Read William Morgan Bible 1588 original edition Galarnad Ieremi 4 Bible Online

Galarnad Ieremi 4 - William Morgan Bible 1588 original edition bible

Galarnad Ieremi 4

¹Pa fodd y rhydodd yr aur? y newidiodd yr aur coeth da? [ac] y taflwyd cerrig y cyssegr ym mhen pob heol.

²Anrhydeddus [oedd] feibion Sion, a chystal ag aur pur: pa fodd y cyfrifwyd hwynt fel stenau pridd [o] waith dwylo y crochenydd.

³Y dreigiau a dynnasant allan eu bronnau, ac a roddasant sugn iw cenawon: [ond] merch fy mhobl [a aeth] yn greulon fel yr estrisiaid yn yr anialwch.

⁴Tafod [pob] plentyn sydd yn glynu wrth daflod ei enau gan syched: y plant a ofynnasant fara, [ond] nid [oedd neb] a dorre iddynt.

⁵Y rhai a fwytaent [gynt] yn foethus a ddifethwyd yn awr yn yr heolydd: y rhai a feithrinwyd mewn scarlat a gofleidiasant y dom.

⁶Mwy yw anwiredd merch fy mhobl i na phechod Sodoma yr hon a ddinistriwyd megis yn ddisymmwth, ac heb gadernid yn gwerssyllu iw herbyn.

⁷Glânach oedd ei Nazareaid hi na’r eira, gwynnach na’r llaeth: gwridogach oeddynt o gorph na’r cwrel, ai trwssiad [oedd] fel saphyr.

⁸[Yn awr] duach yw’r golwg arnynt na’r gloun, nid adweinir hwynt yn yr heolydd: eu croen a lŷnodd wrth eu hescyrn, ac a wywodd fel prenn.

⁹Gwell yw y rhai a lladdwyd â chleddyf na’r rhai a laddwyd â newyn: o blegit y rhai hyn a ddihoenasant wedi eu lladd o eisieu cnwd y maes.

¹⁰Dwylo gwragedd tosturiol a ferwasant eu plant eu hun: [y rhai] oeddynt yn ymborth iddynt hwy yn adfyd merch fy mhobl i.

¹¹Yr Arglwydd a gyflawnodd ei ddigter, a dywalltodd lidiawgrwydd ei sorriant, ac a gynneuodd dân yn Sion yr hwn a ddifaodd ei seiliau hi.

¹²Ni choelie brenhinoedd y ddaiar, na holl drigolion y bŷd y deue y gwrthwyneb-wr a’r gelyn i mewn i byrth Ierusalem,

¹³Am bechodau ei phrophwydi, [ac] anwiredd ei hoffeiriaid y rhai a ollyngasant waed y rhai cyfiawn oi mewn hi.

¹⁴Gwibiasant [fel] deillion yn yr heolydd, [ac] ymddifwynasant gan waed, fel na ellyd cyffwrdd ai dillad hwynt.

¹⁵Gwaedde [pawb] arnynt, ciliwch ô aflan, ciliwch, ciliwch na chyffyrddwch [â ni:] felly y ciliasant, ac yr aethant ymmaith, yna y dywedwyd ym mysc y cenhedloedd, ni thrigant hwy [ymma] mwyach.

¹⁶Sorriant yr Arglwydd a’u gwascarodd hwynt; nid edrych efe arnynt mwy, ni pharchent hwy yr offeiriaid, [ac] ni thosturient wrth yr henaf-gwŷr.

¹⁷Ein llygaid a ballasant tra yr oeddem ni yn disgwil am ein cynnorthwy ofer: disgwil yr oeddem ni yn vnic wrth genhedlaeth yr hon nid achube.

¹⁸Hwynt a ddisgwiliasant ein cerddediad fel nad allem fyned ar hŷd ein heolydd, y mae ein diwedd ni yn agos: ein dyddiau ni a gyflawnwyd, diau ddyfod ein diwedd ni.

¹⁹Yscafnach yw ein erlid-wŷr nag eryrod yr awyr, y maent yn ein herlid ni ar y mynyddoedd, ac yn ein cynllwyn ni yn yr anialwch.

²⁰Anadl ein ffroenau [sef] eneiniog yr Arglwydd a ddaliwyd yn eu rhwydau hwynt: [am] yr hwn y dywedasem, tann ei gyscod ef y byddwn ni byw ym mysc y cenhedloedd.

²¹Bydd lawen a hyfryd merch Edom yr hon wyt yn trigo yn nhir Hus: daw cwppan heibio i tithe hefyd, ti a feddwi ac a ymnoethi.

²²Gorphennwyd dy gospedigaeth di merch Sion ni chaeth-gludir di mwy: efe a ymwel a’th anwiredd di merch Edom, efe a ddadcuddia dy bechodau.