Read William Morgan Bible 1588 original edition Osea 7 Bible Online

Osea 7 - William Morgan Bible 1588 original edition bible

Osea 7

¹1 Drygioni y bobl. 12 Ai cospedigaeth. A’m fi’n iachau Israel, datcuddiwyd anwiredd Ephraim, a drygioni Samaria: canys gwnant ffalsder: y lleidr a ddaw i mewn, a’r yspeiludd a anrheithia oddi allan.

²Nid ydynt yn meddwl yn eu calonnau, fy mod i yn cofio eu holl ddrygioni hwynt: weithiau eu gweithredoedd eu hun ai hamgylchynâsant, [ac] y maent ger fy mron.

³Llawenhânt y brenin ai drygioni, a’r tywysogion ai celwyddau.

⁴Pawb o honynt sydd yn torri priodas, [ac] fel ffwrn wedi ei phoethi o’r pobydd: [er pan] beidio a chodi [ac] a thylino y toes hyd oni suro efe.

⁵Diwrnod ein brenin [yw] hwn, y tywysogion ai clwyfasant ef a’r gostrel wîn: estynnodd ei law i watwar-wŷr.

⁶Fel yr oeddynt yn cynllwyn, darparasant eu calon fel ffwrn, y pobydd a gyscodd ar hyd y nôs, [a’r] boreu y lloscodd fel fflamm dân.

⁷Pawb o honynt wresogant fel y ffwrn, ac a yssant eu barn-wŷr: eu holl frenhinoedd a gwympâsant, heb [vn] o honynt yn galw arnafi.

⁸Ephraim a ymgymmyscodd a’r bobloedd, Ephraim sydd [fel] teisen heb ei throi.

⁹Estroniaid a fwyttasant ei olud ef, ac ni’s gŵyr efe: gwascarodd pen-wynni ar hyd-ddo ef ac nis gŵybu efe.

¹⁰Mae balchder Israel yn testiolaethu yn ei wyneb: er hynn oll ni throant ac yr Arglwydd eu Duw, ac ni’s ceisiant ef.

¹¹Ephraim [sydd] fel colommen ynfyd heb galon, [weithie] y galwant ar yr Aipht [weithie] yr ânt i Assyria.

¹²Pan elont, tanaf fy rhwyd drostynt, a thynnaf hwynt i lawr fel ehediad y nefoedd: cospaf hwynt, fel y clybu eu cynnulleidfa hwynt.

¹³Gwae hwynt, canys ffoasant oddi wrthif, [daw] dinistr arnynt, o herwydd gwnaethant gamwedd i’m herbyn: myfi ai gwaredais hwynt, a hwythau a ddywedasant gelwydd arnaf.

¹⁴Ni alwasant arnaf âi calon, pan vdâsant ar eu gwelau: am ŷd, a melys-wîn yr ymgasclasant, [yna] ciliasant oddi wrthif.

¹⁵Mi a rwymais, [ac] a nerthais eu breichiau hwynt: etto meddyliâsant ddrwg i mi.

¹⁶Dychwelâsant nid at y Goruchaf, ydynt fel bŵa twyllodrus, eu tywysogion a syrthiasant ar y cleddyf am ddirmyg eu tafod: dymma eu gwatwargerdd hwynt yng-wlad yr Aipht.