Read William Morgan Bible 1588 original edition Ezeciel 36 Bible Online

Ezeciel 36 - William Morgan Bible 1588 original edition bible

Ezeciel 36

¹Addewid o ymwared i Israel oddi wrth y cenhedloedd. 22 Bod ymgeledd Israel o drugaredd Dduw, ac nid oi haeddedigaeth eu hun. Tithe fab dŷn prophwyda wrth fynyddoedd Israel, a dywet: gwrandewch fynyddoedd Israel air yr Arglwydd.

²Fel hyn y Dywed yr Arglwydd Dduw, o herwydd dywedyd o’r gelyn hyn am danoch chwi, a ha, aeth vchelfaon tragywyddol hefyd yn etifeddiaeth i ni.

³Am hynny prophwyda, a dywet, fel hyn y dywedodd yr Arglwydd Dduw: o herwydd eich anrhaithio a’ch llyngcu o amgylch, i fod o honoch yn etifeddiaeth i weddill y cenhedloedd, a myned o honoch yn watwargerdd, ac yn gablaeth pobl:

⁴Am hynny mynyddoedd Israel gwrandewch air yr Arglwydd DDuw, fel hyn y dywed yr Arglwydd Dduw wrth y mynyddoedd, ac wrth y brynnau, wrth yr afonydd, ac wrth y dyffrynnoedd, wrth y diffaethwch anghyfanneddol, ac wrth y dinasoedd gwrthodedic y rhai oeddynt yn yspail, ac yn watwar i’r rhan arall o’r cenhedloedd y rhai [oeddynt] oi hamgylch:

⁵Am hynny fel hyn y dywed yr Arglwydd Dduw, [nid geir-wir fi] onid yng-wrês fyng-wŷn y lleferais wrth y rhan arall o’r cenhedloedd, ac wrth holl Edom: y rhai a roddasant fy nhir mau fi yn etifeddiaeth iddynt eu hun mewn llawenydd pob calon, trwy ddiystyrwch meddwl, am ei gyrru yn yspail.

⁶Am hynny prophwyda am dîr Israel, a dywet wrth y mynyddoedd, ac wrth y brynnau, wrth yr afonydd, ac wrth y dyffrynnoedd, fel hyn y dywed yr Arglwydd Dduw: wele fi yn fyng-wŷn, ac yn fy llid y lleferais, o herwydd dwyn o honoch wradwydd y cenhedloedd,

⁷Am hynny fel hyn y dywed yr Arglwydd Dduw, myfi a dyngais [nad geir-wir fi] oni ddwg y cenhedloedd y rhai ydynt o’ch amgylch chwi eu gwradwydd.

⁸A chwithau mynyddoedd Israel a roddwch eich ceingciau, ac a ddygwch eich ffrwyth i’m pobl Israel: canys agos ydynt ar ddyfod.

⁹Canys wele fi attoch, îe troaf attoch, fel i’ch coledder, ac i’ch hauer.

¹⁰Amlhâf ddynnion ynoch chwi hefyd holl dŷ Israel ei gyd, fel y cyfannedder y dinasoedd, ac yr adailader y diffaethwch.

¹¹Ie amlhâf ynoch ddŷn ac anifail, fel y chwanegant ac y ffrwythant, a gwnaf i chwi bresswylio fel yr oeddech gynt: ie gwnaf well nag [yn] eich dechreuad, fel y gŵypoch mai myfi [ydwyf] yr Arglwydd.

¹²Dygaf hefyd ddynnion arnoch [sef] fy mhobl Israel, canys etifeddant dydi, a byddi yn etifeddiaeth iddynt, ac ni chwanegi eu gwneuthur hwynt yn ymddifaid mwy.

¹³Fel hyn y dywed yr Arglwydd Dduw, o herwydd eu bod yn dywedyd wrthych, ti a fuost yn bwytta dynnion, ac yn gwneuthur dy genedl dy hun yn ymddifad,

¹⁴Am hynny ni fwyttei ddŷn mwy, at ni wnei i’th genedl dy hun syrthio medd yr Arglwydd Dduw:

¹⁵Ac ni adawaf glywed gwradwydd y cenhedloedd ynot ti mwy: ni ddygi ychwaith warth y cenhedloedd mwyach, ac ni wnei mwy i’th genedl dy hun syrthio, medd yr Arglwydd Dduw.

¹⁶Daeth hyfyd gair yr Arglwydd attaf gan ddywedyd.

¹⁷Ha fab dŷn tŷ Israel oeddynt yn trigo yn eu tîr eu hun: ac ai halogasant ef ai ffordd, ac ai gweithredoedd eu hun: eu ffordd hwynt ydoedd o’m blaen i fel aflendid gwraig fis-glwyfus.

¹⁸Yna y tywelltais fy llid arnynt, am y gwaed yr hwn a dywalltâsent ar y ddaiar, ac am eu delwau [drwy’r rhai] yr halogasent hi.

¹⁹Am hynny gwascerais hwynt ym mhlith y cenhedloedd, a chwelais hwynt ar hyd y gwledydd yn ôl eu ffyrdd eu hun, ac yn ôl eu gweirhredoedd eu hun y bernais hwynt.

²⁰Pan ddaethant at y cenhedloedd y rhai yr aethant attynt, yna yr halogasant fy enw sanctaidd, pan ddywedid am danynt: dymma bobl yr Arglwydd, ac oi gwlâd eu hun y daethant.

²¹Er hynny arbedais [hwynt] er mwyn fy enw sanctaidd yr hwn a halogodd tŷ Israel ym mysc y cenhedloedd y rhai yr aethant attynt.

²²Am hynny dywet wrth dŷ Israel, fel hyn y dywed yr Arglwydd Dduw: nid er eich mwyn chwi tŷ Israel yr ydwyf fi yn gwneuthur [hyn,] ond er mwyn fy enw sanctaidd yr hwn a halogasoch chwi ym mysc y cenhedloedd lle yr aethoch.

²³Canys sancteiddiaf fy enw mawr, yr hwn a halogwyd ym mysc y cenhedloedd [(sef] yr hwn a halogasoch chwi yn eu mysc hwynt) fel y gŵypo y cenhedloedd mai myfi [ydwyf] yr arglwydd medd yr Arglwydd Dduw: pan ymsancteiddiwyf ynoch o flaen eich llygaid.

²⁴Ac mi a’ch cymmeraf chwi o fysc y cenhedloedd, ac a’ch casclaf chwi o’r holl wledydd, ac a’ch dygaf i’ch tîr eich hun,

²⁵Ac a daenellaf arnoch ddwfr glân, fel y byddoch lân oddi wrth eich halogedd oll: glanhâf chwi hefyd oddi wrth eich gau-dduwiau oll.

²⁶A rhoddaf i chwi galon newydd, yspryd newydd hefyd a roddaf o’ch mewn chwi, a thynnaf y galon garrec o’ch cnawd chwi, ac mi a roddaf i chwi galon gig.

²⁷Rhoddaf hefyd fy yspryd mau fi o’ch mewn, ac a ŵnaf i chwi rodio yn fy neddfau mau fi, a chadw, a gwneuthur fy marnedigaethau,

²⁸Cewch drigo hefyd yn y tîr yr hwn a roddais i’ch tadau: a byddwch yn bobl i mi, a minne a fyddaf Dduw i chwithau.

²⁹Achubaf chwi hefyd oddi wrth eich holl halogedd, a galwaf am ŷd, ac ai amlhaf, ac ni adawaf arnoch newyn.

³⁰Amlhâf hefyd ffrwyth y coed, a chynnyrch y maes, fel na ddygoch mwy wradwydd newyn ym mysc y cenhedloedd.

³¹Cofiwch hefyd eich ffyrdd drygionus, a’ch gweithredoedd y rhai nid [ydynt] dda, yna y byddwch yn ffiaidd gennych eich hunain am eich anwireddau, ac am eich ffieidd-dra:

³²Byddet hyspys i chwi nad er eich mwyn chwi yr ydwyf fi yn gwneuthur [hyn] medd yr Arglwydd Dduw: tŷ Israel gwridwch, a chywilyddiwch am eich ffordd.

³³Fel hyn y dywed yr Arglwydd Dduw, yn y dydd y glanhauwyf chwi o’ch holl anwireddau, y paraf gyfanneddu dinasoedd, ac yr adailadir yr anghyfannedd-leoedd.

³⁴A’r tîr anrhaithiedic a goleddir, am ei fod yn anrhaith yng-olwg pôb cynniwerudd.

³⁵Yna y dywedant, y tîr anrhaithiedic hwn oedd fel gardd Eden a’r dinasoedd ang-hyfannedd anrhaithiedic a dinistriol, a gyfanneddir yn gaeroc.

³⁶Felly y cenhedloedd y rhai a weddillir o’ch amgylch a gânt ŵybod mai myfi’r Arglwydd a adailedais eich lleoedd dinistriol, [ac] a blennais eich mannau anrhaithiedic: myfi yr Arglwydd a leferais, ac a wneuthum [hyn,]

³⁷Fel hyn y dywed yr Arglwydd Dduw, tŷ Israel a’m caiff fi etto i wneuthur hyn iddynt: amlhâf hwynt fel mintai o ddynnion.

³⁸Fel praidd sanctaidd, fel praidd Ierusalem yn eu tymmorau, felly y dinasoedd ang-hyfannedd fyddant llawn o finteioedd o ddynnion fel y gwypont mai myfi [ydwyf] yr Arglwydd.