Read William Morgan Bible 1588 original edition Ezeciel 40 Bible Online

Ezeciel 40 - William Morgan Bible 1588 original edition bible

Ezeciel 40

¹Prophwydoliaeth am adnewyddiad y ddinas, a’r deml ysprydol. Yn y bummed flwyddyn ar hugain o’n caeth-gludiad ni, yn nechreu y flwyddyn, ar y decfed [dydd] o’r mîs, yn y bedwaredd flwyddyn ar ddêc wedi taro y ddinas: o fewn corph y dydd hwnnw y daeth llaw’r Arglwydd arnaf, ac efe a’m dûg fi yno.

²Yng-weledigaethau Duw y dûg efe fi i dir Israel, ac efe a’m gosodod ar fynydd vchel iawn, ac arno o’r tu dehau [yr bedd] megis adailadaeth dinas.

³A phan ddûg efe fi yno, wele ŵr ai welediad fel gwelediad prês, ac yn ei law linin llîn, a chorsen fessur, ac yr ydoedd efe yn sefyll o fewn y porth.

⁴A dywedodd y gŵr wrthif, ha fab dŷn gwel a’th lygaid, gwrando hefyd a’th glustiau, a gosot dy feddwl ar yr hyn oll a ddangoswyf it: o herwydd er mwyn dangosi ti [hyn,] i’th ddugwyd ymma: dangos dithe i dŷ Israel yr hyn oll a weli di.

⁵Ac wele fûr o’r tu allan i’r ty o amgylch ogylch, a chorsen fessur yn llaw’r gŵr yn chwe chufydd, o gufydd a dyrnfedd [bob vn:] ac efe a fesurodd lêd yr adailadaeth ag vn gorsen, a’r vchter â chorsen arall.

⁶Ac efe a ddaeth i’r porth yr hwn [oedd] ai wyneb tu a’r dwyrain, ac a ddringodd ar hyd ei rissiau ef, ac efe a fesurodd orsing y porth yn vn gorsen o lêd, a’r gorsing arall yn gorsen arall o lêd.

⁷Stafell hefyd [oedd] vn gorsen o hyd, a chorsen arall o lêd, a phump cufydd [oedd] rhwng y stafelloedd: a gorsing y porth wrth gyntedd y porth o’r tu mewn [oedd] vn gorsen.

⁸Efe a fesurodd hefyd gyntedd y porth oddi fewn yn vn gorsen.

⁹Ac a fesurodd gyntedd y porth yn wrth gufydd, ai ractaloedd yn ddau gufydd, sef cyntedd y porth oddi fewn.

¹⁰Stafelloedd hefyd y porth tu a’r dwyrain [oeddynt] dair o’r tu ymma, a thair o’r tu accw, vn fessur [oedd] iddynt ill tair, vn fessur i’r rhactaloedd o’r ddeu-tu.

¹¹Ac efe a fesurodd lêd drŵs y porth yn ddêc cufydd, [ac] vchter y porth yn dri chufydd ar ddêc.

¹²A’r terfyn o flaen y stafelloedd [oedd] vu cufydd, a’r terfyn o’r tu arall yn vn cufydd, [pob] stafell hefyd [oedd] chwe chufydd o bob tu.

¹³Ac efe a fesurodd y porth o nenn y stafell hyd ei nenn yntef, yn bum cufydd ar hugain o lêd ddrws yn ddrws.

¹⁴Ac efe a wnaeth y rhactaloedd yn dri vgain cufydd, a [hynny] hyd ractal cyntedd y porth oddi amgylch.

¹⁵Ac o [du] wyneb porth y dyfodiad i mewn hyd du wyneb cyntedd y porth oddi mewn [yr oedd] dec cufydd a deugain.

¹⁶A ffenestri caeedic [oeddynt] yn y stafelloedd, ac yn eu rhactaloedd, o fewn y porth o amgylch ogylch, ac felly [yr oedd] yn y bwâu meini, a’r ffenestri [oeddynt] o amgylch ogylch o fewn, ac [yr oedd] palm-wŷdd ar [bob] rhactal.

¹⁷Ac efe am dug i i’r cyntedd nesaf allan, ac wele stafelloedd, a phalmant wedi ei wneuthur o amgylch ogylch i’r cyntedd: dêc stafell ar hugain [oedd] ar y palmant.

¹⁸A’r palmant [oedd] gan ystlys y pyrth ar gyfer hŷd y pyrth: a’r palmant [oedd] oddi tanodd.

¹⁹Ac efe a fesurodd y llêd o du wyneb y porth issaf hyd du wyneb y cyntedd oddi fewn, yn gant cufydd oddi allan, tua dwyrain a gogledd.

²⁰A’r porth yr hwn [oedd] ai wyneb tua’r gogledd, ar y cyntedd nesaf allan a fesurodd efe ei hyd, ai lêd.

²¹Ei stafelloedd ef [oeddynt] dair o bobtu, ac yr ydoedd ei ractaloedd, ai fwâu meini wrth fessur y porth cyntaf yn ddêc cufydd a deugain ei hyd, a’r llêd yn bump cufydd ar hugain.

²²Eu ffenestri hefyd ai bwâu meini, ai palm-wŷdd [oeddynt] wrth fessur y porth yr hwn [oedd] ai wyneb tua’r dwyrain: ar hyd saith o rissiau hefyd y dringent iddo: ai fwâu meini [oeddynt] oi blaen hwynt.

²³A phorth y cyntedd nesaf i mewn [oedd] ar gyfer porth y gogledd, a’r dwyrain: ac efe a fesurodd o borth i borth gant cufydd.

²⁴Ac efe a’m dûg i tua’r deau, ac wele borth tua’r deau, ac efe a fesurodd ei ractaloedd, ai fwâu meini wrth y messurau hyn.

²⁵Ffenestri hefyd [oeddynt] iddo, ac iw fwâu meini o amgylch ogylch fel y ffenestri hyn yn ddêc cufydd a deugain o hyd, ac yn bump cufydd ar hugain o lêd.

²⁶Saith o rissiau hefyd [oedd] ei ddringfa ef, ai fwâu meini oi blaen hwynt: [yr oedd] hefyd iddo balm-wŷdd vn o bob tu ar ei ractaloedd?

²⁷Ac [yr oedd] porth ar y cyntedd nessaf i mewn tua’r deau, ac efe a fesurodd o borth i borth tua’r deau gant cufydd.

²⁸Ac efe a’m dug i’r cyntedd nessaf i mewn trwy borth y deau, ac a fesurodd borth y deau wrth y messurau hyn.

²⁹Ie ei stafelloedd, ai ractaloedd, ai fwâu meini [oedd] wrth y messurau hyn: yr oedd hefyd ffenestri arno, ac ar ei fwâu meini o amgylch ogylch, dêc cufydd a deugain [oedd] yr hyd, a phum cufydd ar hugain y llêd.

³⁰A’r bwâu meini o amgylch ogylch [oeddynt] yn bump cufydd ar hugain o hyd, ac yn bump cufydd o lêd.

³¹Ai fwâu meini [oeddynt] tua’r cyntedd nessaf allan, a phalm-wydd ar ei ractaloedd, ac ŵyth o rissiau [oedd] ei ddringfa ef.

³²Ac efe a’m dûg i i’r cyntedd nesaf i mewn tua’r dwyrain, ac a fesurodd y porth wrth y messurau hyn:

³³Sef ei stafelloedd ai ractaloedd, ai fwau meini [oeddynt] wrth y messurau hyn: [yr oedd] hefyd ffenestri iddo ef, ac iw fwau meini o amgylch ogylch: yr hŷd [oedd] ddêc cufydd a deugain, a’r lled yn bump cufydd ar hugain.

³⁴Ai fwau meini [oeddynt] tua’r cyntedd nesaf allan, a phalm-wydd ar ei ractaloedd o bob tu, ai ddringfa [oedd] wyth o rissiau.

³⁵Ac efe am dûg fi i borth y gogloedd, ac ai mesurodd wrth y messurau hyn,

³⁶Ei stafelloedd, ei ractaloedd, ei fwâu meini: ac [yr oedd] ffenestri iddo o amgylch ogylch, yr hŷd [oedd] ddêc cufydd a deugain, a’r llêd [oedd] bump cufydd ar hugain.

³⁷Ai ractaloedd [oeddynt] tua’r porth nesaf allan, a phalm-wŷdd ar ei ractaloedd o bob tu, ai ddringfa [oedd] wyth o rissiau.

³⁸Ac [yr oedd] celloedd a drysau o fewn rhactaloedd y pyrth, yno y golchent y poeth offrwm.

³⁹Ac yng-hyntedd y porth [yr oedd] dau fwrdd o’r tu ymma, a dau fwrdd o’r tu accw, i ladd y poeth offrwm, a’r pech-aberth, a’r aberth tros gamwedd arnynt.

⁴⁰Ac ar yr ystlys oddi allan lle y dringir i ddrws porth y gogledd [yr oedd] dau fwrdd, a dau fwrdd ar yr ystlys arall yr hwn [oedd] wrth gyntedd y porth.

⁴¹Pedwar bwrdd [oedd] o’r tu ymma, a phedwar bwrdd o’r tu accw ar ystlys y porth: ar yr wyth bwrdd hyn y laddent [eu haberthau.]

⁴²A phedwar bwrdd y poeth offrwm [oeddynt] o gerric nadd, yn vn cufydd a hanner o hyd, ac yn vn cufydd a hanner o lêd, ac yn vn cufydd o vchter: arnynt hwy hefyd y gosodent yr offer, y rhai y lladdent yr offrwm poeth, a’r aberth â hwynt.

⁴³Hefyd [yr oedd] bachau o vn ddyrnfedd wedi eu paratoi o fewn o amgylch ogylch, a chig yr offrwm [oedd] ar y byrddau.

⁴⁴Ac o’r tu allan i’r porth nesaf i mewn [yr oedd] stafelloedd y cantorion o fewn y cyntedd nesaf i mewn, yr hwn [oedd] ar ystlys porth y gogledd, ai hwynebau tua’r deau: vn [oedd] ar ystlys porth y dwyrain tua ffordd y gogledd.

⁴⁵Ac efe a ddywedodd wrthif, yr stafell hon yr hon [sydd] ai hwyneb tua’r deau [sydd] i’r offeiriaid y rhai a oruchwyliant y Deml.

⁴⁶A’r stafell yr hon [sydd] ai hwyneb tua’r gogledd [sydd] eiddo yr offeiriaid y rhai a orchwyliant yr allor: y rhai hynny [ydynt] feibion Zadoc, y rhai ydynt o feibion Lefi yn nessau at yr Arglwydd i weini iddo ef.

⁴⁷Ac efe a fesurodd y cyntedd yn scwâr, sef yn gant cufydd o hŷd, ac yn gant cufydd o lêd, a’r allor [oedd] o flaen y Deml.

⁴⁸Ac efe a’m dûg fi i borth y Deml, ac a fesurodd ractal y porth yn bump cufydd o’r naill du, ac yn bump cufydd o’r tu arall, a llêd y porth [oedd] dri chufydd o’r naill du, a thri chufydd o’r tu arall.

⁴⁹Y cyntedd oedd vgain cufydd o hŷd, ac vn cufydd ar ddêc o lêd, a grissiau ar hyd y rhai y dringent iddo: hefyd [yr ydoedd] colofnau wrth y rhactaloedd, vn o’r naill du, ac vn o’r tu arall.