Read William Morgan Bible 1588 original edition Osea 6 Bible Online

Osea 6 - William Morgan Bible 1588 original edition bible

Osea 6

¹Y bobl yn ymchwelyd at yr Arglwydd rhag gofid. 9 Drygioni’r offeiriaid. Deuwch, a dychwelwn at yr Arglwydd, canys efe a sclyfaethodd, ac efe a’n hiachâ ni, efe a darawodd, ac a’n meddiginiaetha ni.

²Efe a’n bywhâ ni ar ôl dau ddydd, a’r trydydd dydd y cyfyd ni i fynu: a byddwn fyw ger ei fron ef.

³Yna’r adnabyddwn, [ac] y dilynwn adnabod Duw: ei fynediad allan a ddarperir fel y wawr ddydd: ac efe a ddaw fel cafod attom, fel y diweddar-law amserol i’r ddaiar.

⁴Beth a wnaf i ti Ephraim? beth a wnaf i ti Iuda, eich mwynder sydd yn ymado fel cwmwl y boreu, ac fel gwlith boreuol.

⁵Am hynny y difethais trwy y prophwydi, lleddais hwynt â geiriau fyng-enau: a goleuni dy farnedigaethau a aeth allan.

⁶Canys ewyllysiais drugaredd, ac nid aberth, a gŵybodaeth o Dduw yn fwy na phoeth offrymmau.

⁷A’r rhai hyn fel Adda a dorrasant y cyfammod: yna y buant anffyddlon i mi.

⁸Dinas gweithred-wŷr anwiredd [yw] Gilead, wedi ei halogi gan waed.

⁹Cyfeillach o offeiriaid a laddant [ar] y ffordd tua Sichem megis llu [o rai] yn disgwil vn: canys gwnant scelerder.

¹⁰Gwelais yn nhŷ Israel halogedigaeth: yno [trwy] odineb Ephraim yr halogwyd Israel.

¹¹Gosododd hefyd gynhaiaf i tithe Iuda, a mi yn dychwelyd caethiwed fy mhobl.