Read William Morgan Bible 1588 original edition Daniel 8 Bible Online

Daniel 8 - William Morgan Bible 1588 original edition bible

Daniel 8

¹Ymladdiad hwrdd a bwch yn arwyddocâu rhyfel rhwng y Persiaid a’r Groegiaid. Yn y drydedd flwyddyn o deyrnasiad Balthasar y brenin yr ymddangosodd i mi weledigaeth: myfi Daniel [ai gwelais] wedi [yr hon] a ymddangosase i mi yn y dechreuad.

²Gwelais hefyd mewn gweledigaeth, a bu pan welais, mai yn Susan y brenhin-lys yr hwn [sydd] o fewn talaith Elam [yr oeddwn] i: îe gwelais mewn gweledigaeth, ac yr oeddwn i wrth afon Ulai.

³Yna y cyfodais fy llygaid, ac edrychais, ac wele ryw hwrdd yn sefyll wrth yr afon, a deugorn iddo, a’r ddau gorn oeddynt vchel, ac vn yn vwch na’r llall: a’r vchaf a gyfodase yn olaf.

⁴Gwelwn yr hwrdd yn cornio tua’r gorllewyn, tua’r gogledd, a thua’r deau, fel na safe vn bwyst-fil oi flaen ef, ac nid [oedd] a achube rhagddo ef: ond efe a wnaeth yn ôl ei ewyllys ei hun, ac a ymfawrygodd.

⁵Ac yr oeddwn yn ystyried [hyn,] wele hefyd fŵch geifr yn dyfod o’r gorllewyn, ar hŷd wyneb yr holl ddaiar, ac heb gyffwrdd a’r ddaiar, ac i’r bŵch [yr oedd] corn amlwg rhwng ei lygaid.

⁶Ac efe a ddaeth hyd at yr hwrdd cornioc yr hwn a welswn yn sefyll wrth yr afon, ac efe a redodd atto ef oi holl nerth.

⁷Gwelais ef hefyd yn dyfod hyd at yr hwrdd, ac efe a ymchwerwodd wrtho ef, ac a darawodd yr hwrdd, ac a dorrodd ei ddau gorn ef, ac nid oedd cryfder yn yr hwrdd i sefyll oi flaen ef, eithr efe ai bwriodd ef i lawr, ac ai sathrodd ef, ac nid oedd a achube yr hwrdd oi law ef.

⁸A’r bŵch geifr a ymfawrogodd yn fawr, ac wedi ei gryfhaû torrodd y corn mawr, a chododd pedwar corn yn ei lê ef tua phedwar gwynt y nefoedd.

⁹Ac o vn o honynt y daeth allan vn corn bychan, ac a dyfodd yn rhagorol tua’r deheu a thua’r dwyrain, a thua’r hardd-wlâd.

¹⁰Tyfodd hefyd hyd lu y nefoedd, a bwriodd i lawr [rai] o’r llu, ac o’r sêr, ac ai sathrodd hwynt.

¹¹Ymfawrygodd hefyd hyd at dywysog y llu, yna y dugwyd ymmaith yr [offrwm] gwastadol oddi wrtho ef, ac y bwriwyd ymmaith le ei gyssegr ef.

¹²Felly y gosodir llu yn erbyn yr [offrwm] gwastadol mewn camwedd, ac efe a fwrw y gwirionedd i lawr, felly y gwna, ac y llwydda.

¹³A chlywais ryw sanct yn llefaru, a dywedodd rhyw sanct wrth ryw vn rhagorol yr hwn oedd yn llefaru: pa hŷd [yr erys] gweledigaeth yr offrwm gwastadol, gan roddi y cyssegr a’r llu yn sathrfa?

¹⁴Ac efe a ddywedodd wrthif, hyd ddwy fil a thry-chant o ddiwrnodau: yna y purir y cyssegr.

¹⁵A phan welais i Daniel y weledigaeth a cheisio o honof ddeall, yna wele safodd ger fy mron megis rhith gŵr.

¹⁶A chlywais lais dyn rhwng [glannau] Ulai, ac efe a lefodd, ac a ddywedodd, Gabriel, gwna i hwn ddeall y weledigaeth.

¹⁷Ac efe a ddaeth wrth y lle y sefais, a phan ddaeth mi a ddychrynnais, ac a syrthiais ar fy wyneb, ac efe a ddywedodd wrthif: deall fab dŷn o herwydd y weledigaeth [fydd] dros amser terfynol.

¹⁸A thra llefarodd wrthif syrthiais mewn trym-gwsc i lawr ar fy wyneb: ac efe a gyffyrddodd â mi, ac a’m cyfododd yn fy sefyll.

¹⁹Dywedodd hefyd: wele fi yn yspyssu it yr hyn a fydd yn niwedd y digter, canys ar amser gosodedic [y bydd] diben.

²⁰Yr hwrdd yr hwn a welaist yn berchen deu-gorn [yw] brenin y Mediaid a’r Phersiaid.

²¹A’r bwch blewog [yw] brenin Groec, a’r corn mawr yr hwn [oedd] rhwng ei lygaid, dyna y brenin cyntaf.

²²Lle y drylliwyd ef, ac y cyfododd pedwar yn ei le, pedair brenhiniaeth a gyfodant o’r [vn] genhedlaeth, ac nid vn nerth ag ef.

²³Ac yn niwedd eu brenhiniaeth hwynt, (pan gyflawner [rhifedi] y trosedd-wŷr) y cyfyd brenin caled ei wyneb, ac yn deall dammegion.

²⁴Ai nerth ef a gadarnheuir, ond nid yn ei nerth ei hun, efe a ddinistria yn rhyfedd ac a lwydda, ac a orphen: îe efe a ddinistria y cedyrn, a’r bobl sanctaidd.

²⁵A thrwy ei gyfrwystra y ffynna ganddo dwyllo, ac efe a ymfawryga yn ei galon: a thrwy lonyddwch y dinistria efe lawer, ac efe a saif yn erbyn tywysog y tywysogion, yna y dryllir ef heb law.

²⁶A gweledigaeth yr hwyr, ar boreu, yr hon a draethwyd sydd wirionedd, selia dithe y weledigaeth, o herwydd wedi dyddiau lawer [y bydd.]

²⁷Minne Daniel a lesceais, ac a fum glaf ennyd, yna y cyfodais, ac y gwneuthum orchwyl y brenin, ac a ryfeddais o herwydd y weledigaeth, gan nad [oedd] a fedre ddirnad.