Read William Morgan Bible 1588 original edition Osea 5 Bible Online

Osea 5 - William Morgan Bible 1588 original edition bible

Osea 5

¹Beiau offeiriaid, swyddogion, a phobl Israel: ai cospedigaeth. Clywch hyn chwi offeiriaid, gwrandewch tŷ Israel, a thŷ y brenin rhoddwch glust. [y mae] barn i’ch erbyn, am eich bod yn faglar Mizpah: ac yn rhwyd wedi ei lledu ar Thabor.

²Pan bwysasant i ladd, aethant i’r glynnoedd: myfi [a roddaf] gerydd iddynt oll.

³Myfi a adwen Ephraim, ac nid yw Israel guddiedic oddi wrthif: canys ti Ephraim bellach a butteiniaist, ac Israel a halogwyd.

⁴Ni roddant eu meddwl ac droi at eu Duw am [fod] yspryd godineb oi mewn, ac nid adnabuant yr Arglwydd.

⁵Balchder Israel a ddwg destiolaeth yn ei wyneb: Israel ac Ephraim a syrthiant yn eu hanwiredd: Iuda hefyd a syrth gyd â hwynt.

⁶Ai defaid, ac ai gwarthec y deuant i geisio yr Arglwydd, ond nis cafant ef: ciliodd efe oddi wrthynt.

⁷Yn erbyn yr Arglwydd y pechâsant, am iddynt genhedlu plant dieithr: mis bellach ai difa hwynt yng-hyd ai rhannau.

⁸Cenwch y corn yn Gibea, yr vd-corn yn Ramah, vdcenwch [yn] Bethafen: ar dy ôl di Beniamin [y cenir.]

⁹Ephraim fydd yn anrhaith yn-nydd y cerydd, perais ŵybod gwirionedd ym mysc llwythau Israel.

¹⁰Bu dywysogion Iuba fel symud-wyr terfyn, [am hynny] y tywalldaf arnynt fy llîd fel dwfr.

¹¹Gorthrymmwyd Ephraim, drylliwyd mewn darn: am ewyllysio o honaw ef fyned ar ôl y gorchymyn.

¹²A mi a fyddaf fel gwyfyn i Ephraim, ac fel pydredd i dŷ Iuda.

¹³Pan welodd Ephraim ei lescedd, ac Iuda ei archoll: aeth Ephraim i Assyria ac a hebryngodd at frenin Iareb: etto ni alle efe eich meddiginiaethu, ac ni iachae efe eich archoll.

¹⁴Canys mi a fyddaf i Ephraim fel llew, ac i dŷ Iuda fel cenew llew: myfi a sclyfaethaf ac a âf ymmaith, dygaf ymmaith, ac ni [bydd] achubudd.

¹⁵Af a dychwelaf i’m lle hyd oni welant eu bai, a cheisio fy wyneb: pan fyddo adfyd iddynt i’m boreu-geisiant.