Read William Morgan Bible 1588 original edition Ezeciel 6 Bible Online

Ezeciel 6 - William Morgan Bible 1588 original edition bible

Ezeciel 6

¹Prophwydo y mae ddinistr y bobl. 8 Edifeirwch am waredu eu gweddill hwynt. 11 A dialedd yr annedifeiriol. Yna y daeth gair yr Arglwydd attaf, gan ddywedyd:

²Mab dŷn, gosot dy wyneb tua mynyddoedd Israel, a phrophwyda am danynt.

³A dywet, mynyddoedd Israel gwrandewch air yr Arglwydd Dduw: fel hyn y dywedodd yr Arglwydd Dduw wrth fynyddoedd, ac wrth frynnau, wrth nentydd, ac wrth ddyffrynnoedd: wele fi [ie] myfi’n dwyn cleddyf arnoch, ac mi a ddinistriaf eich vchel-loedd.

⁴Eich allorau hefyd a ddifwynir, a’ch haul ddelwau a ddryllir, a chwympaf eich archolledigion o flaen eich eulynnod.

⁵A rhoddaf gelanedd meibion Israel ger bron eu heulynnod: a thanaf eich escyrn o amgylch eich allorau.

⁶Yn eich holl drigfaon y dinasoedd a anrheithir, a’r vchelfaon a ddifwynir, fel yr anrheithier, ac y difwyner eich allorau, ac y torrer, ac y peidio eich eulynnod: ac y torrer ymmaith eich haul ddelwau, ac y deleir eich gweithredoedd.

⁷Yr archolledic hefyd a syrth yn eich mysc fel y gwypoch mai myfi [ydwyf] yr Arglwydd.

⁸Etto gadawaf weddill, fel y byddo i chwi rai wedi diangc gan y cleddyf ym mysc y cenhedloedd, pan wascarer chwi trwy’r tîroedd.

⁹Yna dy rai diangol a’m coffânt i ymmysc y cenhedloedd y rhai y caethgludwyd hwynt attynt, y modd i’m drylliwyd, ai calon butteinllyd, yr hon a giliodd oddi wrthif, ac ai llygaid y rhai a butteiniasant ar ôl eu heulynnod: yna’r ymffieiddiant ynddynt eu hun, am y drygioni y rhai a wnaethant yn eu holl ffiaidd-dra.

¹⁰A chânt ŵybod mai myfi [yw]’r Arglwydd [ac] na leferais yn ofer, am wneuthur iddynt y drwg hwn.

¹¹Fel hyn y dywed yr Arglwydd Dduw, taro a’th law, ac estyn a’th droed, a dywet, ôh rhac holl ffieidd-dra drygioni tŷ Israel, y rhai trwy gleddyf, trwy newyn, a thrwy haint a syrthiant.

¹²Y pelledic a fydd marw o haint, a’r cyfagos a syrth ar y cleddyf: y gweddilledic hefyd, a’r gwarchaedic a fydd marw o newyn: felly y derfydd fy llidiawgrwydd wrthynt.

¹³A chewch ŵybod mai myfi yw’r Arglwydd, pan fyddo eu harcholledigion hwynt ym mysc eu heulynnod hwynt o amgylch eu hallorau, ar bob brynn vchel, ar holl bennau y mynyddoedd, a thann bob pren ir, a thann bob derwen gaead-frig, lle y rhoddasant arogl esmwyth iw holl eulynnod.

¹⁴Felly’r estynnaf fy llaw arnynt, a rhoddaf y tir yn anrhaith, ie’n anrhaithiedic o’r anialwch hyd Diblath trwy eu holl drigfaon hwynt: a chânt ŵybod mai myfi [yw’r] Arglwydd.