Read William Morgan Bible 1588 original edition Galarnad Ieremi 3 Bible Online

Galarnad Ieremi 3 - William Morgan Bible 1588 original edition bible

Galarnad Ieremi 3

¹Myfi [ydwyf] y gŵr [yr hwn] a welodd flinder gan wialen ei ddigofaint ef.

²I dywyllwch, ac nid i oleuni yr arweiniodd, ac y tywysodd efe fi.

³Yn fy erbyn i yn ddiau y trôdd efe, [ac] y mae efe yn troi ei law beunydd.

⁴Efe a wnaeth fyng-nhawd, a’m croen yn hên, efe a ddrylliodd fy escyrn.

⁵Efe a adeiladodd i’m herbyn, ac [a’m] hamgylchodd â bustl ac â blinder.

⁶Efe a’m gosododd mewn tywyllwch, fel y rhai ydynt wedi marw byth.

⁷Efe a gaeodd o’m hamgylch fel nad elwyfi allan: efe a wnaeth fy lleffether i yn drom,

⁸Ac er galw a gweiddi o honofi, efe a omeddodd fyng-weddi.

⁹Efe a gaeodd fy ffyrdd â cherrig nâdd, ac a ŵyrodd fy llwybrau.

¹⁰Y mae efe yn fyng-hynllwyn [fel] arth, [neu] lew mewn lloches.

¹¹Efe a rwystrodd fy ffyrdd, ac a’m drylliodd, yn anrhaithiedic y gosododd efe fi.

¹²Efe a dynnodd ei fŵa, ac a’m gosododd fel nôd i saethu atto.

¹³Efe a saethodd i saethau trwy fy arennau mau fi.

¹⁴Gwatworgerdd ydywyf i’m holl bobl, ai cân hwynt ar hŷd y dydd.

¹⁵Efe a’m llanwodd â chwerwder, [ac] a’m meddwodd i a’r wermod.

¹⁶Efe a dorrodd fy nannedd â cherrig, ac a’m trybaeddodd yn y llŵch.

¹⁷Fy enaid a ymadawodd â heddwch, ac a anghofiodd ddaioni.

¹⁸Ac mi a ddywedais, darfu a’m fy nerth a’m gobaith oddi wrth yr Arglwydd.

¹⁹Cofia di fy mlinder a’m gofid, y wermod, a’r bustl.

²⁰Fy enaid gan gofio a gofia, ac a ymddarostwng ynofi.

²¹Hyn yr ydwyf yn ei ystyried, am hynny y gobeithiaf.

²²Trugaredd yr Arglwydd [yw] na ddarfu am danom ni: o herwydd ni ddarfu ei drugaredd ef.

²³Bob boreu [y daw dy drugaredd] o newydd: mawr yw dy ffyddlondeb.

²⁴Yr Arglwydd yw fy rhan i, medd fy enaid: am hynny y gobeithiaf ynddo ef.

²⁵Daionus [yw] yr Arglwydd i’r rhai a obeithiant ynddo ef: ac i’r enaid ai ceisio ef.

²⁶Da [yw] gobeithio, ac aros yn iechydwriaeth yr Arglwydd.

²⁷Da [yw] i ŵr ddwyn yr iau yn ei ieuengtid.

²⁸[Hwnnw] a eistedd ei hunan, ac a daw â son: am iddo ddioddef [iau yr Arglwydd] arno ef.

²⁹Efe a ddyru ei wyneb yn y llwch [i edrych] a oes obaith.

³⁰Efe a ddyru [ei] gern i’r hwn ai tarawo, [ac] efe a lenwir â gwradwydd.

³¹O blegit nid yn dragywydd y gwrthid yr Arglwydd.

³²Canys er iddo ef gystuddio, efe a dosturia eil-waith yn ôl amlder ei drugaredd.

³³Nid oi fodd y blina efe, nac y cystuddia efe ddynion,

³⁴Gan fathru holl garcharorion y ddaiar tann ei draed,

³⁵[A] chan ŵyro barn gŵr o flaen y Goruchaf.

³⁶Nid yw yr Arglwydd yn gweled [yn dda] wneuthur cam â gŵr yn ei fatter.

³⁷Pwy a ddywed y bydd peth heb i’r Arglwydd ei ordeinio?

³⁸Onid o enau y Goruchaf y daw niwed a daioni?

³⁹Pa ham yr ymofidia dŷn byw? [ymofidied] gŵr am ei bechod.

⁴⁰Ceisiwn a chwiliwn am ein ffyrdd, a dychwelwn at yr Arglwydd.

⁴¹Derchafwn ein calonnau a’n dwylo at Dduw [yr hwn sydd] yn y nefoedd.

⁴²Nyni a wnaethom gamwedd, ac a fuom annufydd, tithe nid arbedaist.

⁴³Gorchguddiaist [ni] â sorriant, ac erlidiaist ni: lleddaist [ni] heb arbed.

⁴⁴Ymguddiaist mewn cwmwl fel na ddeue [ein] gweddi [attat.]

⁴⁵Gosodaist ni ddiystyr, ac yn ffiaidd ym mysc y bobl.

⁴⁶Ein gelynnion a ledasant eu safnau arnom ni.

⁴⁷Dychryn a magl, anrhaith a dinistr a daeth arnom ni.

⁴⁸Fy llygad a ddiferasant ffrydau o ddwfr, o herwydd dinistr merch fy mhobl.

⁴⁹Fy llygad a ddiferodd, ac ni pheidiodd, am nad oes gorphywystra.

⁵⁰Hyd onid edrycho, ac [onid] ystyrio yr Arglwydd o’r nefoedd.

⁵¹Y mae fy llygad yn blino fy enaid o herwydd holl ferched fy ninas.

⁵²Fyng-elynnion gan hela a’m heliasant yn ddi-achos fel aderyn.

⁵³Rhwymasant fy enioes yng-harchar: a bwriasant gerrig arnaf fi.

⁵⁴Y dyfroedd a lifasant tros fy mhen, dywedais darfu am danaf.

⁵⁵Gelwais ar dy enw di ô Arglwydd o’r pwll isaf.

⁵⁶Ti a glywaist fy llef: na chae di dy glust rhac fy vchenaid a’m gwaedd.

⁵⁷Ti a ddaethost yn nês y dydd y gelwais arnat, [ac] a ddywedaist, nac ofna.

⁵⁸Ti ô Arglwydd a ddadleuaist gyd a’m henaid, [ac] a waredaist fy enioes.

⁵⁹Ti ô Arglwydd a welaist fyng-ham: barna di fy matter.

⁶⁰Ti a welaist eu holl ddial hwynt, ai holl amcanion i’m herbyn i.

⁶¹Clywaist eu gwaradwydd hwynt ô Arglwydd, a’r hyn oll a ddychymygasent i’m herbyn.

⁶²Geiriau fyng-wrthwyneb-wŷr, ai myfyrdod ydynt i’m herbyn ar hŷd y dydd.

⁶³Edrych ar eu heisteddiad ai cyfodiad, myfi ydwyf eu cân hwynt.

⁶⁴Tâl iddynt ô Arglwydd, yn ôl gweithredoedd eu dwylo.

⁶⁵Dot ti iddynt ddallineb calon, [dot] dy felldith iddynt.

⁶⁶Erlit ti hwynt â digofaint, a difetha hwynt oddi tann y nefoedd ô Arglwydd.