Read William Morgan Bible 1588 original edition Ezeciel 47 Bible Online

Ezeciel 47 - William Morgan Bible 1588 original edition bible

Ezeciel 47

¹Gweledigaeth y dyfroedd y rhai a ddaethant o’r Deml. 13 Terfynau a rhanniad y tîr. Ac efe a wnaeth i’m ddychwelyd i ddrws y tŷ, ac wele ddwfr yn dyfod allan oddi tann rinniog y tŷ tua’r dwyrain, o herwydd talcen y tŷ [oedd tua]’r dwyrain: a’r dyfroedd oeddynt yn descyn oddi tann ystlys dehau’r tŷ, o du’r deau i’r allor.

²Ac efe a’m dug i [ar hŷd] ffordd porth y gogledd, ac a wnaethim amgylchu y ffordd oddi allan, hyd y porth nessaf allan [ar hyd] y ffordd yr hon sydd yn edrych tua’r dwyrain: ac wele ddyfroedd yn tarddu o’r ystlys dehau.

³Pan aeth y gŵr (yr hwn oedd â’r llinin yn ei law) allan tua’r dehau, yno y messurodd fil o gufyddau, ac a’m tywysodd i’r dwfr, a’r dwfr hyd y fferau.

⁴Ac efe a fessurodd fil [eraill,] ac a’m tywysodd i’r dwfr, [a’r] dwfr hyd y gliniau, ac a fesfurodd fil [eraill,] ac a’m tywysodd, a’r dyfroedd hyd y lwyni.

⁵Ac a fessurodd fil [eraill mewn] afon yr hon ni allwn fyneb trwyddi, canys codasse y dyfroedd yn ddyfroedd nofiadwy, [ac] yn afon yr hon nid eid trwyddi.

⁶Ac efe a ddywedodd wrthif, oni welaist di [hyn] fab dŷn? yna i’m tywysodd, ac i’m dychwelodd hyd lann yr afon.

⁷A phan i’m dychwelodd, wele ar lann yr afon goed lawer iawn o bob tu.

⁸Ac efe a ddywedodd wrthif, y dyfroedd hyn ydynt yn myned allan tua brô y dwyrain, ac a ddescynnant ar y gwastad, ac a ânt tua’r môr, ac wedi myned i’r môr yr iecheuir y dyfroedd.

⁹Yna y bydd pob peth byw, yr hwn a ymlusco i’r lle oll y delo’r afonydd [hyn] fyw, ac fe a fydd pyscod lawer iawn, o herwydd dyfod y dyfroedd hynn yno: canys iachus fyddant, a phob dim lle y delo’r afon fydd byw.

¹⁰A bydd i’r pyscod-wŷr sefyll arni o En Gedi, hyd En Eglaim, [y rhai] fyddant yn danfa rhwydau: eu pyscod fyddant yn ôl eu rhyw fel pyscod y môr mawr, yn aml iawn.

¹¹Ei chorsydd, ai ffosydd ni iacheuir, yn halen y rhoddir hwynt.

¹²Eithr ar yr afon y cyfyd ar ei glann o’r ddau tu bob prenn ymborth, ei ddalen ni syrth, ai ffrwyth ni dderfydd, yn ei bryd yr addfeda, o herwydd ei ddyfroedd ydynt yn dyfod allan o’r cyssegr: am hynny y bydd ei ffrwyth yn ymborth, ai afalau yn feddiginiaeth.

¹³Fel hyn y dywed yr Arglwydd Dduw, dymma y terfyn wrth yr hwn y rhennwch y tir yn etifeddiaeth i ddeuddec llwyth Israel, Ioseph a [gaiff ddwy] o rannau.

¹⁴Hefyd chwi ai hetifeddwch hi, yr hon a dyngais ar ei rhoddi i’ch tadau bob vn fel ei gilydd, felly y syrth y tîr hwn i chwi yn etifeddiaeth.

¹⁵Dymma derfyn y tîr o du yr gogledd, o’r môr mawr tua Hethlon, ffordd yr eir i Zedada.

¹⁶[Sef] Hamath, Berotha, [a] Sabarim, y rhai [ydynt] rhwng terfyn Damascus, a therfyn Hamath, Hazar, [ac] Hatticon, y rhai [ydynt] ar derfyn Hauran.

¹⁷Felly y bydd terfyn o fôr Hazar, Enan, [sef] terfyn Damascus, a [therfyn] y gogledd tua’r gogledd, a therfyn Hamath: ac dymma du y gogledd.

¹⁸Ac ystlys y dwyrain a fesurwch chwi oddi rhwng Hauran a Damascus, a Gilead, a thîr Israel [wrth] yr Iorddonen [sef] o’r terfyn hyd fôr y dwyrain: ac dymma du y dwyrain.

¹⁹A thu’r deau tu a Theman o Thamar hyd ddyfroedd cynnen Cades, [a’r] afon hyd y môr mawr: ac dymma du yr deau tua Theman.

²⁰A thu yr gorllewyn [fydd] y môr mawr o’r terfyn hyd oni ddeuir ar gyfer Hamath: dymma du’r gorllewyn.

²¹Felly y rhennwch y tîr hwn i chwi yn ôl llwythau Israel.

²²Bydded hefyd rannu o honoch y hi yn etifeddiaeth i chwi, ac i’r dieithriaid y rhai a ymdeithiant yn eich mysc chwi, y rhai a genhedlant blant yn eich plith chwi, a byddant i chwi fel vn wedi ei eni ym mysc meibion Israel: gyd â chwi y bwriant am etifeddiaeth ym mysc llwythau Israel.

²³A bydded ym mha lwyth bynnac yr ymdeithio y dieithr gyd ag ef, yno y rhoddwch ei etifeddiaeth ef medd yr Arglwydd Dduw.