Read William Morgan Bible 1588 original edition Ezeciel 21 Bible Online

Ezeciel 21 - William Morgan Bible 1588 original edition bible

Ezeciel 21

¹Cwymp Ierasalem, ai brenin. 28 Dinistr yr Ammoniaid, 30 A Nabuchodonosor hefyd. Yna y daeth gair yr Arglwydd attaf gan ddywedyd.

²Gosot dy wyneb fab dŷn tu ag Ierusalem, a difera [eiriau] rua yr cyssegroedd, a phrophwydd am wlad Israel.

³A dywet wrth wlad Israel, fel hyn y dywed yr Arglwydd: wele fi i’th erbyn, tynnaf hefyd fyng-hleddyf oi wain, a thorraf o honot gyfiawn, ac anghyfiawn,

⁴O herwydd hyn y torraf o honot gyfiawn ac anghyfiawn: am hynny y daw fyng-hleddyf allan oi wain yn erbyn pob cnawd o’r deau hyd y gogledd.

⁵A chaiff pob cnawd ŵybod, am i mi yr Arglwydd dynnu fyng-hleddyf allan oi wain na ddychwele fe mwy.

⁶Ochain dithe fab dŷn am yssigtod [dy] lwyni, ie ochain di yn chwerw yn eu golwg hwynt.

⁷A bydded pan ddywedant wrthit: am va beth yr ydwyt yn ochein, yna ddywedyd o honot, am y chwedl newydd, canys daw fel y toddo pob calon, ac y llaeso y dwylo oll, ac y pallo pob yspryd, a’r gliniau oll a ant yn ddwfr: wele efe yn dyfod, ac a fydd medd yr Arglwydd Dduw.

⁸A gair yr Arglwydd a ddaeth attaf gan ddywedyd:

⁹Prophwyda fab dŷn a dywet, fel hyn y dywedodd yr Arglwydd, dywet, cleddyf, cleddyf hogedic a gloiwedic hefyd.

¹⁰Efe a hogwyd fel y lladde laddfa, gloiwwyd fel y bydde iddo ddiscleirder: a lawenychwn ni? y mae efe’n dirmygu gwialen fy mâb fel pob prenn [arall.]

¹¹Canys efe ai rhodd yn loiw iw ddal mewn llaw, y cleddyf hwn a hogwyd, ac a loiwwyd iw roddi yn llaw y lleiddiad.

¹²Gwaedda ac vda fab dŷn, canys hwn fydd yn erbyn fy mhobl i, hwn [fydd] yn erbyn holl dywysogion Israel, syrthiedic ar gleddyf fyddant gyd a’m pobl: am hynny taro [law] ar forddwyd.

¹³Canys profedigaeth [sydd,] a pheth os ddiystyra efe y wialen? ni bydd efe mwy, medd yr Arglwydd Dduw?

¹⁴Tithe fab dŷn prophwyda, a tharo law, wrth law, canys dyblir y cleddyf dair gwaith: cleddyf lladdedigion [yw] efe, cleddyf lladdedigaeth lawr, yn eu lladd hwynt yn eu stafelloedd.

¹⁵Rhoddais fin cleddyf at eu holl byrth hwynt er mwyn toddi [pob] calon, ar amlhau y tramgwyddiadau; oh gwnaed ef yn ddisclair, hogwyd ef i ladd.

¹⁶Ymnailltua, dos ar y llaw dehau, ymosot, dos ar y llaw asswy lle y pwyso dy wyneb.

¹⁷Minne hefyd a darawaf fy llaw yn y llall, ac a lonyddaf fy llid: myfi yr Arglwydd a leferais.

¹⁸A daeth gair yr Arglwydd attaf gan ddywedyd:

¹⁹Tithe fab dŷn gosot i ti ddwy ffordd, fel y delo cleddyf brenin Babilon, o vn tîr y deuant ill dwy, a dewis ie, ym mhen ffordd y ddinas y dewisi [ef.]

²⁰Gosot ffordd i ddyfod o’r cleddyf tua Rabbath meibion Ammon, a thu ag Iuda yn erbyn Ierusalem gaeroc.

²¹Canys safodd drenin Babilon ar groesffordd i ddewino dewiniaeth, gloiwwodd ei saethau, y mofynnodd â delwau, edrychodd mewn afi.

²²Yn ei law ddehau yr oedd dewiniaeth Ierusalem, am ossod capteniaid i agoryd safn mewn lladdedigaeth, i dderchafu llef mewn vdcan, i osod offer ryfel wrth byrth, i fwrw clawdd, i adailadu castell.

²³A [hynn] fydd ganddynt, fel dewino dewiniaeth gwagedd yn eu golwg hwynt, y rhai a dyngasant lwon iddynt: a hynn fydd yn coffau anwiredd iw dal [hwynt.]

²⁴Am hynny fel hynn y dywed yr Arglwydd Dduw, am beri o honoch goffau eich anwiredd, pan amlygodd eich camweddau wrth ymddangos o’ch holl bechodau yn eich holl weithredoedd: am beri o honoch [eich] coffau i’ch delir â llaw.

²⁵Tithe halogedic annuwiol dywysog Israel yr hwn y daeth ei ddydd diwedd yn amser anwiredd,

²⁶Fel hynn y dywed yr Arglwydd Dduw, symmut y meitr, a chyfot y goron, nid felly [y bydd] hon: cyfot y gostyngedic, a gystwng yr vchel.

²⁷Yn ŵyrni, yn ŵyrni, yn ŵyrni y gosodaf hi, ac ni bydd hon hyd oni ddelo, yr hwn [y mae] cyfiawnder iddo, ai roddi o honof.

²⁸Prophwyda dithe fab dŷn a dywet, fel hyn y dywedodd yr Arglwydd Dduw am feibion Ammon, ac am eu gwradwydd hwynt, dywet gan hynny, cleddyf, cleddyf sydd noeth i ladd, gloiw o herwydd discleirdeb i ddifetha.

²⁹Wrth weled gwagedd i ti, wrth ddewino it gelwydd, gan dy roddi yng-yddfau y lladdedigion drygionus y rhai y daeth eu dydd diwedd mewn amser anwiredd.

³⁰A ddychwelafi [y cleddyf] iw wain? yn y lle i’th greuwyd, yn nhir dy gynnefin i’th farnaf

³¹A thywalltaf fy nigllonedd arnat, a thân fy llidiawgrwydd a chwthaf arnat, a rhoddaf di yn llaw dynion poethion, seiri dinistr.

³²Ir tân y byddi yn ymborth, dy waed fydd yng-hanol y tîr, ni’th goffeir, canys myfi yr Arglwydd ai dywedais.