Read William Morgan Bible 1588 original edition Baruch 5 Bible Online

Baruch 5 - William Morgan Bible 1588 original edition bible

Baruch 5

¹Llawenydd Ierusalem am lawenydd ei phobl o gaethiwed. O Ierusalem diosc wisc dy alar a’th dristwch, a gwisc harddwch y gogoniant yr hwn sydd oddi wrth Dduw yn dragywydd.

²Duw a wisc bais cyfiawnder am danat ti [ac]a esyd ar dy ben di goron gogoniant tragywyddol.

³O blegit Duw a ddengis dy ddisclaerdeb di i bob [cenhedlaeth] tann y nefoedd.

⁴Canys Duw a eilw dy enw di byth, heddwch cyfiawnder, a gogoniant duwioldeb.

⁵Cyfot Ierusalem a saf yn vchel ac edrych tu a’r dwyrain a gwel dy blant wedi eu casclu o fachludiad haul hyd ei godiad trwy air yr hwn sydd sanctaid [ac] yn llawen ganddynt goffau Duw.

⁶Ar eu traed yr aethant hwy oddi wrthit ti ai gelynion ai dugasant hwynt ymmaith: eithr Duw ai dwg hwynt attat ti wedi eu derchafu mewn gogoniant fel meibion brenin.

⁷O blegit Duw a ordeiniodd ostwng pob mynydd vchel a’r brynniau tragywyddol, a llēwi y pantoedd yn ogyfiwch a’r ddaiar fel y gallo Israel rodio yn ddiogel er gogoniant i Dduw.

⁸Y coedydd a phob pren aroglbêr a fuant lawen tros Israel wrth orchymyn Duw.

⁹O herwydd Israel a ddygir [adref] yn llawen yng-oleuad ei ogoniant ef yng-hyd â thrugaredd, a’r cyfiawnder yr hwn sydd oddi wrtho ef.