Read William Morgan Bible 1588 original edition Osea 13 Bible Online

Osea 13 - William Morgan Bible 1588 original edition bible

Osea 13

¹Ffieidd-dra Israel, 9 Ac achos eu dinistr hwynt. Pan lefarodd Ephraim, arswyd [oedd,] ymdderchafodd efe yn Israel: onid pechodd gyd â Baal, a bu farw.

²Ac yr awr hon chwanegasant bechu, ac oi harian y gwaethant iddynt eu hun yn ôl eu meddyliau eu hun, [sef] delwau tawdd yn eulynnod: a’r cwbl yn waith y celfydd, am y rhai y maent yn dywedyd, y rhai a aberthant ddyn, cusanant y lloi.

³Am hynny y byddant fel y boreu gwmmwl, megis y gwlith a ymedu yn foreu, fel man-us a chwaler o’r llawr dyrnu, ac fel mŵg o ffumer.

⁴Ac myfi [yw]’r Arglwydd dy Dduw, [dy waredudd] o dîr yr Aipht: ni chei gydnabod Duw onid myfi: ac nid [oes] iachawdur onid myfi.

⁵Mi a’th adnabum yn y diffaethwch, yn nhir y poethni.

⁶Fel [yr oedd] eu porfa y cawsant eu gwala, a phan gawsant eu gwala, codasant eu calonnau, ac anghofiasant fi.

⁷Onid mi a fyddaf fel llew iddynt, megis llewpard ar ffordd Assur.

⁸Cyfarfyddaf â hwynt fel arth wedi colli ei chenawon: rhwygaf linynnau eu calon hwynt yna fel llew y difâf hwynt, bwyst-fil maes ai llarpia hwynt.

⁹[Dy bechod] a’th ddinistriodd Israel: onid ynofi [y mae] dy gymmorth.

¹⁰Dy Frenin ydwyf, pa le [y mae arall] a’th waredo di yn dy holl ddinasoedd? mae dy frawd-wŷr, am y rhai y dywedaist, dyro i mi frenin, a thywysogion?

¹¹Rhoddaf it frenin yn fy nîg: a dygaf ef ymmaith yn fy llid.

¹²Rhwymwyd anwiredd Ephraim, cuddiwyd ei bechod.

¹³Gofid vn yn escor a ddaw arno ef, mab anghall yw efe: canys ni ddylease efe sefyll yr amser [hwn] yn escoreddfa plant.

¹⁴O law vffern yr achubaf hwynt, oddi wrth angen y gwaredaf hwynt, byddaf angeu i ti ô angeu, byddaf drangc i ti vffern: cuddiwyd edifeirwch o’m golwg.

¹⁵Canys efe a ffrwytha ym mysc brodyr, daw gwynt y dwyrain, [sef] gwynt yr Arglwydd o’r anialwch a dderchafa, ac a sycha ei withiennau, ai ffynnon a aiff yn hesp: efe a yspeilia bob llestr dymunol.

¹⁶Diffeithir Samaria am ei bod yn anufydd iw Duw, syrthiant ar y cleddyf, eu plant a ddryllîr wrth gelfi, ai [gwragedd] beichiogion a rwygir i fynu.