Read William Morgan Bible 1588 original edition Osea 8 Bible Online

Osea 8 - William Morgan Bible 1588 original edition bible

Osea 8

¹Dinistr ar Iuda, ac Israel am eu gau-dduwiaeth. At dy safn â’r vdcorn, fel eryr [y daw y gelyn] yn erbyn tŷ’r Arglwydd: am iddynt drosseddu fyng-hyfammod, a phechu yn erbyn fyng-hyfraith.

²Israel a lefant arnaf, fy Nuw, nyni a’th adwaenom di.

³Ffieiddiodd Israel ddaioni: y gelyn ai herlid yntef.

⁴Hwynt a wnaethant frenhinoedd, ac nid o honofi, gwnaethant dywysogion, ac ni chefais ŵybod: oi harian, ai haur y gwnaethant iddynt eu hun ddelwau, ac am hynny y torrir [Israel] ymmaith.

⁵Samaria, ciliodd dy lô, fy nîg a lidiodd wrthynt, pa hŷd ni fedrant[ddilyn] diniweidrwydd?

⁶Canys o Israel [y mae] efe, y saer ai gwnaeth, ac nid yw efe Dduw, canys yn ddrylliau y bydd llô Samaria.

⁷Gwynt a hauasant, a chorwynt a fedant, corsen ni bydd iddo, y dwysen ni wnâ flawd, ac os gwnaiff, dieithriaid ai llwngc.

⁸Israel a lyngcwyd, bellach y byddant ym mysc y cenhedloedd fel offeryn heb hoffter ynddo.

⁹Canys hwynt a aethant i fynu i Assyria, yn assyn wyllt vnic iddo ei hun: Ephraim a gyflogodd gariadau.

¹⁰Hefyd am iddynt gyflogi [rhai] ym mysc y cenhedloedd, mi ai casclaf hwynt: a dechreuasant [ddeffygio] tippin ar faich brenin y tywysogion.

¹¹Canys amlhaodd Ephraim o allorau i bechu: allorau oeddynt ganddo i bechu.

¹²Mi a scrifennais iddo helaethder fyng-hyfraith, [ac] fel dieithr-beth y cyfrifwyd.

¹³[Yn lle] ebyrth fy rhoddion, cîg a aberthant, ac a fwytânt, yr Arglwydd nid yw fodlon iddynt: efe a gofia bellach eu hanwiredd, ac efe a ofwya eu pechodau, [sef] dychwelyd o honynt i’r Aipht.

¹⁴Anghofiodd Israel ei weithudd, ac a adailadodd balasau, ac Iuda a amlhaodd ddinasoedd caeroc: ond myfi a anfonaf dân iw dinasoedd, ac a yssaf eu palasau.