Read William Morgan Bible 1588 original edition Ezeciel 8 Bible Online

Ezeciel 8 - William Morgan Bible 1588 original edition bible

Ezeciel 8

¹1 Yr amser y gwelodd Ezeciel gyffelybrwydd Duw, ac y dug yr yspryd ef i Ierusalem. 6 Duw yn dangos iddo ef frynti, a gau-dduwiaeth y bobl. A Bu yn y chweched flwyddyn, yn y chweched [mîs,] ar y pummed [dydd] o’r mîs, [a] mi yn eistedd yn fy nhŷ, a henuriaid Israel yn eistedd ger fy mron, yna syrthio llaw’r Arglwydd Dduw arnaf.

²Yna’r edrychais, ac wele gyffelybrwydd, fel rhith tân, o welediad ei lwyni ac issod yn dân: ac oi lwyni, ac vchod fel gwelediad discleirdeb, megis lliw ambr.

³Ac efe a estynnodd lûn llaw, ac a’m cymmerodd erbyn gwallt fy mhen, a chododd yspryd fi rhwng y ddaiar a’r nefoedd, ac a’m dug i Ierualem mewn gweledigaeth Dduw, hyd ddrŵs y porth nesaf i mewn, yr hwn sydd yn edrych tua’r gogledd, lle’r [ydoedd] eisteddfa delw’r eiddigedd, yr hon a wnae eiddigedd.

⁴Ac wele yno ogoniant Duw Israel, fel y weledigaeth yr hon a welswn yn y dyffryn.

⁵Ac efe a ddywedodd wrthif, mab dŷn cyfot attolwg dy lygaid [tua] ffordd y gogledd, felly y cyfodais fy llygaid [tua] ffordd y gogledd, ac wele tua’r gogledd wrth borth yr allor ddelw’r eiddigedd hon, yn y drws.

⁶Ac efe a ddywedodd wrthif, mab dŷn, a weli di beth y maent hwy yn ei wneuthur? y ffiaidd-dra mawr yr hwn y mae tŷ Israel yn ei wneuthur ymma, i’m gyrru ymmaith oddi wrth fyng-hyssegr? ac etto dychwel, cei ymma weled ffieidd-dra mwy.

⁷Ac efe a’m dug i ddrŵs y cyntedd, yno’r edrychais, ac wele ryw dwll yn y pared.

⁸Ac efe a ddywedodd wrthif, mab dŷn cloddia drwy’r pared: yna y cloddiais drwy’r pared, ac wele ryw ddrws.

⁹Ac efe a ddywedodd wrthif, dôs i mewn, ac edrych y ffieidd-dra drygionus y rhai y maent hwy yn eu gwneuthur ymma,

¹⁰Felly’r euthym, ac edrychais, ac wele bôb mâth ymlusciad, ac anifail ffiaidd, a holl eulynnod tŷ Israel wedi eu portreio ar y pared o amgylch ogylch.

¹¹A deng-ŵr a thrugain o henuriaid tŷ Israel yn sefyll ar eu cyfer hwynt, ac Iaazaniah mab Saphan yn sefyll ym mysc y rhai hynny: a phôb vn ai thusser yn ei law, ac amlder niwl y mwg-darth oedd yn derchafu.

¹²Ac efe a ddywedodd wrthif, a weli di fab dŷn yr hyn y mae henuriaid Israel yn ei wneuthur mewn tywyllwch, bôb vn o fewn ei ddelw-gelloedd? canys dywedant nid yw’r Arglwydd yn ein gweled, gadawodd yr Arglwydd y ddaiar.

¹³Ac efe a ddywedodd wrthifi eil-waith: cei weled ffieidd-dra mawr y rhai a wnaethant hwy.

¹⁴Ac efe a’m dûg i ddrws porth ty’r Arglwydd yr hwn [sydd] tua’r gogledd, ac wele yno wragedd yn eistedd gan ŵylo am Thammuz.

¹⁵Ac efe a ddywedodd wrthif, a wêli di fab dŷn, dychwel etto, cei weled ffieidd-dra mwy nâ hyn.

¹⁶Ac efe a’m dûg i gyntedd tŷ’r Arglwydd oddi fewn, ac wele [wrth] ddrws Teml yr Arglwydd, rhwng y porth a’r allor, yng-hylch pum-ŵr ar hugain, pob vn ai cefn at deml yr Arglwydd, ai hwynebau tua’r dwyrain, a’r rhai hyn oeddynt yn ymgrymmu i’r haul tu’r dwyrain.

¹⁷Ac efe a ddywedodd wrthif, a weli di fab dŷn, ac yscafnach [dim] gan dŷ Iuda, nâ gwneuthur y ffiaidd-dra y rhai a wnaethant ymma? canys llanwasant y tîr â thrais, a gwrthdroasant i’m cyffroi fi, ac wele hwynt yn bwrw canghennau wrth eu ffroenau.

¹⁸Minne hefyd a wnaf yn fy llid, nad arbedo fy llygad, ac ni thosturiaf: yna y llefant yn fyng-hlustiau â llefain mawr, ac ni wrandawaf hwynt.