Read William Morgan Bible 1588 original edition Ezeciel 1 Bible Online

Ezeciel 1 - William Morgan Bible 1588 original edition bible

Ezeciel 1

¹1 Yr amser, a’r llê y prophwydodd Ezeciel. 3 Ei draseu ef. 5 Gweledigaeth y pedwar anifail. 26 Gweledigaeth yr orsedd-faingc. A Darfu yn y ddecfed flwyddyn ar hugain yn y pedwerydd [mîs] ar y pummed [dydd] o’r mîs, (a mi ym mysc y gaeth-glud wrth afon Chebar) agorid y nefoedd: a gwelwn weledigaeth Dduw.

²Yn y pummed [dydd] o’r mîs (honno oedd y bummed flwyddyn o gaeth-gluidiad brenin Ioacin)

³Y daeth gair yr Arglwydd at Ezeciel yr offeiriad mab Buzi yn nhîr y Caldeaid, wrth afon Chebar, ac yno y bu llaw’r Arglwydd arno ef.

⁴Yna’r edrychais, ac wele’n dyfod o’r gogledd wynt cethrawl, [a] chwmwl mawr, a thân yn ymgymmeryd, a discleirdeb o amgylch iddo: ac oi ganol, [sef] o ganol y tân fel lliw amber.

⁵Hefyd oi ganol [y daeth] cyffelybrwydd i bedwar anifail, ac dymma eu hagwedd hwynt, dull dŷn oedd iddynt,

⁶A phedwar wyneb [i bôb] vn, a phedair aden oedd [i bob] vn o honynt,

⁷Ai traed yn draed iniawn, a gwadn eu traed, fel gwadn troed llô: a discleirio yr oeddynt fel lliw efydd gloiw.

⁸Ac [yr oedd] dwylo dŷn oddi tann eu hadenydd hwynt ar eu pedwar ochr, eu hwynebau hefyd, ai hadenydd [oedd] ganddynt ill pedwar.

⁹Eu hadenydd hwynt oeddynt yng-hwplws y naill wrth y llall: pan gerddent ni throent, aent bob vn yn ŵysc ei wyneb.

¹⁰Dymma ddull eu hwynebau hwynt, wyneb dyn, ac wyneb llew [oedd] ar y tu dehau iddynt ill pedwar: ac wyneb ŷch o’r tu asswy iddynt ill pedwar, ac wyneb eryr iddynt ill pedwar.

¹¹Eu hwynebau hefyd ai hadenydd oeddynt wedi eu dosparthu oddi arnodd, dwy i bob vn yng-hwplws, a dwy i bob vn yn cuddio eu cyrph hwynt.

¹²Aent hefyd bob vn yn ŵysc ei wyneb, i’r lle y bydde’r yspryd ar fyned, yno’r aent: ni throent pan gerddent.

¹³Dymma ddull yr anifeiliaid, eu gwelediad oedd fel marwor tanllyd yn llosci, [ac] fel gwelediad ffaglau: [y tân] hwn oedd yn ymgerdded rhwng yr anifeiliaid, a discleirdeb i’r tân, a mellt yn dyfod allan o’r tân.

¹⁴Cerdde hefyd a dychwele’r anifeiliaid, fel gwelediad mellden,

¹⁵Edrychais hefyd ar yr anifeiliaid, ac wele ar lawr yn ymyl yr anifeiliaid vn olwyn [i bob vn] o flaen ei bedwar wyneb.

¹⁶Dull yr olwynion, ai gwaith hwynt oedd fel lliw Tharsis, a’r vn ddull oedd iddynt ill pedair, ai gwedd hwynt, ai gwaith fel pe bydde y [naill] olwyn o fewn yr olwyn [arall.]

¹⁷Pan elent, aent ar ei pedwar ochr: ni throent pan gerddent.

¹⁸Eu cantau hefyd ac vchder [oedd] iddynt, ac ofnadwy [oedd yr olwg] arnynt: ai cantau oeddynt yn llawn llygaid oddi amgylch ill pedwar.

¹⁹A phan gerdde’r anifeiliaid, yr olwynion a gerddent wrthynt, a phan ymgode’r anifeiliaid oddi ar y ddaiar, yr ymgode’r olwynion.

²⁰I’r lle y bydde’r yspryd ar fyned yr aent, yno’r [oedd] yr yspryd ar fyned: a’r olwynion a ymgodent ar eu cyfer hwynt, canys yspryd yr anifeiliaid [oedd] yn yr olwynion.

²¹Cerddent pan gerddent hwythau, a safent pan safent hwythau: a phan ymgodent hwy oddi ar y ddaiar, yr olwynion a ymgodent ar eu cyfer hwyntau: canys yspryd yr anifeiliaid [oedd] yn yr olwynion.

²²Ac [yr oedd] ar bennau’r anifeiliaid ddull ffurfafen, fel lliw Grissial ofnadwy, wedi ei hestyn tros eu pennau hwynt oddi arnodd.

²³A thann y ffurfafen yr oedd eu hadenydd hwynt, yn iniawn y naill at y llall: dwy i bob vn yn eu cuddio hwynt, a dwy i bob vn yn eu cuddio hwynt [sef] eu cyrph.

²⁴Ac mi a glywn sŵn eu hadenydd hwynt, fel sŵn dyfroedd lawer, fel sŵn yr Holl-alluoc pan gerddent: sŵn eu lleferydd [oedd] fel sŵn llû: pan safent llaesent eu hadenydd.

²⁵Ac yr oedd llais oddi ar y ffurfafen yr hon [oedd] ar eu pennau hwynt: pan safent llaesent eu hadenydd.

²⁶Ac oddi ar y ffurfafen yr hon [oedd] ar eu pennau hwynt yr oedd cyffelybrwydd gorsedd-faingc fel gwelediad maen Saphyr, ac ar gyffelybrwydd yr orsedd-faingc yr [oedd] oddi arnodd arno ef gyffelybrwydd megis gwelediad dŷn.

²⁷Gwelais hefyd megis lliw Ambr, fel gwelediad tân oi fewn o amgylch, o welediad ei lwyni ac vchod, ac o welediad ei lwyni ac issod y gwelais megis gwelediad tân, a discleirdeb iddo oddi amgylch.

²⁸Fel gwelediad y bŵa’r hwn fydd yn y cwmwl ar ddydd glawoc, fel hyn [yr oedd] gwelediad y discleirdeb o amgylch: dymma weledigaeth cyffelybrwydd gogoniant yr Arglwydd: a phan welais, syrthiais ar fy wyneb, a chlywais lais yn llefaru.