Read William Morgan Bible 1588 original edition Ezeciel 38 Bible Online

Ezeciel 38 - William Morgan Bible 1588 original edition bible

Ezeciel 38

¹Prophwydoliaeth am Gog a Magog. A Gair yr Arglwydd a ddaeth attaf, gan ddywedyd:

²Gosot dy wyneb fab dŷn yn erbyn Gog: [a] thîr Magog, pen-tywysog Mesech, a Thubal, a prophwyda yn ei erbyn:

³A dywet, fel hyn y dywedodd yr Arglwydd Dduw, wele fi [yn dyfod] attat ti Gog pen-tywysog Mesech a Thubal,

⁴Dychwelaf di hefyd a rhoddaf fachau yn dy foch-gernau, ac mi a’th ddygaf allan, a’th holl lû: y meirch a’r marchogion wedi eu gwisco hwynt oll â phôb rhyw arfau yn gynnulleidfa fawr, [yn arferu] helmau a thariannau, [ac] hwynt oll yn dwyn cleddyfau.

⁵Y Persiaid, yr Ethiopiaid, a’r Phutiaid gyd â hwynt, a hwynt oll yn dwyn tarian a helm.

⁶Gomer ai holl lu, tŷ Togarma, [perchennog] ystlyssau y gogledd, ai holl lu, [a] phobl lawer gyd â thi.

⁷Ymbarattoa, îe parattoa rhagot, ti a’th holl gynnulleidfa, y rhai a ymgynhullant attat, fel y byddech yn ddiogelfa iddynt.

⁸Wedi dyddiau lawer yr ymwelir â thi, ac yn y blynyddoedd diwethaf y deui i dir wedi dychwelyd oddi wrth y cleddyf, wedi ei gasclu o bobloedd lawer ar fynyddoedd Israel, y rhai fuasent yn ang-hyfannedd bôb amser: îe efe a ddaw allan o’r bobloedd, a hwynt oll â drigant mewn diogelwch.

⁹Dringi hefyd fel temmestl, deui [a] byddi fel cwmwl i guddio’r ddaiar, ti a’th holl lu a phobloedd lawer gydâ thi,

¹⁰Fel hyn y dywed yr Arglwydd Dduw, bydd yn y dydd hwnnw i bethau ddyfod i’th feddwl, fel y meddyliech feddwl drwg.

¹¹A thi a ddywedi, mi a âf i fynu i wlâd maes-drefydd, deuaf at y rhai llonydd, y rhai ydynt yn presswylio yn ddiofal, gan drigo oll mewn trefydd heb gaerau, ac heb drossolion na dorau iddynt:

¹²I yspeilio yspail, i sclyfaethu sclyfaeth, i ddychwelyd dy law ar anghyfannedd [leoedd] y rhai a gyfanneddir [yr awr hon,] ac ac bobl a gasclwyd o’r cenhedloedd y rhai a ddarparasant anifeiliaid, a golud, [ac] ydynt yn trigo yng-hanol y wlâd.

¹³Seba, a Dedan, a marchnadyddion Tharsis hefyd, ai holl lewod a ddywedant wrthit, ai i yspeilio yspail y daethost di, ai i sclyfaethu sclyfaeth y cesclaist y gynnulleidfa, [ai] i ddwyn arian, ac aur, gymmeryd anifeiliaid, a golud, i yspeilio yspail fawr?

¹⁴Am hynny prophwyda fab dŷn, a dywet wrth Gog, fel hyn y dywedodd yr Arglwydd Dduw: oni chei di ŵybod y dydd hwnnw, pan bresswylio fy mhobl Israel yn ddiofal?

¹⁵Ie ti a ddeui o’th fangre dy hun, o ystlysau y gogledd, ti a phobl lawer gyd â thi, hwynt oll a farchogant feirch yn dyrfa fawr, ac yn llu lluosoc.

¹⁶A thi ei i fynu yn erbyn fy mhobl Israel, gan guddio y ddaiar fel cwmwl, yn y dyddiau diwethaf y byddi, a mi a’th ddygaf yn erbyn fy nhîr fy hun, fel yr adwaeno y cenhedloedd fi pan ymsancteiddiwyf ynot ti Gog o flaen eu llygaid hwynt.

¹⁷Fel hyn y dywed yr Arglwydd Dduw, ai tydi yw’r hwn y lleferais [am] dano yn y dyddiau gynt trwy law fyng-weision [sef] prophwydi Israel, y rhai a brophwydasant yr amser hwnnw, am dy ddwyn di yn eu herbyn hwynt?

¹⁸A bydd yn y dydd hwnnw [sef] yn y dydd y delo Gog yn erbyn tîr Israel (medd yr Arglwydd Dduw) i’m llid gyfodi yn fy sorriant.

¹⁹Canys yn fyng-wŷn, [ac] yng-wrês fy nigllonedd y dywedais [nad geirwir fi] oni bydde yn y dydd hwnnw ddychryn mawr ar dîr Israel,

²⁰Fel y dychryane o’m blaen i byscod y môr, ac ehediaid yr awyr, a bwyst-filod y maes, a phob ymlusciad yr hwn a ymlusco ar y ddaiar: a phob dyn yr hwn [fyddo] ar wyneb y ddaiar, yna y mynyddoedd a ddryllir i lawr, a’r grissiau a syrthiant, a’r holl furiau a gwypant i lawr.

²¹Canys galwaf am gleddyf yn ei erbyn yn fy holl fynyddoedd medd yr Arglwydd Dduw: cleddyf pôb vn fydd yn ei gyfaill ei hun.

²²Mi a ddadleuaf hefyd ag ef drwy haint, a thrwy waed: glawiaf hefyd gur-law, a cherrig cenllysc, tân a brwmstan arno ef, ac ar ei holl luoedd ef, ac ar bobloedd lawer y rhai [fyddant] gyd ag ef.

²³Ie ymfawrygaf ac ymsancteiddiaf, a pharaf fy adnabod yng-olwg cenhedloedd lawer, fel y gŵypont mai myfi ydwyf yr Arglwydd.