Read William Morgan Bible 1588 original edition Ezeciel 12 Bible Online

Ezeciel 12 - William Morgan Bible 1588 original edition bible

Ezeciel 12

¹Y prophwyd ar ddammeg yn dangos y caeth-gludid Sedecia ai bobl i Babilon, 18 Ac ar ddammeg arall yn bygwth newyn a phrinder mawr. A Gair yr Arglwydd a ddaeth attaf, gan ddywedyd:

²Trigo’r ydwyt ti fab dyn, yng-hanol tŷ anufyddgar, y rhai [y mae] llygaid iddynt i weled, ac ni welant, a chlustiau iddynt i glywed, ac ni chlywant: canys tŷ anufyddgar ydynt hwy.

³A thithe fab dŷn gwna it offer caethfud, a muda liw dydd o flaen eu llygaid hwynt, îe muda o’th le dy hun i le arall, yng-ŵydd eu llygaid hwynt: ond odid gwelant mai tŷ anufyddgar [ydynt] hwy.

⁴A dŵg allan dy ddodrefn liw dydd yng-ŵydd eu llygaid fel dodrefn caethfud: dos dithe allan yn yr hŵyr yng-ŵydd eu llygaid, fel rhai yn myned allan i gaeth-glud.

⁵Cloddia o flaen eu llygaid hwynt i ti [dwll] mewn mûr, a dŵg allan trwy hwnnw:

⁶Llwytha ar dy yscwydd yng-ŵydd eu llygaid hwynt, mewn tywyllni y dygi allan, dy wyneb a guddi fel na welech y ddaiar: canys yn arwydd i’th roddais i dŷ Israel.

⁷Ac mi a wnaethum felly fel i’m gorchymynnwyd, dygais fy offer, allan liw dydd fel offer caeth-fud: ac yn yr hŵyr y cloddiais i’m [dwll] mewn mûr a’m llaw: mewn tywyllwch y dygais allan, ar fy yscwydd y llwythais a flaen eu llygaid hwynt.

⁸A’r boreu y daeth gair yr Arglwydd attaf, gan ddywedyd:

⁹Ha fab dŷn oni ddywedodd tŷ Israel (sef y tŷ annufyddgar) wrthit, beth yr wyt ti yn ei wneuthur?

¹⁰Dywet wrthynt, fel hyn y dywed yr Arglwydd Dduw: y tywysog yn Ierusalem [a ddŵg] y baich hwn, a holl dŷ Israel y rhai y maent hwy yn eu mysc.

¹¹Dywet eich arwydd chwi ydwyfi, fel y gwnaethum i felly y gwneir i chwitheu: mewn caeth-glud yr ewch, [ac] mewn caethiwed.

¹²A’r tywysog yr hwn [sydd] yn eu canol a lwytha ar ei yscwydd, mewn tywyllwch yr aiff allan: cloddiant trwy’r mûr fel yr elont allan trwyddo, ei wyneb a guddia efe fel na welo efe y ddaiar ai lygaid.

¹³Canys tanaf fy rhwyd arno ef, fel y dalier ef yn fy rhwyd, a dygaf ef i Babilon tir y Caldeaid, ac ni wêl efe hi, etto yno y bydd efe marw.

¹⁴A gwascaraf ei holl nerth ef sef y rhai a [fyddant] oi amgylch, ai holl lu gyd â phob gwynt, a thynnaf gleddyf ar eu hôl hwynt.

¹⁵Felly y cânt ŵybod mai myfi ydwyf yr Arglwydd, wedi gwascaru o honof hwynt ym mysc y cenhedloedd, ai tânu hwynt ar hyd y tiroedd.

¹⁶Etto gweddillaf o honynt ychydig ddynion oddi wrth y cleddyf, oddi wrth newyn, ac oddi wrth haint: fel y mynegant eu holl ffieidd-dra ym mysc y cenhedloedd lle y delant: a gŵybyddant mai myfi ydwyf yr Arglwydd.

¹⁷Gair yr Arglwydd hefyd a ddaeth attaf gan ddywedyd:

¹⁸Ha fâb dŷn bwyttei dy fara mewn cynnwrf, a’th ddwfr a yfi mewn dychryn, a gofal:

¹⁹A dywet wrth bobl y tîr, fel hyn a dywed Arglwydd Dduw am drigolion Ierusalem, [ac] am wlâd Israel: eu bara a fwytânt mewn gofal, ai dwfr a yfant mewn anrhaith, fel yr anrheithir ei thîr oi chyflawnder am drais y rhai oll a drigant ynddi.

²⁰A’r dinasoedd cyfanneddol a anghyfanneddir, a’r tîr a fydd anrhaithiedic, felly y gŵybyddwch mai myfi [ydwyf] yr Arglwydd.

²¹A daeth gair yr Arglwydd attaf, gan ddywedyd:

²²Ha fab dŷn beth [yw] y ddihareb hon a genwch am dîr Israel gan ddywedyd, y dyddiau a estynnasant, a darfu am bob gweledigaeth?

²³Am hynny dywet ti wrthynt, fel hyn y dywed yr Arglwydd Dduw, gwnaf i’r ddihareb hon beidio, fel nad arferant hi mwy yn Israel: ond yn hytrarch dywet wrthynt, y dyddiau a sylwedd pob gweledigaeth a nesauasant.

²⁴Canys ni bydd mwy vn weledigaeth ofer, na dewiniaeth weniaithus o fewn tŷ Israel.

²⁵Canys myfi’r Arglwydd a lefaraf y peth a lefarwyf, ac ef a wneir, nid oedir efe mwy: o herwydd yn eich dyddiau chwi ô dŷ annufuddgar y llefaraf air, ac efe a wneir, medd yr Arglwydd Dduw.

²⁶A gair yr Arglwydd a ddaeth attaf gan ddywedyd:

²⁷Ha fab dŷn wele dŷ Israel yn, dywedyd, y weledigaeth yr hon a welodd efe [fydd] wedi dyddiau lawer: a phrophwydo y mae efe am amseroedd pell.

²⁸Am hynny dywet wrthynt, fel hyn y dywedodd yr Arglwydd Dduw, nid oedir dim o’m geiriau mwy, canys y gair yr hwn a ddywedais a gwpleir, medd yr Arglwydd Dduw.