Read William Morgan Bible 1588 original edition Ezeciel 29 Bible Online

Ezeciel 29 - William Morgan Bible 1588 original edition bible

Ezeciel 29

¹Prophwydoliaeth yn erbyn yr Aipht. 13 Amser ei hymwared hi. 20 Nabuchodonosor yn cael yr Aipht yn wobr am ei waith yn cospi Tyrus. Yn y decfed [mîs] o’r ddecfed flwyddynar y deuddecfed [dydd] o’r mîs, y daeth gair yr Arglwydd attaf gan ddywedyd:

²Gosot fab dŷn dy wyneb yn erbyn Pharao brenin yr Aipht, a phrophwyda yn ei erbyn ef, ac yn erbyn yr Aipht oll.

³Llefara, a dywet, fel hyn y dywed yr Arglwydd Dduw: wele fi i’th erbyn Pharao brenin yr Aipht, y morfil mawr, yr hwn sydd yn gorwedd yng-hanol ei afonydd, yr hwn a ddywedodd, eiddo fi fy afon, canys mi [ai] gwneuthum i mi.

⁴Eithr gosodaf fachau yn dy fochgernau, a gwnaf i byscod dy afonydd lynu yn dy emmau, a chodaf di o ganol dy afonydd, îe holl bysc dy afonydd a lynant yn dy emmau.

⁵A gadawaf di yn yr anialwch, ti a holl byscod dy afonydd, syrthi ar wyneb y maes, ni’th gesclir, ac ni’th gynhullir: i fwyst-filod y maes, ac i ehediaid y nefoedd i’th roddais yn ymborth.

⁶Yna holl drigolion yr Aipht a gaffant ŵybod mai myfi [ydwyf] yr Arglwydd: am eu bod hwynt yn ffon gorsen i dŷ Israel.

⁷Pan ymaflant ynot â llaw, drylli di, a rhwygi iddynt hwythau bob yscwydd: a phan bwysant arnat, torri, er siccrhau o honot iddynt [dy] holl nerth.

⁸Am hynny fel hyn y dywed yr Arglwydd Dduw: wele fi yn dwyn arnat gleddyf, a thorraf ymmaith o honot ddyn, ac anifail.

⁹Yna y bydd tîr yr Aipht yn ddinistr, ac yn anrhaith, a chânt ŵybod mai myfi [ydwyf] yr Arglwydd: am ddywedyd, eiddo fi yr afon, at myfi ai gwneutham.

¹⁰Am hynny wele fi attat, ac at dy afonydd, a gosodaf dir yr Aipht yn ddiffaethwch anrhaithiedic [ac] yn ang-hyfannedd: o dŵr Sefeneh, hyd yn nherfyn Ethiopia.

¹¹Ni chynniwer troed dŷn trwyddi, ac ni chynniwer troed anifail trwyddi, at ni’s cyfanneddir ddeugain mhlynedd.

¹²Canys rhoddaf dîr yr Aipht yn ang-hyfannedd yng-hanol tiroedd ang-hyfanneddol, ai dinasoedd fyddant yn ang-hyfannedd ddeugain mlhynedd yng-hanol dinasoedd anrhaithiedic: pan wascarwyf yr Aiphtiaid ym mysc y cenhedloedd, a phan danwyf hwynt ar hyd y gwledydd.

¹³Canys fel hyn y dywed yr Arglwydd Dduw, ym mhen neugain mhlynedd y casclaf yr Aiphtiaid o fysc y bobloedd, y rhai y gwascarwyd hwynt attynt.

¹⁴A dychwelaf gaethiwed yr Aipht, îe dychwelaf hwynt i nir Pathros, i dîr eu presswylfa: ac yno y byddant yn frenhiniaeth issel.

¹⁵Issaf fydd o’r brenhiniaethau, ac nid ymdderchyf mwy ar y cenhedloedd, canys lleihâf hwynt rhag arglwyddiaethu ar y cenhedloedd.

¹⁶Ac ni bydd hi mwy i dŷ Israel yn ddiogelwch yn coffau anwiredd, pan droant hwy ar eu hôl hwythau: eithr cânt ŵybod mai myfi [ydwyf] yr Arglwydd Dduw.

¹⁷Yn y [mis] cyntaf, o’r seithfed flwyddyn ar hugain, ar y [dydd] cyntaf o’r mis y daeth gair yr Arglwydd attaf gan ddywedyd:

¹⁸Ha fab dŷn, Nabuchodonosor brenin Babilon a gynniwerodd ai lu mewn gwasanaeth mawr yn erbyn Tyrus: pob pen a foelwyd, a phob yscwydd a ddinoethwyd, ond nid oedd gan Dyrus gyflog iddo ef, ac iw lu, am y gwasanaeth yr hwn a wasanaethodd efe yn ei herbyn, hi.

¹⁹Am hynny fel hyn y dywed yr Arglwydd Dduw: wele fi yn rhoddi tir yr Aipht i Nabuchodonosor brenin Babilon, ac efe a gymmer ei gweryn hi, ac a yspeilia ei hyspail hi, ac a ysclyfaetha ei ysclyfaeth hi, fel y byddo yn gyflog iw lû.

²⁰[Am] ei waith yr hwn a wasanaethodd efe ynddi, y rhoddais iddo dîr yr Aipht, o herwydd i mi y gweithiasant medd yr Arglwydd Dduw.

²¹Yn y dydd hwnnw y gwnaf i gorn tŷ Israel flaguro, a rhoddaf i tithe hyfder ymadrodd: fel y gŵypont mai myfi [ydwyf] yr Arglwydd.