Read William Morgan Bible 1588 original edition Ezeciel 27 Bible Online

Ezeciel 27 - William Morgan Bible 1588 original edition bible

Ezeciel 27

¹Pa ddinistr fydde i Tyrus, a pha ogonniant oedd iddi o’r blaen. Gair yr Arglwydd a ddaeth attaf trachefn gan ddywedyd:

²Tithe fab dŷn cyfot alar-nad am Tyrus,

³A dywet wrth Tyrus yr hon sydd yn trigo wrth borthfeudd y môr, marchnadyddes y bobloedd mewn ynysoedd lawer, fel hyn y dywed yr Arglwydd Dduw: Tyrus ti a ddywedaist, myfi ydwyf berffaith o degwch,

⁴Dy derfynau [ydynt] yng-halon y môr, dy adailadwŷr a berffeithiasant dy degwch.

⁵A dailadâsant dy holl ystyllod o ffynnidwŷdd allan o Senir, cymmerasant cedr-wŷdd o Libanus i wneuthur hwyl-bren ynot.

⁶Gweithiâsant rwyfau o dderw o Basan: gwnaethant dy feingciau [o] Ifori pûr o ynysoedd Cittim.

⁷Lliain main o’r Aipht o symmud-liw oedd dy danfa i fod yn hwyl it: sidan glâs, a phorphor o ynysoedd Elisah oedd dy dô.

⁸Trigolion Sidon, ac Arfad oeddynt dy rwyf-wŷr: dy ddoethion di Tyrus oeddynt o’th fewn, hwynt [oeddynt] dy lywodraeth-wŷr.

⁹Henuriaid Gebal, ai doethion deddynt ynot yn cadarnhau dy rwygiadau, holl longau y môr, ai llong-wŷr oeddynt ynot ti yn marchnatta dy farchnad.

¹⁰Y Persiaid, a’r Lydiaid, a’r Phutiaid oeddynt dy ryfelwŷr yn dy luoedd: tarian â helm a grogâsant ynot, hwynt a roddasant it harddwch.

¹¹Meibion Arfad oeddynt gyd âth luoedd ar dy gaerau oddi amgylch, a’r Gammadiaid, ar dy dŷrau: crogasant eu tariannau ar dy garrau oddi amgylch, hwynt a berffeithiasant dy degwch.

¹²Tharsis [ydoedd] dy farchnadyddes o amldra pob golud, am arian, haiarn, alcam, a phlwm y marchnattasant [yn] dy ffeiriau.

¹³Iafan, Tubal, a Mesech hwyntau [oeddynt] dy farchnadyddion, marchnattasant [yn] dy farchnad am ddynion, a llestri prês.

¹⁴[Y rhai] o dŷ Togarma, a farchnattasant [yn] dy ffeiriau feirch a malchogion a mûlod.

¹⁵Meibion Dedan dy farchnadwŷr [ac] ynysoedd lawer [am] farchnadoedd dy law a dalasant gynt, Ifori, ac Hebenus yn werth it.

¹⁶Aram [oedd] dy farchnadudd, o amlder dy weithredoedd, am Garbuncul, porphor, a gwaith, edef a nodwydd, a lliam mein-llin, a chwrel, a gemmau y marchanattasant [yn] dy ffeiriau.

¹⁷Iuda, a thir Israel, hwythau [oeddynt] dy farchnadyddion: marchnattasant [yn] dy farchnat, am wenith Minith, a Phanag, a mel, ac olew, a thriacl.

¹⁸Damascus oedd dy farchnadudd, am amlder dy waith o liaws pob golud, am wîn Helbon, a gwlân gwynn.

¹⁹Dan hefyd, ac Iafan yn cyrwydro yn dy farchnadoedd, a farchnatasant am haiarn wedi ei weithio: yr oedd yn dy farchnad y Cassia, a’r Calamus.

²⁰Dedan oedd dy farchnadudd mewn gwiscoedd gwerth-fawr am gerbydau.

²¹Yr Arabiaid, a holl dywysogion Cedar [oeddynt] hwythau farchnadyddion dy law, am ŵyn, hyrddod, a bŷchod, o’r rhai hynny [yr oedd] dy farchnadyddion.

²²Marchnadyddion Seba, a Rama, hwythau [oeddynt] dy farchnadyddion: marchnattasant [yn] dy ffeiriau, am bod pryf bêr-aroglau, ac am bob maen gwerth-fawr, ac aur.

²³Haran, a Channe, at Eden, marchnadyddion Seba, a Syria, a Chelmad [oeddynt] yn marchnatta [â] thi.

²⁴Dymma dy farchnadyddion, am bethau perffaith, am wiscoedd o sidan glâs, a gwaith edef a nodwydd, ac am gistiau gwiscoedd gwerth-fawr, wedi eu rhwymo â rhaffau: ai gweithio â chedr-wŷdd yng-hylch dy farchnadaeth.

²⁵Llongau Tharsis oeddynt bennaf yn dy farchnad, felly i’th lannwyd, ac y crwnheaist yn odieth yng-hanol y môr.

²⁶Y rhai a’th rwyfâsant, a’th ddugasant i ddyfroedd lawer: gwynt y dwyrain a’th ddrylliodd yng-hanol y môr.

²⁷Dy olud, a’th ffeiriau, dy farchnadaeth, dy for-wŷr, a’th feistred llongau, cadarnhauwyr dy rwygiadau, a marchnadwyr dy farchnad, a’th ryfel-wyr oll, y rhai [ydynt] ynot, a’th holl gynnulleidfa, yr hon [sydd] yn dy ganol di, a syrthiant yng-hanol y môr ar ddydd dy gwymp di.

²⁸Wrth lêf gwaedd dy feistred llongau, y tonnau a gyffroant.

²⁹Yna pob rhwyf-wr, y mor-wŷr, holl lywyddion y moroedd a ddescynnant oi llongau, [ac] ar y tîr y safant.

³⁰Llefant hefyd am danat, a gwaeddant yn chwerw, a chodant lŵch ar eu pennau, ac ymlutrodant mewn lludw.

³¹Moelant hefyd foelni am danat, ac ymwregysant â sach-liain, ŵylant hefyd am danat chwerw alar mewn chwerw feddwl.

³²A chodant am danat ti alar-nad yn eu cwynfan, a galarant am danat [gan ddywedyd:] pwy [oedd] fel Tyrus, fel yr hon a dorrwyd yng-hanol y môr?

³³Pan ddele dy ffeiriau o’r moroedd, diwallaist bobloedd lawer: ag amlder dy olud, a’th farchnadoedd y cyfoethogaist frenhinoedd y ddaiar.

³⁴Y pryd i’th dorrwyd gan y môr i ddyfnderau y dyfroedd, dy farchnad, a’th holl gynnulleidfa a syrthiasant yn dy ganol.

³⁵Holl bresswyl-wŷr yr ynysoedd, a ryfeddasant am danat, ai brenhinoedd a ddychrynasant ddychryn: [ac] a grynasant wynebau.

³⁶Y marchnadyddion ym mysc y bobloedd a chwibanasant am danat, dychryn ydwyt: canys ni [byddi] bŷth.