Read William Morgan Bible 1588 original edition Ezeciel 4 Bible Online

Ezeciel 4 - William Morgan Bible 1588 original edition bible

Ezeciel 4

¹1 Arwyddocâd hir warche ar Ierusalem. 9. Hîr barhâd ar gaethiwed Israel. 16 Newyn mawr yn Ierusalem. Tithe fab dŷn cymmer it bridd-lech, a dôd ti y hi o’th flaen, a llunia arni ddinas Ierusalem.

²A gwarche di yn ei herbyn hi, ac adailada wrthi gastell, a bwrw oi hamgylch hi glawdd: dôd hefyd werssylloedd wrthi, a gosot offer ryfel yn ei herbyn o amgylch.

³Cymmer di it hefyd badell haiarn, a dôd hi yn fûr haiarn rhyngot ti a’r ddinas, cyfeiria dy wyneb atti, bydd hefyd mewn gwarchaedigaeth, a gwarche di arni: arwydd fydd hyn i dŷ Israel.

⁴Gorwedd di hefyd ar dy ystlys asswy, a gosot anwiredd tŷ Israel arno ef, [wrth] rifedi y dyddiau y rhai y gorweddech arno y dygi eu hanwiredd hwynt.

⁵Canys rhoddais it flynyddoedd eu hanwiredd hwynt dan rifedi dyddiau, [sef] trychan nhiwrnod a dêc a phedwar vgain: felly y dygi anwiredd tŷ Israel.

⁶Pan orphennech hynny, yna gorwedd ailwaith ar dy ystlys dehau, fel y dygech anwiredd tŷ Iuda ddeugain nhiwrnod: pob diwrnod a’m flwyddyn y rhoddais hynny it.

⁷A chyfeiria dy wyneb at warchaedigaeth Ierusalem, a’th fraich yn noeth: felly y prophwydi yn ei herbyn hi.

⁸Wele hefyd rhoddais rwymau arnat, fel na throech o ystlys i ystlys: nes gorphen o honot ddyddiau dy warchaedigaeth.

⁹Cymmer it hefyd wenith, a haidd, a ffa, a ffacbys, a miled, a chor-bys, a dod ti hwynt mewn vn llestr, a gwn a hwynt i ti yn fara, [tros] rifedi y dyddiau y rhai y gorweddech ar dy ystlys, [sef] try-chan nhiwrnod, a dêc a phedwar vgain y bwyttei hynny.

¹⁰A’th fwyd yr hwn a fwyttei wrth bwys vgain sicl yn y dydd y bwyttei ef, o amser hyd amser.

¹¹Y dwfr hefyd a yfi mewn mesur, chweched [ran] Hin a yfi, o amser hyd amser.

¹²Ac fel teisen haidd y bwyttei hynny, crêsi hi hefyd wrth dail tom dyn yn eu gŵydd hwynt.

¹³A dywedodd yr Arglwydd, felly y bwyttu meibion Israel eu bara halogedic ym mysc y cenhedloedd, y rhai y gyrraf hwynt attynt.

¹⁴Yna y dywedais, ti Arglwydd Dduw, wele ni halogwyd fy enaid, ac ni fwytteais furgin neu sclyfaeth o’m hieuengtiid etto: ac ni ddaeth i’m safn gîg ffiaidd.

¹⁵Yntef a ddywedodd wrthif, roddais it fiswel gwarthec yn lle tail dŷn, ac â hwynt y gwnei dy fara.

¹⁶Dywedodd hefyd wrthif, mab dyn, wele fi yn torri ffon y bara yn Ierusalem, fel y bwyttânt fara tann bwys, ac mewn gofal, ac yr yfant ddwfr dan fesur, ac mewn synder.

¹⁷Fel y byddo arnynt eisieu bara, a dwfr, ac y rhyfeddant vn, ac arall, canys toddant yn eu hanwiredd.