Read William Morgan Bible 1588 original edition Baruch 3 Bible Online

Baruch 3 - William Morgan Bible 1588 original edition bible

Baruch 3

¹Gweddi y bobl am eu rhydd-dyd, 9 clôd doethineb, 36 Duw yn vnic awdur i ddoethineb, 37 ganedigaeth Crist, O Arglwydd holl-alluog, Duw Israel y mae yr enaid [yr hwn sydd] mewn ing a’r yspryd cystuddiol yn llefain arnat ti.

²Clyw Arglwydd a thrugarha, o blegit Duw trugaroc ydwyt ti: cymmer drugaredd o blegit nyni a bechasom i’th erbyn.

³O herwydd yr ydwyt ti yn aros byth, a derfydd am danom ninnau yn dragywydd.

⁴O Arglwydd holl-alluog, Duw Israel gwrando ar weddi y rhai a fuant feirw o Israel, a [gweddi] eu meibion hwynt y rhai a bechasant i’th erbyn di, ac ni wrandawsant ar lais yr Arglwydd eu Duw, o ba achos y glynodd y dialeddau hyn wrthym ni.

⁵Na chofia anwireddau ein tadau ni, eithr cofia dy allu a’th enw dy hun y prŷd hyn.

⁶O herwydd tydi [ydwyt] ein Harglwydd Dduw ni, a thydi ô Arglwydd a foliannwn ni.

⁷O blegit er mwyn hyn y rhoddaisti dy ofn yn ein calonnau ni [sef] er mwyn galw [o honom ni] ar dy enw di a’th foliannu yn ein caethiwed, a meddwl am holl anwiredd ein tadau y rhai a bechasant ger dy fron di.

⁸Wele ni etto yn ein caethiwed lle y gwasceraist ti nyni [i fod] yn wradwyddus yn felldigedic, ac yn drethoc yn ôl holl anwireddau ein tadau ni y rhai a enciliasant oddi wrth yr Arglwydd ein Duw ni.

⁹Clyw ô Israel orchymynnion y bywyd, gwrando i gael gwybod doethineb.

¹⁰Paham Israel yr ydwyt ti yn nhir dy elynnion: yr heneiddiaist ti mewn gwlad ddieithr? [ac] i’th halogwyt gan y meirw:

¹¹[Pa ham] i’th gyfrifwyd gyd â’r rhai [a aethant] i vffern:

¹²[Am] adel o honot ffynnon doethineb.

¹³Pe rhodiessit ti yn ffordd Dduw, ti a drigesit mewn heddwch byth.

¹⁴Dysc pa le y mae doethineb, pa le y mae grymmusdra, pa le y mae deall, i gael gwybod hefyd pa le y mae hir hoedl, ac enioes, pa le y mae goleuni llygaid a thangneddyf.

¹⁵Pwy a gafodd ei lle hi: a phwy a aeth i mewn iw thryssorau hi:

¹⁶Pa le y mae tywysogion y cenhedloedd a llywodraeth-wŷr yr anifeiliaid y rhai ydynt ar y ddaiar:

¹⁷Y rhai oeddynt yn chware ag adar y nefoedd, ac yn tyrru arian, ac aur yn yr hwn yr ymddyried dynion, ac nid oes diben ar eu ceisio hwynt y rhai a fathent arian, a [hynny] mor ofalus ac nad oedd diben ar eu gwaith hwynt:

¹⁹Hwy a ddifethwyd ac a ddescynnasant i vffern: a rhai eraill a godasant yn eu lle hwynt.

²⁰Yn ieuainc y gwelsant hwy oleuni, ac a arhoesant ar y ddaiar: ond nid adnabuant hwy ffordd gwybodaeth.

²¹Ei llwybrau hi ni ddehallasant hwy chwaith, ai plant ni dderbyniasant hi, pell oedd hi oddi ar ei ffordd hwynt.

²²Ni chlywyd sôn am dani hi yn Chanaan ac ni welwyd hi yn Theman.

²³Yr Hagareniaid ydynt yn ceisio deall yn ddaiarol [fel] marchnadwyr y wlad, y Themaniaid ydynt yn chwedleua am, ac yn ceisio deall ond nid adwaenant hwy ffordd doethineb, ac ni feddyliasant am ei llwybrau hi.

²⁴O Israel mor fawr yw tŷ Duw, ac mor helaeth yw ei feddiant ef.

²⁵Mawr [yw efe] ac nid oes diwedd iddo ef: vchel yw efe ac anfeidrol.

²⁶Yna yr oedd y cewri enwoc y rhai a oeddynt gynt yn gorphol ac yn medru rhyfela.

²⁷Nid y rheini a ddewisodd Duw, ac ni roddes iddynt [gael] ffordd gwybodaeth.

²⁸Am hynny y difethwyd hwy am nad oedd ganddynt ddoethineb: o ynfydrwydd y methasant hwy.

²⁹Pwy a ddringodd i’r nefoedd ac ai cymmerodd hi, ac ai dugodd hi o’r cwmylau:

³⁰Pwy a aeth tros y môr ac ai cafodd hi, ac ai dug hi o flaen aur o’r goref:

³¹Nid oes neb yn adnabod ei ffordd hi, nac yn ystyried ei llwybr hi.

³²Ond yr hwn a ŵyr bob peth ai hedwyn hi [a] thrwy ei ddoethineb ai cafodd hi, yr hwn a ddarparodd y ddaiar tros amser tragywyddol [ac] ai llanwodd hi ag anifeiliaid pedwarcarnol.

³³Pan anfono efe oleuni allan fe a aiff, a phan ei galwo ef, efe a vfyddha mewn ofn.

³⁴Y sêr a oleuasant yn eu gwiliadwriaethau yn llawen: efe ai galwodd hwynt, ac hwy a ddywedasant: dymma ni, goleuasant yn llawen i’r hwn ai gwnaeth hwynt.

³⁵Dymma ein Duw ni, na chyffelyber [neb] arall iddo ef.

³⁶Efe a gafodd allan ffordd gwybodaeth, ac ai rhoddes hi i Iacob ei was, ac i Israel ei annwylyd.

³⁷Wedi hyn yr ymddangosodd efe ar y ddaiar, ac y trigodd efe ym mysc dynion.