Read William Morgan Bible 1588 original edition Ezeciel 45 Bible Online

Ezeciel 45 - William Morgan Bible 1588 original edition bible

Ezeciel 45

¹Bod pedair rhan nailltuol yn nhîr yr addewid, y gyntaf yn perthynu i’r offeiriaid a’r Deml. Yr ail i’r Lefiaid. Y drydedd i’r ddinas. A’r bedwaredd i’r tywysog. 10 Am bwysau a messurau iniawn. 13 Am flaen-ffrwyth, ac offrwm. A phan rannoch y tîr yn etifeddiaeth yr offrymmwch i’r Arglwydd offrwm cyssegredic o’r tîr, yn hyd pum mil ar hugain [o gorsennau] o hyd, a deng-mil o lêd: cyssegredic [fydd] hynny yn ei holl derfyn o amgylch.

²O hyn [y bydd] wrth y cyssegr bump cant [ar hŷd,] a phump cant [ar lêd,] yn bedair-ongloc oddi amgylch: a dêc cufydd a deugain yn faes pentre-fol iddo o amgylch.

³Ac o’r messur hwn y messuri bum mîl ar hugain o hŷd, a deng-mil o lêd, ac yn hwnnw y bydd cyssegrfa y cyssegr sancteiddiolaf.

⁴Hyn o’r tir fydd gyssegredic i’r offeiriaid, y rhai a wasanaethant y cyssegr, y rhai a nessânt i wasanaethu yr Arglwydd: ac efe a fydd iddynt yn lle tai, ac yn gyssegrfa i’r cyssegr.

⁵A phum mîl ar hugain o hŷd, a deng-mil o lêd fydd hefyd i’r Lefiaid, y rhai a wasanaethant y tŷ yn etifeddiaeth vgain o stafelloedd iddynt.

⁶Rhoddwch hefyd bum mîl o lêd, a phum mil ar hugain o hŷd yn etifeddiaeth y ddinas, ar gyfer yr offrwm cyssegredic: i holl dŷ Israel y bydd [hyn.]

⁷Ac i’r tywysog [y bydd] o bob tu i’r offrwm cyssegredic, ac i etifeddiaeth y ddinas, ar gyfer yr offrwm cyssegredic, ac ar gyfer etifeddiaeth y ddinas o du’r gorllewyn hyd y gorllewyn, ac o du’r dwyrain hŷd y dwyrain: a’r-hŷd [fydd] ar gyfer [pob] vn o’r rhannau o derfyn y gorllewyn hyd derfyn y dwyrain.

⁸[Hyn] o’r tîr fydd iddo yn etifeddiaeth yn Israel, fel na orthrymmo fy nhywysogion fy mhobl i mwy, a’r [rhan] arall o’r tir a roddant i dŷ Israel yn ôl eu llwythau.

⁹Fel hyn y dywed yr Arglwydd Dduw, digon i chwi hyn dywysogion Israel, bwriwch ymmaith drawsder a difrod, gwnewch hefyd farn a chyfiawnder, tynnwch ymmaith eich trethau oddi ar fy mhobl medd yr Arglwydd Dduw.

¹⁰Bydded gennwch bwysau iniawn, ac Epha iniawn, a Bath iniawn.

¹¹Bydded yr Epha a’r Bath vn fesur gan gynnwys o’r Bath ddecfed rann Homer, a’r Epha ddecfed rann Homer: wrth yr Homer y bydd eu messur hwynt.

¹²Y Sicl [fydd] vgain Gerah, [ac] vgain Sicl, a phump Sicl ar hugain, a phymthec Sicl fydd Maneh i chwi.

¹³Dymma’r offrwm derchafel yr hwn a dderchefwch, chweched rann Epha o Homer o wenith, felly y rhoddwch chweched rann Epha o Homer o haidd.

¹⁴A deddf yr olew [sef] Bath o olew, decfed rann Bath a roddwch o’r Corus: dêc Bath [yw] Homer: o herwydd dêc Bath [a lanwant] Homer.

¹⁵Un milin hefyd o’r praidd [a offrymmwch] o [bob] deucant allan o ddolydd Israel, yn fwyd offrwm, ac yn boeth offrwm, ac yn aberthau hedd i wneuthur iawn trostynt medd yr Arglwydd Dduw.

¹⁶Holl bobl y tîr fyddant tann yr offrwm hwnn dros y tywysog yn Israel.

¹⁷Ac ar y tywysog y bydd poeth offrwm, a bwyd offrwm, a diod offrwm, ar yr vchel wyliau, ar newydd loerau, a’r Sabbothau drwy holl ossodedic wyliau tŷ Israel: efe a offrymma bech-aberth, a bwyd offrwm, a phoeth offrwm, ac aberthau hedd i wneuthur iawn tros dŷ Israel.

¹⁸Fel hyn y dywed yr Arglwydd Dduw, o fewn y [mîs] cyntaf, a’r y [dydd] cyntaf o’r mîs y cymmeri fustach ieuangc perffaith-gwbl, ac y puri y cyssegr.

¹⁹Yna y cymmer yr offeiriad o waed y pech aberth, ac ai rhydd ar orsing y tŷ, ac ar bedair congl ffrâm yr allor, ac ar orsing porth y cyntedd nessaf i mewn.

²⁰Felly y gwnei hefyd ar y seithfed [dydd] o’r mîs tros y neb a becho yn amryfus, a thros yr ehud, felly y purwch y tŷ.

²¹Yn y [mis] cyntaf ar y pedwerydd dydd ar ddêc o’r mis y bydd i chwi Basc, vchelwyl [fydd] i chwi saith niwrnod, [a] bara croiw a fwyttewch.

²²A’r tywysog a offrymma ar y dydd hwnnw drosto ei hun, a thros holl bobl y wlad fustach yn bech-aberth.

²³A saith niwrnod yr vchel-wyl yr offrymma efe yn offrwm poeth i’r Arglwydd saith o fustych, a saith o hyrddod perffaith-gwbl bob dydd o’r saith niwrnod, a bwch geifr yn bech-aberth bob dydd.

²⁴Bwyd offrwm hefyd a offrymma efe sef Epha gyd â [phob] bustach, ac Epha gyd â [phob] hwrdd: a Hin o olew gyd a’r Epha.

²⁵Yn y seithfed [mis,] ar y pymthecfed dydd o’r mîs, offrymmed ar yr vchel-wyl [tros] saith niwrnod fel hyn: [sef] fel y pech-aberth, fel y poeth offrwm, ac fel y bwyd offrwm, ac fel yr olew [hyn.]