Read William Morgan Bible 1588 original edition Ezeciel 16 Bible Online

Ezeciel 16 - William Morgan Bible 1588 original edition bible

Ezeciel 16

¹Wedi hynny y daeth gair yr Arglwydd attaf gan ddywedyd:

²Ha fab dŷn gwnai Ierusalem adnabod ei ffieidd-dra,

³A dywet, fel hyn y dywedodd yr Arglwydd Dduw am Ierusalem: dy drigfa, a’th enedigaeth [oeddynt] o wlâd Canaan, dy dâd [oedd] Amoriad, a’th fam yn Hitties.

⁴Ac [dymma] dy enedigaeth, ar y dydd i’th anwyd ni thorrwyd dy fogail, ac mewn dwfr ni’th olchwyd yn feddal, ni’th gyweiriwyd ychwaith â halen, ac ni’th rwymwyd â rhwymyn:

⁵Ni thosturiodd llygad wrthit, i wneuthur it vn o hyn, gan drugarhau wrthit: onid ar wyneb y maes i’th daflwyd, yn niystyrwch dy enioes, ar y dydd i’th aned.

⁶Yna y trammwyais heibio it, ac mi a’th welais yn ymdrybaeddu yn dy waed, a dywedais wrthit yn dy waed, bydd fyw: ie dywedais wrthit yn dy waed, bydd fyw.

⁷Yn fyrddiwn i’th roddais fel gwellt y maes: îe ti a amlheuir, ac a fawrheuir, ac a ddeui i harddwch mawr, addfedodd dy fronnau, a thyfodd dy wallt, a thi yn llom, ac yn noeth [o’r blaen.]

⁸A phan drammwyais hebot canfûm di, ac wele dy amser yn amser serchawgrwydd, yna lledais fy aden drosot, a chuddiais dy noethni: tyngais hefyd it, ac euthym mewn cyfammod â thi medd yr Arglwydd Dduw, felly’r aethost yn eiddof fi.

⁹Golchais di hefyd mewn dwfr, îe golchais dy waed oddi wrthit, ac irais di ag olew:

¹⁰Mi a’th wiscais hefyd â gwaith edef a nodwydd, rhoddais it hefyd escidiau o groen daiar-foch: a gwiscais di mewn lliain main, a gorchguddiais di â sidan,

¹¹Felly i’th herddais â harddwch, a rhoddais freichledau am dy ddwylo, a chadwyn am dy wddf,

¹²Rhoddais hefyd fiswrn ar dy wyneb, a thlysau wrth dy glustiau: a choron hardd am dy benn.

¹³Felly i’th harddwyd o aur, ac arian, ac i’th wiscwyd â lliain main, ac â sidan, ac â gwaith edef a nodwydd: peillied, a mêl, ac olew a fwyteit, têg hefyd odieth oeddit, a ffynnaist yn frenhiniaeth.

¹⁴Aeth allan hefyd it enw ym mysc y cenhedloedd, o’th degwch: canys cyflawn oedd, o achos fy hyfrydwch yr hwn a osodaswn arnat, medd yr Arglwydd Dduw.

¹⁵Yna’r ymddyriedaist i’th degwch, a phutteiniaist wrth dy enw: a thywelltaist dy butteindra ar bob cynniwerudd, [dy degwch] oedd eiddo ef.

¹⁶Cymmeraist hefyd o’th ddillad, a gwnaethost it vchel-feudd brithion, a phutteiniaist â hwynt, [dy fath] ni ddeuant, ac ni bydd [dy gyffelyp.]

¹⁷A chymmeraist offer dy harddwch o’m haur, ac o’m harian i y rhai a roddaswn i ti, a gwnaethost it ddelwau gwyr: a phutteiniaist gyd â hwynt.

¹⁸Cymmeraist hefyd dy wiscoedd o waith edef a nodwydd, ac ai gwiscaist hwynt, fy olew hefyd, a’m harogl-darth a roddaist oi blaen hwynt.

¹⁹Felly fy mŵyd yr hwn a roddaswn i ti, yn beillied, ac yn olew, ac yn fel, [a’r rhai] i’th borthaswn di: rhoddaist hynny hefyd oi blaen hwynt i fod yn arogl esmwyth: fel hyn y bû medd yr Arglwydd Dduw.

²⁰Cymmeraist hefyd dy feibion, a’th ferched, y rhai a blantaasit i mi, a lleddaist hwynt yn fwyd iddynt hwy: ai bychan [hyn] o’th butteindra?

²¹Lleddaist hefyd fy meibion, a rhoddaist hwynt, gan eu tynnu [trwy’r tân] iddynt.

²²A chyd a’th holl ffiaidd-dra, a’th butteindra, ni chofiaist ddyddiau dy ieuengtid: pan oeddit lomm, a noeth, dy fod yn ymdrybaeddu yn dy waed.

²³A bu ar ôl dy holl ddrygioni (gwae, gwae it medd yr Arglwydd Dduw)

²⁴Adailadu o honot it vchelfa, a gwneuthur it vchelfa ym mhob heol.

²⁵Ym mhen pob ffordd yr adailedaist dy vchelfa, a gwaethost dy degwch yn ffiaidd: canys lledaist dy draed i bob cynnwerudd, ac amlheaist dy butteindra.

²⁶Putteiniaist hefyd gyd â meibion yr Aipht, dy gymydogion cigog: ac amlheaist dy butteindra i’m digio.

²⁷Am hynny wele estynnais fy llaw arnat, a phrinheais dy rann, a rhoddais di wrth ewyllys dy gaseion [sef] merched y Philistiaid: y rhai a wradwyddwyd am dy ffordd sceler.

²⁸Yna y putteiniaist gyd â meibion Assur, o eisieu dy ddigoni: a hefyd wedi putteinio gyd â hwynt ni’th ddigonwyd.

²⁹Onid chwanegaist dy butteindra yngwlâd Canaan gyd a’r Caloeaid: ac eito ni’th ddigonwyd yn hyn.

³⁰Morr llesc yw dy galon medd yr Arglwydd Dduw, gan it wneuthur hynny oll: [sef] gwaith puttein-wraig anllywodraethus.

³¹Pan adailedaist dy vchelfa ym mhenn pob ffordd, ac y gwnaethost dy vchelfa ym mhob heol, ac nid oeddit fel puttain yn dirmygu gwobr.

³²Ond fel gwraig a dorre ei phriodas, ac a gymmere ddieithraid yn lle ei gŵr.

³³I bob puttain y rhoddant wobr, ond ty di a roddaist dy wobr i’th holl gariadau: ac ai gobrwyaist hwynt i ddyfod attat oddi amgylch yn dy butteindra.

³⁴Am hynny yr wyt ti yn y gwrthwynebi wragedd [eraill] yn dy butteindra, ac ni phutteiniwyd ar dy ôl di: canys lle y rhoddi wobr, ac ni roddir it, yna’r wyt yn y gwrthwyneb.

³⁵Gan hynny ô buttain clyw air yr Arglwydd,

³⁶Fel hyn y dywed yr Arglwydd Ddnw, am dywallt dy frynti, a datcuddio dy noethni yn dy butteindra gyd a’th gariadau, a chyd a’th holl eulynnod ffiaidd: ie yng-waed dy feibion y rhai a roddaist iddynt:

³⁷Am hynny wele fi yn casclu dy holl gariadau y rhai y cydiaist â hwynt: îe y rhai oll a geraist, gyd a’r rhai oll a gaseaist, pan gasclwyf hwynt i’th erbyn oddi amgylch: yna y dinoethaf dy noethni iddynt, fel y gwelant dy holl frynti.

³⁸Barnaf di hefyd â barnedigaethau putteiniaid, a’r rhai a dywalltant waed: a rhoddaf di yn waed llidiawgrwydd, ac eiddigedd.

³⁹Ie rhoddaf di yn eu dwylo hwynt, yna y dinistriant dy vchelfannau, a diwreiddiant dy vchel-leoedd: dioscant di hefyd o’th ddillad, a chymmerant ddodrefn dy harddwch, ac a’th adawant yn llomm, ac yn noeth.

⁴⁰Dygant hefyd dyrfa i’th erbyn, ac a’th labyddiant â meini, ac ai cleddyfau i’th drywanant.

⁴¹Lloscant hefyd dy dai â thân, a gwnant arnat farnedigaethau yng-olwg gwragedd lawer: felly y gwnaf it beidio â phutteinio, ac hefyd na roddech wobr mwy.

⁴²Ie llonyddaf fy llid i’th erbyn, a symmudaf fy eiddigedd oddi wrthit: llonyddaf hefyd ac ni ddigiaf mwy.

⁴³Am na chofiaist ddyddiau dy ieuengctid, onid annogaist fi i lid yn hyn oll, am hynny wele myfi a roddaf dy ffordd ar [dy] benn, medd yr Arglwydd Dduw fel na wnelech yr scelerder hynn, gyd a’th holl ffieidd-dra.

⁴⁴Wele pob diharebudd a ddihareba am danat gan ddywedyd: fel y fam y mae yr ferch.

⁴⁵Merch dy fam yr hon a ffieiddiodd ei gŵr ai meibion [ydwyt] ti: a chwaer dy chwiorydd, y rhai a ffieiddiasant eu gwŷr ai meibion [ydwyt] ti: eich mam [sydd] Hitties, a’ch tâd yn Amoriad.

⁴⁶A’th chwaer hynaf yw Samaria ai merched, yr hon sydd yn trigo ar dy law asswy: a’th chwaer ieuangach nâ thi’r hon sydd yn trigo ar dy law ddehau [yw] Sodoma ai merched.

⁴⁷Ac ni rodiaist yn eu ffyrdd hwynt, nid yn ôl eu ffieidd-dra hwynt y gwnaethost, megis ychydig bach [oedd hynny,] ymlygraist yn fwy na hwy yn dy holl ffyrdd.

⁴⁸[Nid] byw fi medd yr Arglwydd Dduw, os gwnaeth Sodoma dy chwaer, hi ai merched, fel y gwnaethost ti a’th ferched.

⁴⁹Wele hynn oedd anwiredd dy chwaer Sodoma, balchder, digonedd bara, ac amlder o seguryd oedd iddi, ac iw merched, ac ni chryfhaodd hi law yr anghenog, na’r tlawd.

⁵⁰Onid ymdderchafasant, a gwnaethant ffiaidd-dra o’m blaen, am hynny y symmudais hwynt fel y gwelais yn dda.

⁵¹Samaria hefyd ni phechodd fel hanner dy bechod ti, canys amlheaist dy ffieidd-dra yn fwy nâ hwynt, a chyfiawnheaist dy chwiorydd yn dy holl ffieidd-dra y rhai a wnaethost.

⁵²Dŵg dithe dy wradwydd, (yr hon a fernaist ar dy chwaer) am dy bechod [yn] yr hwn y buost ffieiddiach nâ hwynt: cyfiawnach ydynt nâ thi: cywilyddia dithe, a dwg dy wradwydd, gan gyfiawnhau o honot dy chwiorydd.

⁵³Pan ddychwelwyf eu caethiwed hwynt, sef caethiwed Sodoma ai merched, a chaethiwed Samaria ai merched: yna y [dychwelaf] gaethiwed dy gaethion dithe, a’th ferched,

⁵⁴Fel y dygech dy warth, ac i’th wradwydder, am yr hyn oll a wnaethost, gan gyssuro o honot hwynt.

⁵⁵Dy chwiorydd hefyd ai Sodoma, merched pan ddychwelant iw cynnefyn, a Samaria ai merched pan ddychwelant iw cynnefyn: yna tithe a’th ferched a ddychwelwch i’ch cynnefyn.

⁵⁶Canys nid oedd mo’r sôn am Sodoma dy chwaer yn dy enau, yn nydd dy falchder.

⁵⁷Cyn dinoethi dy ddrygioni, megis [yn] amser gwradwydd merched Syria, a holl ferched y Philistiaid oi hamgylch: y rhai a’th ddiysiyrant di o bob-parth.

⁵⁸Dy scelerder, a’th ffieidd-dra hefyd, ti ai dygaist hwynt medd yr Arglwydd.

⁵⁹Canys fel hyn y dywed yr Arglwydd Dduw, felly y gwnaf â thi fel y gwnaethost, yr hon a ddiystyrraist lŵ, i ddiddymmu y cyfammod.

⁶⁰Etto mi a gofiaf fyng-hyfammod â thi, yn nyddiau dy ieuengtid, ac a siccrhaf it gyfammod tragywyddol.

⁶¹Yna y coffei dy ffyrdd, ac y cywilyddi pan dderbynniech dy chwiorydd hyn nâ thi, gyd a’r rhai ieuangach nâ thi: canys rhoddaf hwynt yn ferched it, a [hynny] nid o’th ammod ti.

⁶²Ie siccrhaf fyng-hyfammod â thi, a chei ŵybod mai myfi [ydwyf] yr Arglwydd.

⁶³Fel y cofiech di, ac y cywilyddi, ac na byddo it mwy agorid safn gan dy wradwydd, pan wnelwyf iawn trosot am yr hyn oll a wnaethost medd yr Arglwydd Dduw.