Read William Morgan Bible 1588 original edition Osea 14 Bible Online

Osea 14 - William Morgan Bible 1588 original edition bible

Osea 14

¹Cyngor i Israel i droi at Dduw. Ymchwel Israel at yr Arglwydd dy Dduw: canys ti a syrthiaist trwy dy anwiredd dy hun.

²Cymmerwch gyd â chwi y geiriau [hyn] a dychwelwch ac yr Arglwydd, a dywedwch wrtho, maddeu di ein holl anwiredd, cymmer [ni] yn ddaionus, a thalwn [it] loi ein gwefusau.

³Nid Assur a’n hachub ni, ni farchogwn mwy ar feirch, ac ni ddywedwn mwyach wrth waith ein dwylo, ô ein duwiau, o herwydd ynot ti y caiff yr ymddifad drugaredd.

⁴Meddiginiaethaf eu hymchweliad hwynt, caraf hwynt yn ewyllyscar, canys trôdd fy nig oddi wrtho.

⁵Byddaf fel gwlith i Israel, efe a flodeua fel y lili, ac a leda ei wraidd megis [prennau] Libanus.

⁶Ei geingciau a gerddant, bydd ei degwch fel yr oliwydden, ai arogl fel Libanus.

⁷Y rhai a arhosant dann ei gyscod ef a ddychwelant, ac a dyfant [fel] ŷd, blodeuant hefyd fel y win-wŷdden, bydd ei goffadwriaeth fel gwin Libanus.

⁸Ephraim beth [sydd] i mi mwyach [a wnelwyf] ag eulynnod? gwrandewais, ac edrychais arno: myfi [ydwyf] fel ffynnid-wydden ir, o honofi y ceir dy ffrwyth di.

⁹Yr hwn [sydd] ddoeth a ddeall hyn, a’r deallgar ai cydnebydd: iniawn yw ffyrdd yr Arglwydd, y rhai cyfiawn a rodiant ynddynt: ond yr annuwolion a dramgwyddant ynddynt. Terfyn llyfr Osea.