Read William Morgan Bible 1588 original edition Daniel 12 Bible Online

Daniel 12 - William Morgan Bible 1588 original edition bible

Daniel 12

¹Cyssur y ffyddloniaid o ail cyfodiad y meirw. 8 Mor dywyll yw prophwydoliaeth Daniel. Ac yn yr amser hwnnw y saif Michael y tywysog mawr, yr hwn sydd yn sefyll tros feibion dy bobl: yna y bydd amser blinder, y cyfryw ni bu er pan yw cenhedlaeth hyd yr amser hwnnw: ac yn yr amser hwnnw y dianc dy holl bobl y rhai a gaffer yn scrifennedic yn y llyfr.

²A llawer o’r rhai sydd yn cyscu [mewn] daiar lychlyd a ddeffroant, rhai i fywyd tragywyddol, a rhai i warth a dirmyg tragywyddol.

³A’r athrawon a ddiscleiriant fel discleirdeb y ffurfafen, a’r rhai a droant lawer i gyfiawnder [fyddant] fel sêr byth yn dragywydd.

⁴Tithe Daniel, caea di y geiriau, a selia y llyfr hyd amser y diwedd, llawer a gynniwerant, ac amlheuir gŵybodaeth.

⁵Yna myfi Daniel a edrychais, ac wele ddau eraill yn sefyll, vn o’r tu ymma ar fîn yr afon, ac vn [arall] o’r tu arall ar lann yr afon.

⁶Ac [vn] a ddywedodd wrth yr hwn a wiscasid â lliain, yr hwn [ydoedd] ar ddyfroedd yr afon, hyd pa bryd [yr oedir] diwedd y rhyfeddodau?

⁷Clywais hefyd y gŵr, a wiscasid â lliain, yr hwn [ydoedd] oddi ar ddwfr yr afon, pan dderchafodd efe ei law ddehau, ai asswy tua’r nefoedd, ac y tyngodd i’r hwn sydd yn byw yn dragywydd, mai wedi tymmor, tymmorau, a hanner, ac wedi darfod gwascaru nerth y bobl sanctaidd y darfydde hyn oll.

⁸Yna y clywais, ond ni ddeallais, eithr dywedais, ô fy Arglwydd, beth [fydd] diwedd hyn?

⁹Ac efe a ddywedodd, dos Daniel, caewyd, a seliwyd y geiriau hyn hyd amser y diwedd.

¹⁰Llawer a ymlanhânt, ac a ymgannânt, ac a ymburant: eithr y rhai drygionus a wnant ddrygioni, îe y rhai drygionus oll ni ddeallant: ond y rhai synnwyrol a ddeallant.

¹¹Ac o’r amser y symmudir y gwastadol [aberth,] ac y gosodir ffieidd-dra anrheithiol, [y bydd] mîl, dau cant, a dêc a phedwar vgain o ddyddiau.

¹²Gwyn ei fyd a ddisgwilio, ac a gyrhaeddo hyd fîl, try-chant, a phymthec ar hugain o ddyddiau.

¹³Dos dithe hyd y diwedd, canys gorphywysi, a sefi ar dy ran yn niwedd y ddydiau. Terfyn llyfr y Prophwyd Daniel.