Read William Morgan Bible 1588 original edition Osea 9 Bible Online

Osea 9 - William Morgan Bible 1588 original edition bible

Osea 9

¹Neŵyn, â chaethiwed Israel. Israel na orfoledda, na lawenycha fel y cenhedloedd, canys putteiniaist oddi wrth dy Dduw: gwobrau a hoffaist ar bob llawr dyrnu ŷd.

²Y llawr dyrnu na’r gwîn-wryf ni’a portha hwynt, a’r gwîn newydd a dwylla y [genhedlaeth] hon.

³Ni thrigant yng-wlâd yr Arglwydd, ond Ephraim a ddychwel i’r Aipht: ac yn Assyria y bwytânt [beth] aflan.

⁴Ni thywalltant wîn i’r Arglwydd, ai haberthau ni [byddant] melus ganddo, byddant iddynt fel bara galar-wŷr: pawb a fwytânt o honaw a halogir: o herwydd eu bara dros eu heneidiau ni ddaw i dŷ yr Arglwydd.

⁵Beth a wnewch ar ddydd vchel-ŵyl, ar ddydd gŵyl yr Arglwydd?

⁶Canys wele aethant oddi wrth ddinistr, yr Aipht ai cascl hwynt, Memphis ai cladd hwynt, danadl a orescyn hyfrydwch eu harian hwynt, [a] drain [a dyf] yn eu pebyll.

⁷Dyddiau i ymweled a ddaethant, dyddiau talu’r pwyth a ddaethant: Israel a gânt ŵybod [hyn:] y prophwyd [fydd] ffôl, ynfyd, ac anwadal: ac am amlder dy anwiredd y bydd aml câs.

⁸Gwiliedudd Ephraim [a fu] gyd a’m Duw, [aeth] y prophwyd yn fagl adar-wr [yn maglu] yn ei holl lwybrau, [ac] yn gasineb yn nhŷ ei Dduw.

⁹Aethant i’r glynnoedd, llygrâsant megis yn amser Gibea: efe a goffa eu hanwiredd, ac a ymwel âi pechod.

¹⁰Cesais Israel fel grawn-wîn yn yr anialwch, gwelais eich tadau megis y ffrwyth cynharaf yn y ffigus-bren yn eu dechreuad: [ond] hwynt a aethant ac Baal Peor, ymddidolasant i warth, ac aethant yn ffiaidd fel y carâsant.

¹¹Ephraim eu gogoniant hwynt a eheda fel aderyn o anedigaeth, o grôth, ac o feichiogiad.

¹²Ac er iddynt fagu eu plant, rhoddaf hwynt heb vn plentyn: a gwae hwynt pan ymadawyf oddi wrthynt.

¹³Ephraim hyd y gwelaf a blannwyd fel Tyrus mewn cyfanneddle: etto [rhaid] i Ephraim ddwyn ei blant allan at y lleiddiad.

¹⁴Dyro iddynt Arglwydd: beth a roddi? crothau erthylgar, a bronnau hespion.

¹⁵Eu holl, ddrygioni hwynt [sydd] yn Gilgal, yno y caseais hwynt: am ddrygioni eu gweithredoedd eu hun y bwriaf hwynt allan o’m tŷ: ni chwanegaf eu caru hwynt: eu holl dywysogion [ydynt] anhywaith.

¹⁶Ephraim a dorrwyd i’r llawr, eu gwraidd a wywodd, dwyn ffrwyth ni’s gwnant: ac os cenhedlant, lladdaf annwyl-blant eu crothau.

¹⁷Fy Nuw ai gwrthyd hwynt, am na wrandawsant arno ef: am hynny y byddant gyrwydraid ym mhlith y cenhedloedd.