Read William Morgan Bible 1588 original edition Osea 10 Bible Online

Osea 10 - William Morgan Bible 1588 original edition bible

Osea 10

¹Gau-dduwiaeth Israel, ai cosp am hynny. Gwinwydden wâg [yw] Israel, efe a esyd ffrwyth iddo ei hun: yn ôl amlder ei ffrwyth yr amlhaodd efe allorau: yn ôl daioni ei dîr y gwellhâsant ar ddelwau.

²Eu calon a ymrannodd, dinistrir hwynt bellach, efe a dyrr i lawr eu hallorau hwynt, efe a ddestruwia eu delwau.

³Canys yr awr hon y dywedant, nid [oes] i ni frenin, am nad ofnasom yr Arglwydd: a pheth a wnae y brenin i ni?

⁴Dywedasant eiriau, gan dyngu anudon [wrth] wneuthur ammod: tarddodd barn megis y wermod yn rhychau fy meusydd.

⁵Presswyl-wŷr Samaria a ofnant o herwydd llo Bethafen, ei bobl a alarant drosto, offeiriad Baal [y rhai] a lawenychant ynddo o achos eu gogoniant [a alarant] pan ymadawo oddi wrtho ef.

⁶Hefyd efe a ddygir i Assyria yn anrheg i frenin Iareb: Ephraim a dderbyn gywilydd, ac Israel a wradwyddir gan ei ddychymmyg ei hun.

⁷Samaria ai brenin a dorrir ymmaith fel ewyn ar wyneb y dwfr.

⁸Uchelfeudd Afen a ddestruwir, [sef] pechodfa Israel, dring drain a mieri ar eu hallorau, a dywedant wrth y mynyddoedd, gorchguddiwch nyni, ac wrth y brynnau, syrthiwch arnom.

⁹O Israel ti a bechaist er dyddiau Gibea, yno y safasant: a’r rhyfel yn Gibea yn erbyn plant anwiredd ni chyffyrddodd â hwynt.

¹⁰Wrth fy ewyllys y cospaf hwynt, a phobl a gesclir yn eu herbyn, pan rwymer hwynt yn eu dwy gwys.

¹¹Ac Ephraim [sydd] anner wedi ei dyscu yn dda genddi ddyrnu: a minne a âf dros degwch ei gwddf, paraf i Ephraim farchogeth, Iuda a ardd, ac Iacob a lyfna iddo.

¹²Heuwch iwch mewn cyfiawnder, a medwch yn ôl trugaredd: brynerwch iwch frynar, canys [y mae] yn amser i geisio yr Arglwydd hyd oni ddelo a glawio iwch gyfiawnder.

¹³Arddasoch iwch ddrygioni, medasoch anwiredd, bwyttasoch ffrwyth celwydd, am it ymddyried yn dy ffordd dy hun, [ac]yn lluosogrwydd dy gedyrn.

¹⁴Cyfyd terfysc yn dy bobl, a’th holl ddinasoedd cedyrn a ddinistrir, fel y darfu i Salma ddinistrio Beth Arbel yn amser rhyfel: [lle] y drylliwyd wrth gelfi bennau y famm, a’r plant.

¹⁵Fel hynny y gwna Bethel i chwithau, am eich mawr-ddrwg: gan ddifetha y difethir brenin Israel ar y wawr ddydd.