Read William Morgan Bible 1588 original edition Osea 1 Bible Online

Osea 1 - William Morgan Bible 1588 original edition bible

Osea 1

¹Yr amser y Prophwydodd Osea. 2 Duw trwy gyffellybiaeth o wraig odinebus ai phlant yn ceryddu gaudduwiaeth y bobl. 10 Galwedigaeth y cenhedloedd. 11 Addewid o vn pen, sef Crist. Gair yr Arglwydd, yr hwn a ddaeth at Osea fab Beeri yn nyddiau Osea, Iotham, Ahas, ac Hezecia brenhinoedd Iuda, ac yn nyddiau Ieroboam fab Ioas, brenin Israel.

²Pan ddechreuodd yr Arglwydd lefaru drwy Osea, yna yr Arglwydd a ddywedodd wrth Osea, dos, cymmer it wraig odinebus a phlant [o] odineb: o herwydd y mae y wlâd gan butteinio yn putteinio oddi ar ôl yr Arglwydd.

³Ac efe a aeth, ac a gymmerodd Gomer ferch Deblaim, a hi a feichiogodd ac a ymddug iddo ef fâb.

⁴A’r Arglwydd a ddywedodd wrtho ef, galw ei enw ef Iezrahel: canys ar fyrder yr ymwelaf â gwaed Iezrahel ar dŷ Iehu, ac y gwnaf i frenhiniaeth tŷ Israel ddarfod.

⁵A’r dydd hwnnw y torraf fŵa Israel, yng-lynn Iezrahel.

⁶A hi a feichiogodd eil-waith, ac a escorodd ar ferch, a dywedodd [yr Arglwydd] wrtho, galw ei henw hi Loruchamah, am na chwanegaf drugarhaû wrth dŷ Israel, eithr gan ddwyn dygaf hwynt ymmaith.

⁷Ac etto trugarhâf wrth dŷ Iuda, a chadwaf hwynt drwy yr Arglwydd eu Duw, nid â bwa, nac â chleddyf, nac â rhyfel, [nac] â meirch, nac â marchogion y cadwaf hwynt.

⁸A hi a ddiddyfnodd Loruchamah, ac a feichiogodd ac a escorodd ar fâb.

⁹Ac efe a ddywedodd, galw ei enw Loammi, am nad ydych bobl i mi, am hynny ni byddaf i chwithau [yn Dduw.]

¹⁰Etto bydd nifer meibion Israel fel tyfod y môr, y rhai ni’s mesurir, ac ni’s cyfrifir: a bydd yn y man lle y dywedwyd wrthynt, nid pobl i mi [ydych] chwi, y dywedir wrthynt, meibion i Dduw byw [ydych.]

¹¹Yna meibion Iuda, a meibion Israel a gesclir yng-hyd, ac hwy a osodant iddynt vn pen: a deuant i fynu o’r tîr: canys mawr [fydd] dydd Iezrahel.