Read William Morgan Bible 1588 original edition Osea 3 Bible Online

Osea 3 - William Morgan Bible 1588 original edition bible

Osea 3

¹Gwrthodiad yr Iddewon am eu gau-dduwiaeth. 5 Eu dychweliad at yr Arglwydd. Yna yr Arglwydd a ddywedodd wrthif, dos etto câr wraig hoff gan ei chyfaill, a hithe wedi torri ei phriodas, yn ôl cariad yr Arglwydd ar feibion Israel, a hwythau yn edrych ar ôl duwiau dieithr, ac yn hoffi y costrêlau gwin.

²A mi ai prynais hi er pymthec [dryll o] arian, er Homer, a hanner Homer o haidd.

³A dywedais wrthi hi, aros gyd â mi lawer o ddyddiau, na phutteinia, ac na fyddi ŵr [arall,] a minef hefyd [a fyddaf] felly i tithe.

⁴Canys llawer o ddyddiau’r erys meibion Israel heb frenin, ac heb dywysog, ac heb aberth, ac heb ddelw, ac heb Ephod na Theraphim.

⁵Wedi hynny y try meibion Israel, ac y ceisiant yr Arglwydd eu Duw, a Dafydd eu brenin: ac yn y dyddiau diwethaf y parchant yr Arglwydd ai ddaioni.