Read William Morgan Bible 1588 original edition Ezeciel 32 Bible Online

Ezeciel 32 - William Morgan Bible 1588 original edition bible

Ezeciel 32

¹Galar-nad y prohwyd am ddifetha Pharao. 11 Pwy ai difethe ef. Ac yn y deuddecfed mîs o’r ddeuddecfed flwyddyn, ar y [dydd] cyntaf o’r mîs y daeth gair yr Arglwydd attaf: gan ddywedyd,

²Ha fab dŷn cyfot alar-nad am Pharao brenin yr Aipht, a dywet wrtho: tebygaist i lew y cenhedloedd, ac yr [ydwyt] ti fel morfarch yn y moroedd: canys dygaist allan dy afonydd, cythryblaist hefyd y dyfroedd a’th draed, a methraist eu hafonydd hwynt.

³Fel hyn y dywed yr Arglwydd Dduw minne a dânaf fy rhwyd arnat mewn cynnulleidfa pobloedd lawer: fel i’th godant yn fy rhwyd mau fi.

⁴Gadawaf di hefyd ar y tîr, paraf dy daflu ar wyneb y maes, a gwnaf i holl ehediaid y nefoedd drigo arnat ti: îe o honot ti y diwallaf fwyst-filod yr holl dîr.

⁵Rhoddaf hefyd dy gîg ar y mynyddoed, a llanwaf y dyffrynnoedd a’th vchder di.

⁶Mwydaf hefyd dy dir llaith a’th waed hŷd y mynyddoedd, fel y llanwer yr afonydd o honot.

⁷Ie cuddiaf y nefoedd wrth dy ddiffoddi, a thywyllaf ei sêr hwynt, yr haul a guddiaf â chwmwl, a’r lleuad ni wna iw goleuni oleuo.

⁸Tywyllaf arnat holl lewyrch goleuni yn y nefoedd: a rhoddaf dywyllwch ar dy dîr medd yr Arglwydd Dduw.

⁹A digiaf galon pobloedd lawer, pan ddygwyf dy ddinistr ym mysc y cenhedloedd i diroedd y rhai nid adwaenost.

¹⁰A gwnaf i bobloedd lawer ryfeddu wrthit, ai brenhinoedd a ofnant yn fawr o’th blegit, pan wnelwyf i’m cleddyf ddiscleirio yn erbyn eu hwynebau hwynt, îe dychrynant yn ddisymmwth bob vn am ei enioes yn nydd dy gwymp.

¹¹Canys fel hyn y dywed yr Arglwydd Dduw, cleddyf brenin Babilon a ddaw arnat.

¹²A chleddyfau y rhai cedyrn y cwympaf dy weryn, [byddant] hwy oll yn gedyrn y cenhedloedd, a hwy a ddinistriant falchder yr Aipht: fel yr anrheithier ei holl weryn hi.

¹³Difethaf hefyd ei holl anifeiliaid hi oddi wrth ddyfroedd lawer, fel na sathro troed dyn hwynt mwy, ac na sathro carnau anifeiliaid hwynt.

¹⁴Yna y soddaf eu dyfroedd hwynt, ai hafonydd a yrraf fel olew, medd yr Arglwydd Dduw.

¹⁵Pan roddwyf dîr yr Aipht yn anrhaith, ac anrheithio’r wlad oi llawnder, pan darawyf y rhai oll a bresswyliant ynddi, yna y cânt ŵybod mai myfi [ydwyf] yr Arglwydd.

¹⁶Dymma alar-nad, galerwch chwithau [am dani] hi, merched y cenhedloedd a alarant [am dani] hi: galarant [am dani] hi [sef] am yr Aipht, ac am ei gweryn oll, medd yr Arglwydd Dduw.

¹⁷Ac yn y ddeuddecfed flwyddyn, ar y pymthefed [dydd] o’r mîs y daeth gair yr Arglwydd attaf gan ddywedyd,

¹⁸Cŵyna fab dŷn am weryn yr Aipht, a descynn hi, hi a merched y cenhedloedd godidog i’r tîr issaf, gyd a’r rhai a ddescynnant i’r pwll.

¹⁹O bwy’r oeddit hyfryd? descynn a gorwedd gyd a’r rhai dienwaededic.

²⁰Syrthiasant yng-hanol y rhai a laddwyd [a’r] cleddyf: i’r cleddyf y rhoddwyd hi: luscwch hi ai gweryn oll.

²¹Llefared y rhai cryfiawn cedyrn wrthi hi, [ac] wrth ei chynnorthwy-wŷr o ganol vffern: [y rhai] a ddescynnasant, [ac] a orweddasant gyd a’r rhai dienwaededic a laddwyd â chleddyf.

²²Yno [llefared] Assyria ai holl gynnulleidfa ai beddau oi hamgylch hi, y rhai hynny oll a laddwyd, [ac] a syrthiasant drwy gleddyf.

²³Yr hon y rhoddwyd ei beddau yn ystlyssau y pwll, ai chynnulleidfa ydoedd o amgylch ei bedd hi, y rhai hynny oll a laddwyd, [ac] a syrthiasant drwy gleddyf: y rhai a roddasent eu harswyd yn nhîr y rhai byw.

²⁴Yno [llefared] Elam, ai holl weryn o amgylch ei bedd, y rhai hynny oll a laddwyd, [ac] a syrthiasant drwy gleddyf, a ddescynnasant yn ddienwaededic i’r tîr issod, y rhai a roddasent eu harswyd yn nhir y rhai byw: ac a ddugasant eu gwradwydd gyd a’r rhai a ddescynnant i’r pwll.

²⁵Yng-hanol y rhai lladdedic y gosodasant iddi orweddfa ym mysc ei holl weryn, ai beddau oi hamgylch: y rhai hynny oll yn ddienwaededic a laddwyd â chleddyf, am roddi eu harswyd yn nhîr y rhai byw: a dwyn o honynt eu gwradwydd gyd a’r rhai a ddescynnent i’r pwll, yng-hanol y lladdedigion y rhoddwyd [hwynt.]

²⁶Yno [llefared] Mesech, a Thubal ai holl weryn ai beddau oi hamgylch, y rhai hynny oll yn ddienwaededic a laddwyd â chleddyf: am roddi o honynt eu harswyd yn nhir y rhai byw.

²⁷Ac ni orweddant gyd â’r cedyrn a syrthiasant o’r rhai dienwaededic, y rhai a ddescynnasant i vffern mewn arfau rhyfel, a rhoddasant eu cleddyfau tann eu pennau: eithr eu hanwiredd fydd ar eu hescyrn hwy, am [fod] arswyd [eu] cedyrn yn nhîr y rhai byw.

²⁸A thithe a ddryllir ym mysc y rhai dienwaededic, ac a orweddi gyd a’r rhai a laddwyd â chleddyf.

²⁹Yno [llefared] Edom ai brenhinoedd, ai holl dywysogion y rhai a roddwyd yn eu cadernid gyd â’r rhai a lladwyd â chleddyf: hwynt a orweddant gyd a’r rhai dienwaededic, a chyd â’r rhai a ddescynnant i’r pwll.

³⁰Yno [llefared] holl dywysogion y gogledd, a’r holl Sidoniaid y rhai yn eu hofn a ddescynnasant gyd a’r lladdedigion: gan gywilyddio am eu cadernid: gorweddant hefyd yn ddienwaededic gyd a’r rhai a laddwyd â chleddyf, ac a ddygant eu gwradwydd eu hun gyd a’r rhai a ddescynnant i’r pwll.

³¹Pharao ai gwêl hwynt, ac a ymgyssura yn ei holl weryn: lladdedigion cleddyf [fydd] Pharao ai holl wŷr medd yr Arglwydd Dduw.

³²Canys rhoddais fy ofn yn nhir y rhai byw, fel y gwnaethbwyd iddo orwedd yng-hanol y rhai dienwaededic gyd â lladdedigion cleddyf [sef] i Pharao ac iw holl weryn, medd yr Arglwydd Dduw.