Read William Morgan Bible 1588 original edition Ezeciel 48 Bible Online

Ezeciel 48 - William Morgan Bible 1588 original edition bible

Ezeciel 48

¹Rhan rhai o’r llwythau. 9 Rhannau y Deml, y Lefiaid y ddinas, a’r tywysog. 24 Rhannau y llwythau eraill. 31 Pyrth y ddinas. A dymma henwau y llwythau: Dan [sydd] vn ar y cwrr nessaf i’r gogledd ar fin ffordd Hethlon, ffordd yr eir i Hamath, Hazar, Enan, [a] therfyn Damascus tua’r gogledd ar fin Hamath [y rhai hyn] oeddynt eiddo ef [o] du yr dwyrain [hyd] y gorllewyn.

²Ac ar derfyn Dan, o du yr dwyrain hyd du’r gorllewyn Aser [fydd] vn.

³Ac o derfyn Aser, o du’r dwyrain hyd du yr gorllewyn Nephthali [fydd] vn.

⁴Ac ar derfyn Nephthali, o du’r dwyrain hyd du’r gorllewyn Manasses [fydd] vn.

⁵Ac ar derfyn Manasses, o du’r dwyrain, hyd du’r gorllewyn Ephraim [fydd] vn.

⁶Ac ar derfyn Ephraim, o du’r dwyrain hyd du’r gorllewyn Ruben [fydd] vn.

⁷Ac ar derfyn Ruben, o du’r dwyrain hyd du’r gorllewyn Iuda [fydd] vn.

⁸Ac ar derfyn Iuda, o du’r dwyrain hyd du’r gorllewyn [y bydd] yr offrwm yr hwn a offrymmoch yn bum mil ar hugain [o gufyddau] o hŷd, ac o lêd fel vn o’r rhannau [hyn: sef] o du’r dwyrain hyd du’r gorllewyn: a’r cyssegr fydd yn ei ganol.

⁹Yr offrwm yr hwn a offrymmoch i’r Arglwydd [fydd] bum mil ar hugain o hŷd, a deng-mil o lêd,

¹⁰Ac eiddo y rhai hyn fydd yr offrwm cyssegredic [sef] eiddo’r offeiriaid [fydd] pum mil ar hugain tua’r gogledd [o hŷd,] a deng-mil tua’r gorllewyn o lêd: felly deng-mil tua’r dwyrain o lêd, a phum-mil ar hugain tua’r dehau o hŷd: a chyssegr yr Arglwydd fydd yn ei ganol,

¹¹I’r offeiriaid cyssegredic o feibion Zadoc y rhai a gadwasant fyng-hadwriaeth, y rhai ni chyfeiliornasant pan gyfeiliornodd plant Israel, megis y cyfeiliornodd y Lefiaid.

¹²Am hynny y bydd eiddynt yr hyn a offrymmir o offrwm y tir, yn sancteidd-beth cyssegredic wrth derfyn y Lefiaid.

¹³A’r Lefiaid a [gânt] ar gyfer terfyn yr offeiriaid bum mil ar hugain o hyd, a deng-mil o lêd: pob hyd [fydd] bum mil ar hugain, a’r llêd yn ddeng-mil.

¹⁴Hefyd na werthant [ddim] o honaw, na chyfnewidied [neb] ychwaith, ac na throsclwydded flaen-ffrwyth y tîr, o herwydd cyssegredic [yw] i’r Arglwydd.

¹⁵A’r pum mil eraill o lêd, ar gyfer y pum mil ar hugain sydd ddigyssegredic, yn drigfa ac yn faes pentrefol i’r ddinas, a’r ddinas fydd yn ei ganol.

¹⁶Ac dymma ei fessurau ef, ystlys y gogledd [fydd] bump cant, a phedair mil, ac ystlys y deau bump cant, a phedair mil: felly o du’r dwyrain yn bump cant, a phedair mîl, a thu’r gorllewyn yn bump cant, a phedair mil.

¹⁷Maes pentrefol y ddinas fydd hefyd tua’r gogledd yn ddau cant cufydd, a dêc a deugain, ac yn ddeucant a dêc a deugain tua’r deau, ac yn ddeucant a dêc a deugain tua’r dwyrain, ac yn ddeucant a dêc a deugain tua’r gorllewyn.

¹⁸A’r rhan arall o hŷd ar gyfer yr offrwm cyssegredic [fydd] yn ddeng-mil [o gufyddau] tua’r dwyrain, yn deng-mil tua’r gorllewyn, ac ar gyfer yr offrwm cyssegredic y bydd, ai gnwd fydd yn ymborth i wenidogion y ddinas.

¹⁹A gwenidogion y ddinas ai gwasanaethant o holl lwythau Israel.

²⁰Yr holl offrwm [fydd] bum mîl ar hugain [o hŷd,] gyd â phum mil ar hugain [o lêd,] yn bedair ongloc yr offrymmwch yr offrwm cyssegredic gyd ag etifeddiaeth y ddinas.

²¹A’r hyn a adewir i’r tywysog o ddeu-tu’r offrwm cyssegredic, ac etifeddiaeth y ddinas, ar gyfer y pum mil ar hugain o [gufyddau] yr offrwm, hyd terfyn y dwyrain, a thua’r gorllewyn, ar gyfer y pum mil ar hugain [o gufyddau] ar derfyn y gorllewyn: gyferbyn a’r rhannau [hyn] fydd eiddo’r tywysog: felly yr offrwm cyssegredic, a chyssegrfa’r tŷ fydd ynghanol hynny.

²²Felly o etifeddiaeth y Lefiaid, ac o etifeddiaeth y ddinas yng-hanol yr hyn fyddo i’r tywysog, rhwng terfyn Iuda, a therfyn Beniamin, eiddo’r tywysog fydd:

²³Ac [am] y rhann arall o’r llwythau, Beniamin [fydd] vn o du’r dwyrain hyd du yr gorllewyn.

²⁴Ac ar derfyn Beniamin, Simeon [fydd] vn o du’r dwyrain hyd du’r gorllewyn.

²⁵Ac ar derfyn Simeon, Issachar [fydd] vn o du’r dwyrain hyd du’r gorllewyn.

²⁶Ac ar derfyn Issachar, Zabulon [fydd]vn o du’r dwyrain hyd du’r gorllewyn.

²⁷Ac ar derfyn Zabulon, Gad [fydd] vn o du’r dwyrain hyd du’r gorllewyn.

²⁸Ac ar derfyn Gad, ar y tu dehau tua Theman, y terfyn fydd o Thamar [hyd] ddyfroedd cynnen Cades [ac] hyd yr afon [yr hon sydd yn rhedeg] i’r môr mawr.

²⁹Dymma y tîr yr hwn a rennwch yn etifeddiaeth i lwythau Israel, ac dymma eu rhannau hwynt medd yr Arglwydd Dduw.

³⁰Dymma hefyd amgylch y ddinas, o du’r gogledd pump cant, a phedair mil [cufydd] o fessur.

³¹A phyrth y ddinas [fyddant] ar henwau llwythau Israel, yn dri phorth tua’r gogledd, porth Ruben yn vn, porth Iuda yn vn, porth Lefi yn vn [arall.]

³²Ac ar du yr dwyrain pump cant a phedair mîl [cufydd] a thri phorth, sef porth Ioseph yn vn, porth Beniamin yn vn, porth Dan yn vn.

³³A thua’r deau pump cant, a phedair mîl [cufydd] o fessur, a thri phorth: porth Simeon yn vn, a phorth Issachar yn vn, a phorth Zabulon yn vn.

³⁴Tua’r gorllewyn [y bydd] pump cant a phedair mîl [o gufyddau,] ai tri phorth: porth Gad yn vn, porth Aser yn vn, [a] phorth Nephthali yn vn.

³⁵Deu-naw mîl o [gufyddau fydd] o amgylch, a henw y ddinas o’r dydd [hwnnw allan fydd] YR ARGLWYDD [SYDD] YNO. Terfyn llyfr y Prophwyd Ezeciel.