Read William Morgan Bible 1588 original edition Ezeciel 30 Bible Online

Ezeciel 30 - William Morgan Bible 1588 original edition bible

Ezeciel 30

¹Galar-nad am ddinistr yr Aipht ai dinasoedd. A Gair yr Arglwydd a ddaeth attaf gan ddywedyd:

²Prophwyda fab dŷn a dywet, fel hyn y dywed yr Arglwydd Dduw: vdwch ôch rhac heddyw.

³Canys agos dydd, îe agos dydd yr Arglwydd: dydd cwmyloc, amser y cenhedloedd fydd efe.

⁴A’r cleddyf a ddaw i’r Aipht, a bydd gofid yn Ethiopia, pan syrthio yr archolledic yn yr Aipht, a chymmeryd o honynt ei gweryn hi, a dinistrio ei seiliau.

⁵Ethiopia, a Libia, a Lidia, ai gweryn oll, Chub hefyd, a meibion tir y cyfammod a syrthiant gydâ hwynt ar y cleddyf.

⁶Fel hyn y dywed yr Arglwydd, attegion yr Aipht a syrthiant hefyd: a balchder ei nerth hi a ddescyn. syrthiant ynddi at y cleddyf o dŵr Sefeneh, medd yr Arglwydd Dduw.

⁷A hwynt a wneir yn anghyfannedd ym mhlith gwledydd anghyfanneddol, ai dinasoedd fyddant yng-hanol dinnasoedd anrhaithiedic.

⁸A chânt ŵybod mai myfi [ydwyf] yr Arglwydd, pan roddwyf dân yn yr Aipht, ac y torrer eu holl gymmorth hwynt.

⁹A’r dydd hwnnw cennadau a ânt allan o’m blaen mewn llongau i ddychrynu Ethiopia ddiofal, yna y bydd gofid arnynt fel [yn] nhir yr Aipht: canys wele ef yn dyfod.

¹⁰Fel hyn y dywed yr Arglwydd Dduw, yna y gwnaf i weryn yr Aipht ddarfod trwy law Nabuchodonosor brenin Babilon.

¹¹Efe ai bobl gyd ag ef, [sef] cedyrn y cenhedloedd a ddugwyd i ddifetha’r tîr: am hynny tynnasant eu cleddyfau ar yr Aipht, a llanwasant y wlâd â chelanedd.

¹²Rhoddaf hefyd yr afonydd yn sychder, a gwerthaf y wlâd i law rhai drygionus, îe dinistriaf y wlad ai chyflawnder trwy law dieithriaid: myfi’r Arglwydd [ai] dywedodd.

¹³Fel hyn y dywed yr Arglwydd Dduw, yna y difethaf y delwau, a gwnaf i’r eulynnod ddarfod o Noph, ac ni bydd tywysog mwyach o dîr yr Aipht: eithr ofn a roddaf ar dîr yr Aipht.

¹⁴Pathros hefyd a ddinistriaf, a rhoddaf dân yn Zoan: a gwnaf farnedigaethau yn No.

¹⁵A thywalltaf fy llid ar Sin, cryfder yr Aipht: ac mi a dorraf ymmaith weryn No.

¹⁶Pan roddwyf dân yn yr Aipht, gan ofidio y gofidia Sin, a No fydd iw rhwygo, felly Noph [gan] elynnion beunyddol.

¹⁷Gwyr ieuaingc Afen, a Phibeseth a syrthiant ar y cleddyf, ac wele mewn caethiwed yr ânt hwythau.

¹⁸Ac ar Tehaphnehes y tywylla y diwrnod, pan dorrwyf yno drossolion yr Aipht: a balchder ei chryfder a dderfydd ynddi: cwmwl ai cuddia hi, ai merched a ânt mewn catthiwed.

¹⁹Felly y gwnaf farnedigaethau ar yr Aipht, fel y gwypont mai myfi [ydwyf] yr Arglwydd.

²⁰Ac yn y [mîs] cyntaf o’r vnfed flwyddyn ar ddêc, ar y seithfed [dydd] o’r mîs, y daeth gair yr Arglwydd attaf gan ddywedyd:

²¹Ha fâb dŷn, drylliais fraich Pharao brenin yr Aipht: ac wele ni’s rhwymir, i roddi meddiginniaethau [wrtho,] gan osod rhwymyn i rwymo, er ei gryfhau i ymaflyd mewn cleddyf.

²²Am hynny fel hyn y dywed yr Arglwydd Dduw, wele fi yn erbyn Pharao brenin yr Aipht, ac mi a dorraf ei fraich ef, yr hwn oedd gryf, ac y sydd ddrylliedic, ac a wnaf i’r cleddyf syrthio oi law ef.

²³Yna y gwascaraf yr Aiphtiaid ym mysc y cenhedloedd, ac mi ai tânaf hwynt at hyn y gwledydd.

²⁴Ac mi a gadarnhaf freichiau brenin Babilon, a rhoddaf fyng-hleddyf yn ei law ef: a thorraf freichiau Pharao, fel y llefo â llef vn archolledic oi flaen ef.

²⁵Ie cadarnhaf freichiau brenin Babilon, a breichiau Pharao a syrthiant, fel y gwypont mai myfi [ydwyf] yr Arglwydd, wedi i mi roddi fyng-hleddyf yn llaw brenin Babilon, ac iddo yntef ei estyn ef ar wlâd yr Aipht.

²⁶Felly y gwascaraf yr Aiphtiaid ym mysc y cenhedloedd, ac y tanaf hwynt ar hŷd y gwledydd: fel y gwypont mai myfi [ydwyf] yr Arglwydd.