Read William Morgan Bible 1588 original edition Ezeciel 22 Bible Online

Ezeciel 22 - William Morgan Bible 1588 original edition bible

Ezeciel 22

¹Adrodd y mae amryw bechodau Ierusalem, ai chosp. Gair yr Arglwydd a ddaeth attaf trachefn gan ddywedyd:

²Tithe fab dŷn a ferni di? a ferni ddinas y gwaed? a wnei di iddi ŵybod ei holl ffieidd-dra?

³Dywet tithe, fel hyn y dywedodd yr Aglwydd Dduw, tywallt gwaed y mae yr ddinas yn ei chanol, i ddyfod oi hamser, ac eulynnod a wnaeth hi oi hamgylch i ymhalogi.

⁴Euog wyt o’th waed yr hwn a dywelltaist, a halogedig wrth dy eulynnod y rhai a wnaethost: felly y nesseaist dy ddyddiau, a daethost hyd at dy flynyddoedd, am hynny i’th roddais yn warth i’r cenhedloedd, ac yn watwargerdd i’r holl wledydd.

⁵Y rhai agos a’r rhai pell oddi wrthit a’th watwarant, yr halogedic o enw ac aml o gynnwrf.

⁶Wele tywysogion Israel oeddynt ynot bôb vn yn ei allu i dywallt gwaed.

⁷Dirmygasant ynot dâd, a mam, gwnaethant yn dwyllodrus a’r dieithr o’th fewn: gorthrymmasant ynot yr ymddifad a’r weddw.

⁸Dirmygaist fyng-hyssegroedd, ac halogaist fy Sabbothau.

⁹Athrod-wŷr oeddynt ynot, er mwyn tywallt gwaed, ar y mynyddoedd hefyd y bwyttasant ynot ti: gwnaethant scelerder o’th fewn.

¹⁰Ynot ti y datcuddie [y mab] noethni y tâd: yr aflan o fis-glwyf a ddarostyngent ynot.

¹¹Gwnae ŵr hefyd ffiaidd-dra â gwraig ei gymmydog, a gŵr a haloge ei waudd ei hun mewn scelerder: îe darostynge gŵr ynot ei chwaer ei hun [sef] merch ei dad.

¹²Gwobr a gymmerent ynot am dywallt gwaed, cymmeraist vsuriaeth ac occraeth, ac elwaist ar dy gymmydogion trwy dwyll, ac anghofiaist fynne, medd yr Arglwydd Dduw.

¹³Am hynny wele tarewais fy llaw ar dy gybydd-dod yr rhwn a wnaethost, ac am y gwaed yr hwn oedd o’th fewn.

¹⁴A saif dy galon? a gryfhâ dy ddwylo yn y dyddiau y rhai y gwnelwyf [farn â thi?] myfi yr Arglwydd a leferais, ac a wnaf.

¹⁵Canys gwascaraf di ym mysc y cenhedloedd, a thanaf di ar hyd y gwledydd: a gwnaf i’th aflendid ddarfod o honot.

¹⁶Ac ymhalogi ynot dy hun, yng-ŵydd y cenhedloedd, a chei ŵybod mai myfi [ydwyf] yr Arglwydd.

¹⁷A gair yr Arglwydd a ddaeth attaf gan ddywedyd:

¹⁸Ha fab dŷn, tŷ Israel ydynt gennif yn amhuredd, [aethant] hwy oll yn [amhuredd] prês, ac alcam, a haiarn, a phlwm yng-hanol y pair: amhuredd arian ydynt.

¹⁹Am hynny fel hyn y dywed yr Arglwydd Dduw, am eich bôd chwi oll yn amhuredd, am hynny wele fi yn eich casclu chwi i ganol Ierusalem.

²⁰Fel casclu arian, a phyês, a haiarn, a phlwm, ac alcam i ganol y ffwrn gan chwythu tân arnynt iw toddi: felly yn fy llid, a’m dig, y casclaf, y gosodaf, ac y toddaf chwi.

²¹Ie casclaf chwi, a chwythaf arnoch â thân fy llidiawgrwydd fel y todder chwi yn ei chanol hi.

²²Fel y toddir arian o fewn pair, felly y toddir chwi oi mewn hi: fel y gŵypoch mai myfi yr Arglwydd a dywelltais fy llidiawgrwydd arnoch.

²³A gair yr Arglwydd a ddaeth attaf gan ddywedyd:

²⁴Dywet wrthi hi fab dŷn, ti sydd dîr heb ei buro, heb lawio arno yn nydd digter.

²⁵Cydfradwriaeth ei phrophwydi oi mewn [sydd] fel llew rhuadwy yn sclyfaethu sclyfaeth, dynion a fwyttasant, golud a thryssor a gymmerasant: ei gweddwon a amlhâsant oi mewn.

²⁶Ei hoffeiriaid a dreisiasant fyng-hyfraith, ac a halogasant fyng-hyssegroedd: ni wahanasant rhwng cyssegredic a halogedic, ac ni wnaethant ŵybod [rhagor] rhwng yr aflan, a’r glân: cuddiasant hefyd eu llygaid oddi wrth fy Sabbothau, fel i’m halogwyd yn eu mysc hwynt.

²⁷Eu pennaethiaid oeddynt yn ei chanol, fel bleiddiaid yn sclyfaethu sclyfaeth, gan dywallt gwaed, gan ddifetha eneidiau er elwa elw

²⁸Ei phrophwydi hefyd a galchasant iddynt salwedd, gan weled gwagedd, a dewino iddynt gelwydd, gan ddywedyd, fel hyn y dywedodd yr Arglwydd Dduw: a’r Arglwydd heb ddywedyd.

²⁹Pobl y tîr a dwyllant dwyll, ac a dreisiant drais, ac a orthrymmant y truan, a’r tlawd, y dieithr hefyd a dwyllant trwy anghyfiawnder.

³⁰Ceisiais hefyd ŵr o honynt yn caeu cae, ac yn sefyll ar yr adwy o’m blaen tros y wlâd, rhag ei dinistrio, ac ni’s cefais.

³¹Am hynny y tywalltaf fy nigofaint arnynt, â thân fy llidiawgrwydd y difethaf hwynt, eu ffordd eu hun a roddaf ar eu pennau hwynt medd yr Arglwydd Dduw.