Read William Morgan Bible 1588 original edition Ezeciel 18 Bible Online

Ezeciel 18 - William Morgan Bible 1588 original edition bible

Ezeciel 18

¹Pawb a fernir yn ôl ei weithredoedd ei hun. 21 Ac wrth ei ddydd diwedd. A Gair yr Arglwydd a ddaeth attaf gan ddywedyd:

²Pa ham gennych ddiharebu o honoch y ddihareb hon am dîr Israel gan ddywedyd: y tadau a fwyttasant rawn-wîn surion, ac ar ddannedd y plant y mae dingcod.

³[Nid] byw fi medd yr Arglwydd Dduw, os bydd ichwi mwy ddiharebu y ddihareb hon yn Israel.

⁴Wele’r holl eneidiau eiddo fi [ydynt] hwy, fel enaid y tâd felly enaid y mâb eiddo fi [ydynt] hwy: yr enaid a becho hwnnw a fydd marw.

⁵Canys os bydd gŵr yn gyfiawn, ac yn gwneuthur barn, a chyfiawnder:

⁶Heb fwytta ar y mynyddoedd, na chyfodi ei lygaid at eulynnod tŷ Israel, ac heb halogi gwraig ei gymmydog, na nessau at wraig fisglwyfol:

⁷Hefyd ni orthrymma neb, gŵystl y dyledwr a rydd yn ei ôl, ni threisia drais, ei fara a rydd i’r newynog, ac a ddillada y noeth:

⁸Ni rydd * ar vsuriaeth, ac ni chymmer y chwaneg, ei law a dynnodd yn ei hôl oddi wrth anwiredd, gwir farn a wna rhwng gŵr, a gŵr:

⁹Yn fy neddfau y rhodia, a’m barnedigaethau a geidw gan gwneuthur gwirionedd, y cyfiawn hwnnw gan fyw fydd byw medd yr Arglwydd Dduw.

¹⁰Os cenhedla efe fab yn lleidr, [ac] yn tywallt gwaed: ac a wna [ai] frawd yn erbyn vn o hyn:

¹¹Ac ni wna efe hyn oll, onid ar y mynyddoedd y bwyttu, a gwraig ei gymmydog a haloga:

¹²Yr anghenus a’r tlawd a orthrymma, trais a dreisia, gwystl ni rydd trachefn: neu at eulynnod y cyfyd ei lygaid, gan wneuthur ffieidd-dra:

¹³Ar vsuriaeth y rhydd, ac y chwaneg a gymmer, gan hynny a fydd efe byw? ni bydd byw: gwnaeth yr holl ffiaidd-dra hyn, gan farw y bydd farw, ei waed a fydd arno ei hun.

¹⁴Ac wele cenhedlodd fâb, yntef a wêl bechodau ei dâd, ac a ofna, ac ni wna felly:

¹⁵Ar y mynyddoedd ni fwyttu, ai lygaid ni chyfyd at eulynnod tŷ Israel, ni haloga wraig ei gymmydog:

¹⁶Ni orthrymma neb ychwaith, ni attal efe wystl, ac ni threisia drais, ei fara a rydd i’r newynoc, a’r noeth a ddillada efe:

¹⁷[Ni] thrŷ ei law oddi wrth yr anghenoc, vsuriaeth, na llôg ni chymmer, fy marn a wna, yn fy neddfau y rhodia, hynnw ni bydd farw am anwiredd ei dâd, gan fyw y bydd efe byw.

¹⁸Ei dâd am gamattal attaliaeth, a thresio trais, [oddi ar ei] frawd, a gwneuthur yr hyn nid oedd dda ym mysc ei bobl: am hynny wele ef yn marw yn ei anwiredd.

¹⁹A chwi a ddywedwch, pa ham na ddŵg y mab anwiredd y tâd? am wneuthur o’r mâb farn, a chyfiawnder, fy holl ddeddfau a gadwodd, ac ai gwnaeth hwynt: gan fyw y bydd fyw.

²⁰Yr enaid a becho, hwnnw a fydd marw, y mab ni ddŵg anwiredd y tâd, a’r tâd ni ddwg anwiredd y mâb? cyfiawnder y cyfiawn fydd arno: a brygioni y drygionus fydd arno yntef.

²¹Ond os yr annuwiol a ddychwel oddi wrth ei holl bechodau, y rhai a wnaeth, a chadw fy holl ddeddfau, a gwneuthur barn a chyfiawnder, efe gan fyw a fydd byw: ni bydd efe marw.

²²Ni choffeir iddo yr holl gamweddau y rhai a wnaeth, yn ei gyfiawnder yr hwn a wnaeth y bydd efe byw.

²³Gan ewyllysio, a ewyllysiwn i farw yr annuwiol, medd yr Arglwydd Dduw? neu ynte fyw o honaw trwy ddychwelyd oi ffyrdd?

²⁴A phan ddychwelo y cyfiawn oi gyfiawnder, a gwneuthur anwiredd, a gwneuthur yn ôl yr holl ffieidd-dra a’r a wnelo’r annuwiol: a fydd efe byw? ni choffeir yr holl gyfiawnderau y rhai a wnaeth efe: yn ei gamwedd yr hwn a wnaeth, ac yn y pechod yr hwn a bechodd y bydd efe farw oi plegit.

²⁵A chwi a ddywedwch, nid cymmwys yw ffordd yr Arglwydd, gwrandewch yr awr hon tŷ Israel, onid yw gymmwys fy ffordd i? onid eich ffyrdd chwi nid ydynt gymmwys?

²⁶Pan ddychwelo y cyfiawn oddi wrth ei gyfiawnder, a gwneuthur anwiredd, a marw ynddynt, yn ei anwiredd ei hun yr hwn a wnaeth y bydd efe marw.

²⁷A phan ddychwelo yr annuwiol oddi wrth ei ddrygioni’r hwn a wnaeth, a gwneuthur barn, a chyfiawnder, hwnnw a geidw yn fyw ei enaid.

²⁸Pan welo a dychwelyd oddi wrth ei holl gamweddau y rhai a wnaeth, gan fyw, y bydd byw, ni bydd marw.

²⁹Etto tŷ Israel a ddywedant, nid cymmwys yw ffordd yr Arglwydd, tŷ Israel onid cymmwys fy ffyrdd mau fi? onid eich ffyrdd chwi nid ydynt gymmwys?

³⁰Am hynny barnaf chwi tŷ Israel bob vn yn ôl ei ffyrdd ei hun medd yr Arglwydd Dduw: dychwelwch a throiwch o’ch holl gamweddau, fel na byddo anwiredd yn dramgwydd i chwi.

³¹Bwriwch oddi wrthych eich holl gamweddau y rhai y camweddasoch ynddynt, a gwnewch iwch galon newydd, ac yspryd newydd: a pha ham tŷ Israel y byddwch feirw?

³²Canys ni bydd gwynfyd gennif ym marwolaeth y marw medd yr Arglwydd Dduw: dychwelwch gan hynny, a byddwch fyw.