Read William Morgan Bible 1588 original edition Cân y tri llangc 1 Bible Online

Cân y tri llangc 1 - William Morgan Bible 1588 original edition bible

Cân y tri llangc 1

⁴

⁵

²⁴Ac hwyntwy a rodiassant yng-hanol y fflam, gan foliannu Duw, a bendithio’r Arglwydd.

²⁵Ac Azarias yn sefyll a weddiodd fel hyn, ac a agorodd ei enau yng-hanol y tân, gan ddywedyd,

²⁶Bendigedig wyt ô Arglwydd Dduw ein tadau, ie canmoladwy a gogoneddus yw dy enw yn dragywydd.

²⁷Canys cyfiawn wyt ti ym mhob peth a’r a wnaethost i ni: a’th holl weithredoedd sy ffyddlon, dy ffyrdd hefyd ydynt iniawn, a’th holl farnau mewn gwirionedd.

²⁸Canys barnau gwirionedd a wnaethost yn yr holl bethau a ddugost arnom, ac ar ddinas sanctaidd ein tadau [sef] Ierusalem, o achos mewn gwirionedd a barn y dugaist hyn oll arnom am ein pechodau.

²⁹Canys pechasom, a gwnaethom yn anghyfreithlon, drwy ymwrthod â thydi, ac ym mhob peth ni a wnaethom ar fai,

³⁰A’th orchymynnion di ni’s gwrandawsom, ac ni’s cadwasom: ac ni wnaethom y modd yr archessit i ni, fel y bydde i ni yn ddaionus.

³¹A chwbl a’r a ddugost arnom, a chwbl a’r a wnaethost i ni, mewn gwir farn y gwnaethost oll.

³²Ac a’n rhoddaist yn nwylo ein gelynion anwir, a’n casaf fradych-wŷr, a’r brenin anghyfiawn gwaethaf ar yr holl ddaiar.

³³Ac yn awr ni allwn agori ein geneuau, yn gywilydd a gwradwydd i’n gwnaethbwyd i’th weision di a’r rhai a’th addolant.

³⁴Na fwrw ni ymmaith yn gwbl er mwyn dy enw: ac na ddiddymma dy gyfammod.

³⁵Ac na thyn dy drugaredd oddi wrthym, er mwyn Abraham dy annwylyd: ac er mwyn Isaac dy wâs, ac Israel dy sanctaidd;

³⁶Y rhai y ymddiddenaist wrthynt, gan ddywedyd, yr amlhâit eu hâd hwynt fel sêr y nef, ac fel y tywod yr hwn sydd gerllaw min y môr.

³⁷Etto Arglwydd yr ydym wedi ein lleihau tu hwnt i bob cenhedlaeth: ac yr ydym heddyw wedi ein tynnu i lawr ym mhob gwlad am ein pechodau.

³⁸Ac nid oes y pryd hyn, na phennaeth, na phrophwyd, na blaenor, na phoeth offrwm, nac aberth, na blaenffrwyth, nac arogl, na lle i offrwm blaenffrwyth ger dy fron di, modd y gallem gael dy drugaredd.

³⁹Etto yn enaid drylliedig, ac yn ysbryd gostyngeiddrwydd derbynier ni.

⁴⁰Megis o herwydd ebyrth hyrddod, a theirw, ac fel o herwydd myrddiwn o ŵyn breision: felly heddiw bydded ein hoffrwm ni yn dy olwg di iryglyddu bodd i ti: canys nid oes wradwydd i’r rhai a ymddyriedant ynot ti.

⁴¹Ac yr awran y dilynwn di a’n holl galon, ac yr ofnwn di, ac y ceissiwn dy wyneb-pryd.

⁴²Na ddod ni yn wradwydd; eithr gwna â ni yn ol di addfwynder, ac yn ôl amlder dy drugaredd.

⁴³Ac achub ni yn ôl dy ryfeddodau ô Arglwydd, a dod ogoniant i’th enw.

⁴⁴A chywilyddier hwynt oll a’r sy yn amcanu drwg i’th weision: a syrthiant yn wradwyddus oddi wrth bob gallu, ai nerth a ddryllier.

⁴⁵Fel y cydnabyddant mai tydi sydd Arglwydd, unic Dduw, a gogoneddus drwy yr holl fyd.

⁴⁶Ac ni orphywysodd gweinidogion y brenin, y rhai ai bwriasent hwynt [i mewn] a phoethi’r ffwrn â naphtha, â ffŷg, â charth, ac â briwydd.

⁴⁷A’r fflam a daflodd uwch law yr ffwrn, naw cufydd a deugain.

⁴⁸A hi a ruthrodd ac a loscodd y Caldeaid y rhai a gyrhaeddodd hi yng-hylch y ffwrn.

⁴⁹Eithr Angel yr Arglwydd a ddescynnodd i’r ffwrn gyd â Azarias,

⁵⁰Ac a daflodd fflam y tân allan o’r ffwrn: ac a wnaeth ganol y ffwrn megis gwlith-wynt chwiban, fel na chyffyrddodd y tân â hwynt: ni thristaodd ychwaith ac ni flinodd mo honynt.

⁵¹Yna y tri megis o un geneu a ganmolasant, ac a glodforasant, ac a ogoneddasant Dduw yn y ffwrn, gan ddywedyd,

⁵²Bendigedig wyt Arglwydd Dduw ein tadau, moliannus a chlodforus yn dragywydd: a bendigedig yw enw dy ogoniant sanctaidd a chanmoladwy a chlodforus yn dragywydd.

⁵³Bendigedig wyt ti yn nheml dy sanctaidd ogoniant a thramoladwy a gogoneddus yn dragywydd.

⁵⁴Bendigedig wyt ti yr hwn sydd yn gweled yr eigion, ac yn eistedd ar y Cerubiaid, a thrachanmoladwy a chlodforus yn dragywydd.

⁵⁵Bendigedig wyt ar orseddfaingc gogoniant dy deyrnas, a thrachanmoladwy a gogoneddus yn dragywydd.

⁵⁶Bendigedig wyt ti yn ffurfafen y nefoedd, a thrachanmoladwy a gogoneddus yn dragywydd.

⁵⁷Oll weithredoedd yr Arglwydd bendithiwch yr Arglwydd: molwch a chlodforwch ef yn dragywydd.

⁵⁸Angelion yr Arglwydd bendithiwch yr Arglwydd: molwch a chlodforwch ef yn dragywydd.

⁵⁹Y nefoedd bendithiwch yr Arglwydd: molwch a chlodforwch ef yn dragywydd.

⁶⁰Yr holl ddyfroedd goruwch y nef bendithiwch yr Arglwydd: molwch a chlodforwch ef yn dragywydd.

⁶¹Oll nerthoedd yr Arglwydd, bendithiwch yr Arglwydd: molwch a chlodforwch ef yn dragywydd.

⁶²Yr haul a’r lloer bendithiwch yr Arglwydd: molwch a chlodforwch ef yn dragywydd.

⁶³Ser yr awyr bendithiwch yr Arglwydd: molwch a chlodforwch ef yn dragywydd.

⁶⁴Pob cafod a gwlith bendithiwch yr Arglwydd: molwch a chlodforwch ef yn dragywydd.

⁶⁵Oll wyntoedd bendithiwch yr Arglwydd: molwch a chlodforwch ef yn dragywydd.

⁶⁶Tân a phoethni bendithiwch yr Arglwydd: molwch a chlodforwch ef yn dragywydd.

⁶⁷Oerni a gwrês bendithiwch yr Arglwydd: molwch a chlodforwch ef yn dragywydd.

⁶⁸Gwlith a rhewogydd bendithiwch yr Arglwydd: molwch a chlodforwch ef yn dragywydd.

⁶⁹Nos a dydd bendithiwch yr Arglwydd: molwch a chlodforwch ef yn dragywydd.

⁷⁰Goleuad a thywyllwch bendithiwch yr Arglwydd: molwch a chlodforwch ef yn dragywydd.

⁷¹Rhew ac oerfel bendithiwch yr Arglwydd: molwch a chlodforwch ef yn dragywydd.

⁷²Ia ac eira, bendithiwch yr Arglwydd: molwch a chlodforwch ef yn dragywydd.

⁷³Mellt a chymylau bendithiwch yr Arglwydd: molwch a chlodforwch ef yn dragywydd.

⁷⁴Bendithied y ddaiar yr Arglwydd: moled a chlodfored hi ef yn dragywydd.

⁷⁵Mynyddoedd a brynnau bendithiwch yr Arglwydd: molwch a chlodforwch ef yn dragywydd.

⁷⁶Yr holl betheu sydd yn tyfu yn y ddaiar bendithiwch yr Arglwydd: molwch a chlodforwch ef yn dragywydd.

⁷⁷Ffynhonneu bendithiwch yr Arglwydd: molwch a chlodforwch ef yn dragywydd.

⁷⁸Moroedd ac llifeiriant bendithiwch yr Arglwydd: molwch a chlodforwch ef yn dragywydd.

⁷⁹Mor-filod a chwbl oll a’r a symmud yn y dyfroedd bendithiwch yr Arglwydd: molwch a chlodforwch ef yn dragywydd.

⁸⁰Oll ehediaid yr awyr bendithiwch yr Arglwydd: molwch a chlodforwch ef yn dragywydd.

⁸¹Oll fwystfilod ac anifeiliaid bendithiwch yr Arglwydd: molwch a chlodforwch ef yn dragywydd.

⁸²Plant dynyon bendithiwch yr Arglwydd: molwch a chlodforwch ef yn dragywydd.

⁸³Bendithied Israel yr Arglwydd: moled a chlodfored ef yn dragywydd.

⁸⁴Offeiriaid yr Arglwydd bendithiwch yr Arglwydd: molwch a chlodforwch ef yn dragywydd.

⁸⁵Gwasanaethwŷr yr Arglwydd bendithiwch yr Arglwydd: molwch a chlodforwch ef yn dragywydd.

⁸⁶Ysbrydion ac eneidieu ’r cyfiawn bendithiwch yr Arglwydd: molwch a chlodforwch ef yn dragywydd.

⁸⁷Y rhai sanctaidd a chalon ostyngedig bendithiwch yr Arglwydd: molwch a chlodforwch ef yn dragywydd.

⁸⁸Ananias, Azarias, a Misael bendithiwch yr Arglwydd: molwch a chlodforwch ef yn dragywydd: Canys efe a’n achubodd o uffern, ac a’n cadwodd o law marwolaeth, ac a’n gollyngodd o’r ffwrn o ganol y fflam danllyd, ac a’n gwaredodd o ganol y tân.

⁸⁹Cyffesswch yr Arglwydd am ei fod yn ddaionus, am fod ei drugaredd yn dragywydd.

⁹⁰Pawb oll ac sydd yn ofni ’r Arglwydd bendithiwch Dduw ’r duwiau, molwch ef a chydnabyddwch fod ei drugaredd ef yn dragywydd. Terfyn cân y tri llangc yn y ffwrn boeth loscadwy.