Read William Morgan Bible 1588 original edition Ezeciel 42 Bible Online

Ezeciel 42 - William Morgan Bible 1588 original edition bible

Ezeciel 42

¹Trefn y stafelloedd y rhai oeddynt yn y Deml i’r offeiriaid, ac i’r petheu cyssygredic. Ac efe a’m dûg i’r cyntedd nesaf allan, tua ffordd y gogledd, ac a’m dûg i stafell ’r hon [oedd] ar gyfer y llannerch neillduol yr hon [oedd] ar gyfer yr adail, tua’r gogledd.

²Drws y gogledd [oedd] ar gyfer hŷd y cant cufydd, a llêd y dêc cufydd a deugain.

³Ac ar gyfer yr vgain [cufydd] y rhai [oeddynt] i’r cyntedd nesaf i mewn, ac ar gyfer y palmant, yr hwn [oedd] i’r cyntedd nesaf allan, [yr ydoedd] stafell ar gyfer stafell yn dair [rhês.

⁴Ac ar gyfer yr stafelloedd [yr oedd] rhodfa yn ddêc cufydd o lêd, y ffordd o fewn [oedd] vn cufydd, ai dryssau [oeddynt] tua’r gogledd.

⁵A’r stafelloedd vchaf [oeddynt] gulion, o herwydd yr stafelloedd [hyn] oeddynt [megis] yn llyngcu y lleill [sef] y rhai isaf, a’r rhai canol o’r adailadaeth.

⁶Canys traianoc [oeddynt] hwy, ac heb golofnau iddynt, fel colofnau y cynteddoedd: am hynny yr oeddynt hwy yn gyfyngach na’r rhai isaf, ac na’r rhai canol o’r llawr [i fynu.]

⁷A’r clawdd yr hwn oedd o’r tu allan ar gyfer yr stafelloedd tua’r cyntedd nesaf allan o flaen yr stafelloedd [oedd] ddêc cufydd a deugain ei hyd,

⁸O herwydd hŷd yr stafelloedd yr rhai [oeddynt] yn y cyntedd nesaf allan [oedd] ddêc cufydd a deugain: ac wele o flaen y Deml [yr oedd] cant cufydd.

⁹Ac oddi tann y stafelloedd hyn [yr ydoedd] drws o du’r dwyrain, ffordd yr elid iddynt hwy o’r cyntedd nesaf allan.

¹⁰O fewn llêd clawdd y cyntedd tua’r dwyrain ar gyfer y llannerch neillduol, ac ar gyfer adail yr stafelloedd.

¹¹A’r ffordd oi blaen hwynt [oedd] yn ôl dull y stafelloedd y rhai oeddynt tua’r gogledd, vn hŷd â hwynt [oeddynt,] felly [yr oedd] eu llêd hwynt: ai holl ddrysau, ie vn wedd oeddynt, ac yn agorid yr vn modd.

¹²Ac [yr ydoedd] drws (fel drysau y stafelloedd y rhai [oeddynt] tua’r deau) ym mhen y ffordd [sef] y ffordd ym mhen y clawdd yn iniawn tua yr dwyrain yn y ddyfodfa i mewn.

¹³Ac efe a ddyweddodd wrthif, stafelloedd y gogledd [ac] stafelloedd y deau y rhai [ydynt] ar gyfer y llannerch neilltuoll, stafelloedd y cyssegr [yw] y rhai hynny: lle y bwyttu’r offeiriaid y rhai a nessaant at yr Arglwydd y petheu sanctaidd cyssegredic, ac yno y gosodant y sanctaidd betheu cyssegredic, a’r bwyd offrwm, a’r pechaberth, a’r aberth tros gamwedd, canys lle cyssegredic [yw.]

¹⁴A phan ddelo yr offeiriaid i mewn iddynt, nid ânt allan o’r cyssegr i’r cyntedd nesaf allan, eithr yno y gosodant eu dillad, y rhai y gwasanaethant ynddynt, am [eu bod] hwy yn sanctaidd: a gwiscant hwy wiscoedd eraill, pan nessaont i’r lle yr hwn [sydd] i’r bobl.

¹⁵Pan orphennodd efe fesuro y tŷ o fewn, yna efe a’m dug i tua’r porth yr hwn [sydd] ai wyneb tua’r dwyrain, ac ai mesurodd ef a amgylch ogylch.

¹⁶Efe a fesurodd du’r dwyrain â chorsen fessur, yn bump cant o gorsennau, wrth gorsen fessur oddi amgylch.

¹⁷Efe a fesurodd du yr gogledd yn bump cant corsen, wrth gorsen fesur oddi amgylch.

¹⁸Y tu deau a fesurodd efe yn bump cant corsen wrth gorsen fesur.

¹⁹Efe a aeth o amgylch i du y gorllewyn, ac a fessurodd bump cant corsen wrth gorsen fessur.

²⁰Efe a fesurodd ei bedwar ystlys ef, mûr [oedd] iddo ef o amgylch ogylch, yn bump cant [corsen] o hŷd, ac yn bump cant [corsen] o lêd, i wahanu rhwng y cyssegr a’r digyssegr.