Read William Morgan Bible 1588 original edition Osea 12 Bible Online

Osea 12 - William Morgan Bible 1588 original edition bible

Osea 12

¹Yn-Nuw, ac nid yn nyn, y mae ymddyried. Ephraim sydd yn ymborthi [ar] y gwynt, ac yn dilyn gwynt y dwyrain, ar hŷd y dydd yr amlhaodd gelwydd a dinistr, ammod a wnaethant a’r Assyriaid: [eu] holew a ddygwyd i’r Aipht.

²Ac [y mae] gan yr Arglwydd gŵyn ar Iuda, ac efe a ymwel ag Iacob yn ôl ei ffyrdd, yn ôl ei ddychymmygion y tâl iddo y pwyth.

³Yn y groth y daliodd efe sodl ei frawd, ac yn ei nerth yr ymdrechodd â Duw.

⁴Ac ymdrechodd a’r angel, a gorchfygodd, wylodd, ac ymbiliodd ag ef: cafodd ef yn Bethel, ac yno’r ymddiddanodd â ni.

⁵Ac Arglwydd Dduw y lluoedd [ie] yr Arglwydd [yw] ei goffadwriaeth.

⁶Trô dithe at dy Dduw, cadw drugaredd, a barn, ac ymddyriet yn dy Dduw bob amser.

⁷Yn ei law ef Canaan [y mae] cloriannau twyll: da ganddo orthrymmu.

⁸A dywedodd Ephraim, etto mi a gyfoethogais, cefais i’m olud, ni chafodd fy holl boenau arnaf [vn] anwiredd yr hwn [sydd] bechod.

⁹A mi [ydwyf] yr Arglwydd dy Dduw [a’th ddûg] o dir yr Aipht, gwnaf it drigo etto mewn pebyll: megis ar ddyddiau vchel-ŵyl.

¹⁰Ymddiddenais trwy y prophwydi, a mi a amlheais weledigaethau, a mynegais gyffelybiaethau trwy law y prophwydi.

¹¹Ai anwir Gilead? gwagedd ydynt yn vnic: yn Gilgal yr aberthasant ychen, eu hallorau hefyd [ydynt] fel carneddau yn rhychau y maes.

¹²Ffôdd Iacob hefyd i wlad Syria, a gwasanaethodd Israel am wraig, am wraig y cadwodd ddefaid.

¹³Trwy brophwyd y dug yr Arglwydd Israel o’r Aipht: a thrwy brophwyd y cadwyd ef.

¹⁴Cyffrôdd Ephraim chwerwedd: ai waed ei hun a dywelltir arno: ai Arglwydd a dâl iddo ei wradwydd.