ddaiar y byddant.

³Ac angeu a ddewisir o flaen bywyd gan yr holl weddillion a adewir o’r teulu drwg hwn, y rhai a adewir yn y lleoedd oll y gwascerais i hwynt, medd Arglwydd y lluoedd.

⁴Ti a ddywedi wrthynt hefyd, fel hyn y dywedodd yr Arglwydd: a gwympant hwy ac ni chodant eilwaith? os troir oni thrŷ yntef?

⁵Pa ham y camdroes pobl Ierusalem ymma, a chamder tragywyddol? ymafelasant mewn twyll, gwrthodasant ddatroi.

⁶Mi a ystyriais ac a wrandewais, ni ddywedent yn iawn, nid edifarhaodd neb am ei anwiredd gan ddywedyd, beth a wneuthum i, pob vn oedd yn troi iw yrfa megis march yn rhuthro i’r frwydr.

⁷Y ciconia yn yr awyr a edwyn ei dymhorau, y durtur hefyd, a’r garan, a’r wennol a gadwant amser eu dyfodiad: eithr fy mhobl i ni wyddant farn yr Arglwydd.

⁸Pa fodd y dywedwch synhwyrol [ydym] ni, a chyfraith yr Arglwydd [sydd] gyd â ni, y pinn yn ddiau a weithiodd ar ffalster, a [scrifennodd] gelwydd.

⁹Y doethion a wradwyddwyd, a ddychrynwyd, ac a ddaliwyd: wele gwrthodasant air yr Arglwydd, a pha ddoethineb [sydd] ganddynt?

¹⁰Am hynny y rhoddaf eu gwragedd hwynt i eraill, ai meusydd i orescy-wŷr: canys o’r lleiaf hyd y mwyaf, pob vn sy yn chwennychu elw: o’r prophwyd hyd at yr offeiriad, pawb sydd yn gwneuthur ffalster.

¹¹Iachausant hefyd archoll merch fy mhobl yn yscafn, gan ddywedyd, heddwch, heddwch, pryd nad [oedd] heddwch.

¹²A fu gywilydd arnynt hwy am wneuthur o ohonynt fryntni? na fu ddim cywilydd arnynt, gan gywilyddio ni chwilyddiasant ychwaith: am hynny y syrthiant hwy ym mysc y rhai lladdedic: yn amser eu hymweledigaeth y syrthiant medd yr Arglwydd.

¹³Gan ddinistrio y dinistriaf hwynt medd yr Arglwydd: ni [bydd] grawn-win ar y winwydden, na ffigus ar y ffigus-bren, a’r ddeilen a syrthia, a’r hyn a roddais i iddynt a ymedu â hwynt.

¹⁴Pa ham yr ydym ni yn aros? ymgesclwch yng-hyd, ac awn i’r dinasoedd cedyrn, a distawn yno: canys yr Arglwydd ein Duw a’n gostegodd, ac a roes i ni ddwfr bustlaidd iw yfed, o herwydd pechu o honom yn erbyn yr Arglwydd.

¹⁵Disgwil am heddwch, etto ni ddaw daioni, am amser meddiginiaeth, ac wele ddychryn.

¹⁶O Ddan y clywir ffroeniad ei feirch ef, gan lais gweryrfa ei [feirch] mawrion ef y crynodd yr holl ddaiar: hwy a ddaethant, ac a fwyttasant y tir, ac oll a oedd ynddo, y ddinas a’r rhai sy yn trigo ynddi.

¹⁷Canys wele mi a ddanfonaf seirph [a] gwiberod i’ch mysc y rhai nid [oes] swyn rhac-ddynt: a hwynt a’ch brathant chwi medd yr Arglwydd.

¹⁸Fyng-hyssur [sydd] mewn gofid, fyng-halon sydd yn gofidio ynof.

¹⁹Wele lais gwaedd merch fy mhobl rhag y rhai o wlâd bell: ond [ydyw] yr Arglwydd yn Sion? onid [yw] ei Brenin hi ynddi? pa ham i’m digiasant â delwau cerfiedig? ac ag oferedd dieithr?

²⁰Y cynhaiaf aeth heibio, darfu’r hâf, er hyn nid ydym ni gadwedic.

²¹Am friw merch fy mhobl i’m briwyd i, galerais, daliodd synder fi.

²²Onid [oes] driacl yn Gilead? onid [oes] yno bysygwr? pa ham na wellhâ iechyd merch fy mhobl?