Read William Morgan Bible 1588 original edition Ezeciel 24 Bible Online

Ezeciel 24 - William Morgan Bible 1588 original edition bible

Ezeciel 24

¹Y crochan berwedic yn arwyddocau llosciaid Ierusalem. 16 Ammynedd Ezeciel am farwolaeth ei wraig yn arwyddocau y rhyw fath adfyd i’r bobl: fel na alarent am eu meirw. Yn y nawfed flwyddyn, yn y decfed mîs, ar y decfed [dydd] o’r ni’s y daeth gair yr Arglwydd attaf gan ddywedyd,

²Scrifenna it henw y dydd hwn (fab dŷn) îe corph y dydd hwn: nessaodd brenin Babilon yn erbyn Ierusalem o fewn corph y dydd hwn.

³A dihareba ddihared am y tŷ gwrthryfelgar, a dywet wrthynt: fel hyn y dywedodd yr Arglwydd Dduw, gosot y crochan, gosot, a thywallt hefyd ddwfr ynddo.

⁴Cascl ei ddrylliau iddo, pob dryll têg, y morddwyd a’r yscwyddoc, llanw [ef,] â dewis escyrn.

⁵Cymmer ddewys o’r praidd, a chynneu yr escyrn tano, a berw ef yn ferwedic, îe berwed ei escyrn oi fewn.

⁶Am hynny yr Arglwydd Dduw a ddywedodd fel hyn, gwae ddinas y gwaed, y crochan, yr hwn [y mae] scumm ynddo, ac nid aeth ei scumm allan o honaw, tynn ef allan bôb yn ddryll: na syrthied coel-bren arno.

⁷O herwydd ei gwaed sydd yn ei chanol, a’r grîb y graig y gosododd ef, ni’s tywalltodd ar y ddaiar, i fwrw arno lwch.

⁸I beri i lid godi, ac i wneuthur dial, rhoddais ei gwaed hi ar grîb craig, rhag ei guddio.

⁹Am hynny fel hyn y dywed yr Arglwydd Dduw, gwae ddinas y gwaed, minne a wnaf ei thân yn fawr.

¹⁰Gan amlhau y coed, gan gynneu yr tân, gan ddifa y cîg, a choginiaethu coginiaeth, fel y llosco yr escyrn.

¹¹A chan ei roddi i sefyll ar ei farwar yn wâg fel y twymno, ac y llosco ei brês, ac y toddo ei aflendid ynddo: ac y darfyddo ei scumm.

¹²Blinodd â chelwyddau, ac nid aeth ei scumm lawer allan o honi; yn tân [y bwrir] ei scumm hi.

¹³Yn dy aflendid [y mae] screlerder, o herwydd glanhau o honof di, ac nid wyt lân o’th aflendid: ni’th lanheuir mwy, hyd oni lonyddwyf fy llîd wrthit.

¹⁴Myfi yr Arglwydd a lleferais, dâw, a gwnaf, ni pheidiaf, ac nid arbedaf, ac nid edifarhaf, yn ôl dy ffyrdd a’th weithredoedd y barnant di, medd yr Arglwydd Dduw.

¹⁵A gair yr Arglwydd a ddaeth attaf gan ddywedyd:

¹⁶Wele fab dŷn fi yn cymmeryd oddi wrthit ddymmiant dy lygaid, mewn plâ, etto nac alara, ac nac ŵyla, ac na ddeued dy ddagreu.

¹⁷Taw a llefain, na na wna farw-nâd, rhwym dy gap am dy [ben] a gosot dy escidiau am dy draed, ac na chae ar [dy] enau, na fwytta ychwaith fara dynnion [yn alarus.]

¹⁸Felly y lleferais wrth y bobl y boreu, a bu farw fyng-wraig yn yr hŵyr, a gwneuthum drannoeth fel y gorchymynasid i mi.

¹⁹Yna y bobl a ddywedasant wrthif fi, oni fynegi i ni beth [’a arwyddocca] hynny i ni, gan it wneuthur [felly?]

²⁰Yna y dywedais wrthynt: gair yr Arglwydd a ddaeth attaf gan ddywedyd.

²¹Dywet wrth dŷ Israel, fel hyn y dywed yr Arglwydd Dduw. wele fi yn halogi fyng-hyssegr, rhagoriaeth eich nerth chwi, dymuniant eith llygaid chwi, ac annwyldra eich enaid: eich meibion, a’ch merched, y rhai a adawsoch a syrthiant ar y cleddyf.

²²O nid fel y gwneuthum i y gwnewch, ni chaewch ar eich geneuau, ac ni fwyttewch fara nêb [yn alarus.]

²³[Byddwch] a’ch cappiau am eich pennau, ’ch escidiau am eich traed: ni alerwch, ac nid ŵylwch, onid yn eich anwiredd y toddwch: ac ymdosturiwch bôb vn wrth ei gilydd.

²⁴Felly y mae Ezeciel yn arwydd i chwi, yn ôl yr hyn oll a wnaeth efe y gwnewch pan ddelo hyn, fel y gŵypoch mai myfi [ydwyf] yr Arglwydd Dduw.

²⁵Tithe fab dŷn onid yn y dydd y cymmeraf oddi wrthynt [sef] eu llawenydd hyfryd, dymuniant eu llygaid, ac annwyldra eu henaid, [sef] eu meibion, ai merched,

²⁶Y dydd hwnnw y daw yr hwn a ddiango attat â chwedl newydd.

²⁷Yn y dydd hwnnw yr agorir dy safn wrth yr hwn a ddiango, lleferi hefyd, ac ni byddi fûd mwy: felly y byddi iddynt yn arwydd, fel y gŵypont, mai myfi [ydwyf] yr Arglwydd.