Read William Morgan Bible 1588 original edition Osea 4 Bible Online

Osea 4 - William Morgan Bible 1588 original edition bible

Osea 4

¹Drygioni pobl, ac offeiriaid Israel. Meibion Israel gwrandewch air yr Arglwydd, canys [y mae] cŵyn rhwng yr Arglwydd a thrigolion y wlâd, am nad [oes] gwirionedd, na thrugaredd, na gŵybodaeth o Dduw yn y wlâd.

²[Onid] tyngu, dywedyd celwydd, lladd celain, lladratta, a thorri priodas a orchfygasant: a gwaed a gyffwrdd a gwaed.

³Am hynny y galara y wlâd, ac y llesceir yr hyn oll a’r y fydd yn trigo ynddi o fwyst-filod y maes, ac o ehediaid y nefoedd: pysc y môr hefyd a ddarfyddant.

⁴Er hynny nac ymrysoned, ac na cherydded neb ei gilydd: canys dy bobl [sydd] megis yn ymryson â’r offeiriad.

⁵Am hynny ti a syrthi y dydd, a’r prophwyd hefyd a syrth gyd â thi y nôs: a mi a ddifethaf dy fam.

⁶Fy mhobl a ddifethir o eisieu gŵybodaeth, a’m it ddiystyru gŵybodaeth, minne a’th ddiystyraf dithe, fel na byddech offeiriad i mi: ac [am] it anghofio cyfraith dy Dduw, minne a anghofiaf dy blant dithe hefyd.

⁷Fel yr amlhausant, felly y pechâsant i’m herbyn: [am hynny] eu gogoniant a newidiaf i warth.

⁸Bwytta y maent bechod fy mhobl, ai hannog iw hanwiredd hwynt:

⁹A bydd yr vn fâth bobl ac offeiriad, ac ymwelaf ai ffyrdd ef yn ei erbyn: a thalaf iddo ei weithredoedd.

¹⁰Bwyttânt, ac ni’s diwellir, putteiniant, ac nid amlhânt, am iddynt beidio ag ystyried [cyfraith] yr Arglwydd.

¹¹Godineb, a gwîn, a gwîn newydd a ddwg y galon ymmaith.

¹²Fy mhobl a ofynnant gyngor iw cyffion, ai ffonn a ddengys iddynt, o herwydd i yspryd godineb eu cyfeiliorni [hwynt:] a phutteiniasant oddi wrth eu Duw.

¹³A’r bennau y mynyddoedd yr aberthant, ac ar y brynnau y lloscant arogl-darth, tann y dderwen, a’r boplysen, a’r llwyfen: am fod yn dda eu cyscod, am hynny y putteinia eich merched chwi, a’ch rhianod a dorrant briodas.

¹⁴Ac nid ymwelaf a’th merched am butteinio, na’ch rhianod am dorri priodas: am fod y rhai hyn yn ymddidoli gyd â phutteniaid, ac aberthasant gyd â merched dâ, a’r bobl ni ddeallant a dramgwyddant.

¹⁵Er i ti Israel butteinio, na pheched Iuda, nac ewch i Gilgal, na ddringwch i Bethafen: ac na thyngwch, byw yw’r Arglwydd.

¹⁶Fel anner anhywaith yr anhyweithiodd Israel, yr Arglwydd yr awr hon ai portha hwynt fel oen mewn ehangder.

¹⁷Ephraim a ymgefeilliodd ag eulynnod: gâd iddo.

¹⁸Drewi y mae eu meddwdod, gan butteinio y putteiniasant, hoffant [ddywedyd,] moeswch: gwarthus yw eu llywodraeth-wŷr.

¹⁹Y gwynt a rwymodd [y genhedlaeth] hon yn ei adenydd, a bydd arnynt gywilydd oi haberthau.