Read William Morgan Bible 1588 original edition Ezeciel 23 Bible Online

Ezeciel 23 - William Morgan Bible 1588 original edition bible

Ezeciel 23

¹Gau-dduwieth Samaria yr hon a elwir ymma Aholah, ac Ierusalem yr hon a elwir ymma Aholibah: ai cospedigaeth hwynt hefyd. Yna y daeth gair yr Arglwydd attaf gan ddywedyd:

²Ha fab dŷn, dwy wraig oeddynt yn ferched i’r vn fam:

³A phutteiniasant yn yr Aipht, yn eu hieuiengtid y putteiniasant, yno y llethasant eu bronnau, ac yno yr yssigasant dethau eu morwyndod.

⁴Ai henwau hwynt [oedd] Aholah yr hynaf, ac Aholibah ei chwaer, oeddynt hefyd eiddo fi, a phlantasant feibion, a merched: ac [am] eu henwau, Samaria [oedd] Aholah, ac Ierusalem [oedd] Aholibath.

⁵Ac Aholah a butteiniodd pan oedd eiddo fi ac a ymordderchodd ai chariadau, [sef] a’r cymmydogion yr Assyriaid:

⁶Y rhai a wiscasid â sidan glâs, yn ddugiaid, ac yn dywysogion, o wŷr, ieuaingc dymunol hwynt oll: yn farchogion yn marchogaeth meirch.

⁷A hi a osododd ei phutteindra arnynt hwy o ddewis meibion Assur oll, a chyd a’r rhai oll yr ymordderchodd, yr ymhalogodd wrth eu holl eulynnod.

⁸Etto ni adawodd ei phutteindra [yr hwn a ddyscase hi] gan yr Aiphtiaid: canys gorweddasent gyd â hi yn eu hieuengtid, a hwynt a yssigasent dethau ei morwyndod: ac a dywalltasent eu putteindra arni.

⁹Am hynny y rhoddais hi yn llaw ei chariadau, [sef]yn llaw meibion Assur y rhai yr ymordderchodd hi â hwynt.

¹⁰Yr rhai hynny a ddatcuddiasant ei noethni hi, ac a gymmerasant ei meibion, ai merched, ac ai lladdasant hithe a’r cleddyf, fel yr oedd yn enwoc i wragedd, pan wnaethant farn arni.

¹¹Pan welodd ei chwaer Aholibah, hithe a lygrodd ei gordderchiad yn fwy nâ hi: ai phutteindra yn fwy-nâ phutteindra ei chwaer.

¹²Ymordderchodd â meibion Assur, y dugiaid a’r tywysogion o gymmydogion wedi eu gwisco yn gwbl, yn farchogion yn marchogaeth meirch, yn wŷr ieuaingc dymunol hwynt oll.

¹³Yna y gwelais ei halogi hi: [a bod] vn ffordd ganddynt ill dwy.

¹⁴Ond hi a chwanegodd ar ei phutteindra, ac a welodd wŷr wedi ei llunio ar y pared: [sef] delwau y Caldeaid wedi eu llunio â fermilon,

¹⁵Wedi eu gwregysu â gwregys am eu lwyni hwynt, [a] gwascar-wisc liwiedic am eu pennau (o ddrych tywysogion hwynt oll, o ddull meibion Babilon yn Caldea, yn nhir eu ganedigaeth)

¹⁶Hi a ymordderchodd â hwynt pan eu gwelodd, ac a anfonodd gennadau attynt i Caldea.

¹⁷A meibion Babilon a ddaethant atti i wely serchawgrwydd, ac ai halogasant hi ai putteindra, a phan ymhalogodd wrthynt, llaesodd ei meddwl oddi wrthynt.

¹⁸Felly y datcuddiodd ei phutteindra, ac y datcuddiodd ei noethni, a llaesodd fy meddwl oddi wrthi, fel y llaesase fy meddwl oddi wrth ei chwaer hi.

¹⁹Hi hefyd a chwanegodd ei phutteindra, gan gofio dyddiau ei hieuengtid [yn] y rhai y putteiniodd hi yn nhir yr Aipht,

²⁰Ac yr ymordderchodd ai gordderch-wŷr, y rhai [yr oedd] eu cnawd [fel] cnawd assynnod, ai diferlif [fel] ddiferlif meirch.

²¹Felly y cofiaist scelerder dy ieuengtid, pan yssigodd dy dethau gan yr Aiphtiaid, am fronnau dy ieuengtid.

²²Am hynny Aholibah, fel hyn y dywed yr Arglwydd Dduw, wele fi yn cyffroi dy gariadau i’th erbyn y rhai y llaesodd dy feddwl oddi wrthynt, îe dygaf hwynt i’th erbyn o amgylch,

²³Meibion Babilon, a’r holl Galdeaid, swyddogion, cyfoethogion, a chedyrn, holl feibion Assur gyd â hwynt, yn wyr ieuaingc dymunol, yn ddugiaid, a thywysogion: hwynt oll yn bennaethiaid ac yn enwoc, yn marchogeth meirch bawb oll.

²⁴A deuant i’th erbyn â menni, cerbydau, ac olwynion, ac â thryfa o bobl, gosodant i’th erbyn oddi amgylch astalch, a tharian a helm: a rhoddaf oi blaen hwynt farnedigaeth, fel y barnant di ai barnedigaethau eu hun.

²⁵Canys rhoddaf fy llid arnat, fel yr yssigant di mewn llidiawgrwydd, dy drwyn, a’th glustiau a dorrant, a’th gwrr ôl a syrth ar y cleddyf: hwynt a ddaliant dy feibion a’th ferched, a’th gwrr ôl a yssir gan dân.

²⁶Dioscant hefyd dy ddillad, a dygant dy ddodrefn hyfryd.

²⁷Felly y gwnaf i’th scelerder, a’th butteindra o dir yr Aipht beidio â thi: fel na chodech dy lygaid attynt, ac na chofiech yr Aiphtiaid mwy.

²⁸Canys fel hyn y dywed yr Arglwydd Dduw, wele fi yn dy roddi yn llaw y rhai a gasaodd [dy galon,] yn llaw y rhai y llaesodd dy feddwl oddi wrthynt.

²⁹A gwnant â thi yn atcas, canys cymmerant dy holl lafur, a gadawant di yn llom, ac yn noeth? a datcuddir noethni dy butteindra: îe dy scelerder, a’th butteindra.

³⁰Mi a wnaf hynny i ti, am butteinio o honot ar ôl y cenhedloedd, am dy halogi gyd ai heulynnod hwynt:

³¹Am rodio o honot yn ffordd dy chwaer, y rhoddaf inne ei chwppan hi yn dy law di.

³²Fel hyn y dywed yr Arglwydd Dduw, dwfn, a helaeth gwppan dy chwaer a ŷfi, ti a fyddit i’th watwar, ac i’th ddremygu o herwydd bôd llawer yn genni ynddo.

³³Ti a lenwir â meddwdod, ac â gofid: o gwppan difwyniad, ac anrhaith, [sef] o gwppan dy chwaer Samaria.

³⁴Canys ti a y fi, ac a sugni o honaw, drylli hefyd ei flisc, a diwreiddi dy fronnau dy hun: canys myfi a leferais, modd yr Arglwydd Dduw.

³⁵Am hynny fel hyn y dywed yr Arglwydd Dduw: o herwydd fy anghofio o honot, a’m bwrw o honot tu ôl dy gefn: am hynny dwg dithe dy scelerder, a’th butteindra.

³⁶Dywedodd yr Arglwydd hefyd wrthif: a ferni di fab dŷn Aholah, ac Aholibah? ac a fynegi di iddynt eu ffieidd-dra?

³⁷Canys torrasant briodas, a gwaed [sydd] yn eu dwylo hwynt, îe gyd ai heulynnod y putteiniasant, eu meibion hefyd y rhai a blantâsant i mi, a dynnasant drwy [dân] iddynt * yn fwyd.

³⁸Gwnaethant hyn ychwaneg i’m herbyn, fyng-hyssegr a aflanhasant yn y dydd hwnnw a’m Sabbothau a hologasant.

³⁹Canys pan laddasant eu meibion iw heulynnod, yna y daethant i’m cyssegr yn y dydd hwnnw iw halogi, ac wele fel hyn y gwnaethant o fewn fy nhŷ.

⁴⁰A pha feint fwy gan anfon o honynt at wyr yn dyfod o bell, y rhai yr anfonwyd cennad attynt, ac wele daethant: er mwyn pa rai yr ymolchaist, y lliwiaist dy lygaid, ac yr ymherddaist â harddwch.

⁴¹Eisteddaist hefyd ar wely anrhydeddus a bord drefnus oi flaen, a gosodaist arno fy arogl-darth a’m holew,

⁴²A llais tyrfa heddycholl wrthi, ac at wŷr lawer y dygwyd y Sabeaid o’r anialwch, a hwynt a roddasant freichledau am eu dwylo hwynt, a choronau hyfrydwch am eu pennau hwynt.

⁴³Yna y dywedais, am yr hên ei phutteindra, bellach derfydd ei phutteindra, a hithe.

⁴⁴Etto daethant atti fel dyfod at butteinwraig, felly y daethant at Aholah, ac Aholibah gwragedd sceler.

⁴⁵Am hynny y gwŷr cyfiawn hwythau ai barnant hwy â barnedigaeth * putteiniaid, ac â barnedigaeth rhai yn tywallt gwaed: canys putteinio y maent, a gwaed [sydd] yn eu dwylo hwynt.

⁴⁶Am hynny fel hyn y dywed yr Arglwydd Dduw, dygaf i fynu dyrfa yn eu herbyn hwynt, a rhoddaf hwynt yn gyffro, ac yn anrhaith.

⁴⁷A’r dyrfa ai llabyddiant hwynt â meini, ac ai torrant hwynt ai cleddyfau: eu meibion ai merched a laddant, ai tai a loscant â thân.

⁴⁸Yna y gwnaf inne i scelerder beidio a’r wlâd, ac y dyscir yr holl wragedd na wnelant yn ôl eith scelerder chwi.

⁴⁹Pan roddant eich scelerder i’ch erbyn, a dwyn o honoch bechodau eich eulynnod, yna y cewch ŵybod mai myfi [ydwyf] yr Arglwydd Dduw.