Read William Morgan Bible 1588 original edition Galarnad Ieremi 5 Bible Online

Galarnad Ieremi 5 - William Morgan Bible 1588 original edition bible

Galarnad Ieremi 5

¹Cofia ô Arglwydd beth a ddaeth i ni: edrych a gwêl ein gwradwydd.

²Ein etifeddiaeth ni a roddwyd i estroniaid: a’n tai i ddieithriaid.

³Ymddifaid ydym heb dadau, a’n mammau [ydynt] megis gweddwon.

⁴Yr ydym yn yfed ein dwfr am arian: ein coed sy yn dyfod mewn cyfnewid.

⁵Yr ydys yn ein herlid ni yn dôst: blinasom [ac] nid oes gorphywystra i ni.

⁶Gwasanaethasom yr Aiphtiaid [gynt, a’r] Assyriaid yn nawr i gael digon o fara.

⁷Ein tadau a bechasant, y rhai nid ydynt yn nawr: [a] ninnau sy yn dwyn eu cosp hwynt.

⁸Gweision sy yn llywodraethu arnom ni, heb[ fod] a’n gwaredo [ni] oi llaw hwynt.

⁹[Mewn enbydrwydd] am ein henioes y dygasom ein bara i mewn o herwydd y cleddyf [yr hwn sydd yn] yr anialwch.

¹⁰Ein croen a dduodd fel ffwrn gan newyn tôst.

¹¹Hwy a dreisiasant y gwragedd yn Sion: [a]’r morwynion yn ninasoedd Iuda.

¹²Crogasant dywysogion ai dwylo, ni pherchid wynebau yr henaf-gwŷr.

¹³Hwynt a gymmerasant y gwyr ieuaingc i falu: a’r llangciau a lewygasant tann [y beichiau] coed.

¹⁴Yr henaf-gwŷr a beidiasant a’r porth: [a’r] gwŷr ieuaingc ai cerdd.

¹⁵Darfu llawenydd ein calon: a’n dawns a drôdd yn alar.

¹⁶Syrthiodd y goron oddi am ein penn ni: gwae ni yn awr bechu o honom.

¹⁷Am hyn y mae ein calon yn ofidus, am hyn y tywyllodd ein llygaid,

¹⁸O herwydd mynydd Sion yr hwn a anrheithiwyd: ac y mae y llwynogod [yn vnic] yn rhodio ynddo.

¹⁹Ti Arglwydd a barhei byth: a’th orsedd-faingc yn oes oesoedd.

²⁰Pa ham yr anghofi dy nyni byth: [ac] y gadewi di ni dros hîr ddyddiau?

²¹Dychwel nyni ô Arglwydd attat ti, ac ni a ddychwelwn: adnewydda di ein dyddiau megis cynt.

²²Eithr yr ydwyt ti yn hytrach yn llwyr wrthod ni: ti a ddigiaist wrthym ni yn ddirfawr. Terfyn Galar-nad Ieremi