Read William Morgan Bible 1588 original edition Ezeciel 39 Bible Online

Ezeciel 39 - William Morgan Bible 1588 original edition bible

Ezeciel 39

¹Difethiad God, a Magog. Prophwyda di hefyd fab dŷn yn erbyn Gog, a dywet: fel hyn y dywed yr Arglwydd Dduw, wele fi attat Gog pen-tywysog Mesech, a Thubal.

²Ac mi a’th ddychwelaf, ac a’th dreiaf hyd y chweched ran, ac a’th ddygaf i fynu o ystlysau y gogledd, ac a’th ddygaf ar fynyddoedd Israel.

³Paraf hefyd daro dy fŵa o’th law asswy, a gwnaf i’th saethau syrthio o’th law ddehau.

⁴Ar fynyddoedd Israel y syrthi ti a’th holl luoedd, a’r bobloedd y rhai [fyddant] gyd â thi, i’r ehediaid [a] phob rhyw aderyn, ac [i] fwyst-filod y maes i’th roddaf yn ymborth.

⁵Ar wyneb y maes y syrthi, canys myfi ai dywedais medd yr Arglwydd Dduw.

⁶Anfonaf hefyd dân ar Magog, ac ar y rhai a bresswyliant yr ynysoedd yn ddifraw, fel y gwypont mai myfi [ydwyf] yr Arglwydd.

⁷A gwnaf adnabod fy enw sanctaidd yng-hanol fy mhobl Israel, ac ni adawaf halogi fy enw sancteiddiol mwy: fel y gŵypo’r cenhedloedd mai myfi [ydwyf] yr Arglwydd, Sanct yr Israel.

⁸Wele efe a ddaeth, ac a fu, medd yr Arglwydd Dduw, dymma’r diwrnod am yr hwn y dywedais.

⁹Presswyl-wŷr dinasoedd Israel a ânt allan, cynneuant hefyd, a lloscant yr arfau, a’r tarian a’r astalch, a’r bŵa, a’r saethau, y llaw-ffon hefyd a’r waiw-ffon: îe lloscant hwynt mewn tân saith mlynedd.

¹⁰Yna ni ddygant goed o’r maes, ac ni thorrant [ddim,] canys a’r arfau y cynneuant dân, yr yspeiliant eu hyspeilwŷr, ac yr sclyfaethant [oddi ar] eu sclyfaeth-wŷr medd yr Arglwydd Dduw.

¹¹Bydd hefyd yn y dydd hwnnw i’m roddi yno i Gog le bedd yn Israel, sef y dyffryn trwy yr hwn y trammwyant tua môr y dwyrain: efe a gae [ffroenau] y trammwy-ŵr, canys yno y claddant Gog ai holl dyrfa, a galwant [ef] dyffryn tyrfa Gog.

¹²A thŷ Israel fyddant yn eu claddu hwynt saith mîs, er mwyn glanhaû y tîr.

¹³Ie holl bobl y tîr ai claddant, a [hyn] fydd enwoc iddynt, y dydd yr ymogoneddwyf medd yr Arglwydd Dduw.

¹⁴Dewisant hefyd bôb amser wŷr y rhai a gynniwerant trwy’r wlâd gyd a’r rhai a drammwyant i gladdu y rhai a adewir ar wyneb y ddaiar, iw glanhaû hi: ym mhen saith mîs, y chwiliant.

¹⁵A’r trammwy-wŷr a gynniwerant trwy’r tîr, a phan welo [vn] ascwrn dŷn, efe a gyfyd nôd wrtho ef: hyd oni chladdo y claddwŷr ef yn nyffryn tyrfa Gog.

¹⁶Henw y ddinas hefyd [fydd] Hamonah: felly y glanhânt y wlâd.

¹⁷Tithe fab dŷn fel hyn y dywedodd yr Arglwydd Dduw: dywet wrth bob rhyw aderyn, ac wrth holl fwyst-filod y maes, ymgesclwch, a deuwch, ymgynhullwch oddi amgylch at fy aberth yr hwn yr ydwyfi yn ei aberthu i chwi, yn aberth mawr ar fynyddoedd Israel: yna y bwyttewch gîg, ac yr yfwch waed.

¹⁸Cîg y cedyrn a fwyttewch, a gwaed tywysogion y wlâd a yfwch [sef] hyrddod, ŵyn, a bŷchod, bystych, [a] phascedigion Basan hwythau oll.

¹⁹Bwyttewch hefyd frasder hyd ddigon, ac yfwch waed hyd oni feddwoch arno, o’m haberth yr hwn a aberthais i chwi.

²⁰Felly i’ch diwellir ar fy mwrdd maufi, o farch a cherbyd, o gadarn, a phob rhyfel-ŵr, medd yr Arglwydd Dduw.

²¹Felly y gosodaf allan fyng-ogoniant ym mysc y cenhedloedd, a’r holl genhedloedd a gânt weled fy marnedigaeth yr hon a wneuthum, a’m llaw’r hon a osodais arnynt.

²²A thŷ Israel a gânt ŵybod mai myfi [ydwyf] yr Arglwydd eu Duw hwynt, o’r dydd hwnnw allan,

²³Y cenhedloedd hefyd a gânt ŵybod mai am eu hanwiredd eu hun y caeth-gludwyd tŷ Israel, o herwydd gwneuthur o honynt gamwedd i’m herbyn, am hynny y cuddiais fy wyneb oddi wrthynt, ac y rhoddais hwynt yn llaw eu gelynnion: a hwynt oll a syrthiasant trwy’r cleddyf.

²⁴Yn ôl eu haflendid eu hun, ac yn ôl eu hanwireddau y gwneuthum â hwynt, ac y cuddiais fy wyneb oddi wrthynt.

²⁵Am hynny fel hyn y dywed yr Arglwydd Dduw, yr awr hon y dychwelaf gaethiwed Iacob, tosturiaf hefyd wrth holl dŷ Israel, a gwynfydaf dros fy enw sanctaidd:

²⁶Wedi dwyn o honynt eu gwradwydd, ai holl gamwedd yr hyn a wnaethant i’m herbyn: pan drigent yn eu tîr eu hun yn ddifraw, ac heb ddychrynnudd:

²⁷Pan ddychwelwyf hwynt oddi wrth bobloedd, ai casclu hwynt o wledydd eu gelynnion, yna yr ymsancteiddiaf ynddynt yng-olwg cenhedloedd lawer:

²⁸A chânt ŵybod mai myfi yr Arglwydd eu Duw hwynt [oeddwn] yn eu caeth-gludo hwynt at y cenhedloedd, ac ai casclaf hwynt iw tîr eu hun, ac ni adawaf mwy [vn] o honynt yno.

²⁹Ni chuddiaf ychwaith fy wyneb mwy oddi wrthynt, o herwydd tywelltais fy Yspryd ar dŷ Israel medd yr Arglwydd Dduw.